Things I Like To Whisper About

Would You Hear Me Whispering

بيب بيب هاريدي



مع الشمس اللي طالعه الها كم يوم بضل يخطر ببالي ايام زمان, كنا ساكنين احنا وعمامي بنفس العمارة, و كان احلى يوم لمّا اروح بكير , يكون في معلمه غايبه و معوضين حصص, و اروّح عالبيت الاقي ماما عالسطوح هي و مرتات عمامي - زوجات عمامي مش عارفه كيف بتنكتب :$ - المهم بكونو بشربو شاي او قهوه.

يا الله ما احلى الشعور, اروّح عالبيت و انا طول الطريق بدعي ادق عالباب وما الاقي ماما بالبيت من غير شر, وهالشي بعني انها عالسطوح.

تكون الشمس مش كتير حاميه, وريحه القهوه معبيه المكان,وصوت العصافير اللي معبيه السطوح, عمو هوايتة صيد العصافير و صيد السمك, السطوح مليان قفاص عصافير, صحيح يا دوب اقعد 10 دقايق و ننزل عالبيت, لكن هالعشر دقائق كانت من احلى الاوقات, وخصوصا لو حد من اخواني او اولاد او بنات عمي مروحين بكير.

كنّا بس يكون عيد استقلال او في مناسبه نطلع كل العيله بالليله عالسطوح بالليل علشان نشوف الالعاب الناريه, كانت بوقتها اشي مميز مش هيك بسبب ومن غير سبب بتنعمل, ومين هب و دب يعملها, من انا صغيره بحب الالعاب الناريه و حتى لمّى كبرت ضليت احبها لكن هلأ بعد ما صارت مستهلكه بطلت انطنط والفلف عالشبابيك لاشوفها زي قبل

واشي تاني بيخطر ببالي اله فتره, بس هو اشي غريب بوقتها و هلأ, في اغنيه كنّا نغنيها كتير واحنا صغار, اغنيه هبوله بصراحه, دورت عليها عالنت و مش فاهمه كيف لقيتها
الاغنيه هيه " هاريدي" :) بيب بيب هاريدي..حيعيط حيموت ..حيقلد الكتكوت
الي كم يوم انا واخوي بالبيت بس نكون صافنين و بنتفرج عالتلفزيون, فجأه نتطلع عبعض و نقلبها عرس بالبيت, وبابا وماما مصدومين من اللي بصير و من الاغنيه :)

وفي جزء بالاغنيه او بالشريط...ايون اشتريت الشريط بوقتها تخيلو :) في اغنيه مين اللي سرق العمود, برضه كانت تحشيش
كنت احب كيف الكورس البنات اللي بعيدو اللازمه او المذهب زي ما بسموه للاغنيه يكون صوت المظرب كأنه بدو يبكي, وصوت البنات كتير مبسوطين
كانت ايام...بصراحه من احلى الايام :)
اترككم مع الغنيه
و بيب بيب هاريدي :)







الصورة ما الها دخل بالموضوع, بس هي كانت من ضمن الاشياء الحلوه بفترتها :)

18 التعليقات :

قرأت المقال عشان الصوره

لأني هلأ منزله هاد الكرتون وعم بتفرج عليه
لسه من شوي حاضره 3 حلقات

لأني ما بعرفه مزبوط يعني مش بخانة ذكرياتي فيكي تحكي:)

بس ملاحظه انو العالم مبطله تقعد مع بعض بره ومبطله الستات تتزاور الصبح كتير زي زمان؟

 

صح نسيت احكيلك

اغنية هاريدي كانت مقدسه عندي انا كمان كنت اسمعها ايام الامارات

اشي رجلي ومش عارفه شو صح؟

وفي اغانيه تانيه بالشريط متزكريتها؟ اغنية على اول الطريق الزراعي بتعرفيها اشي؟

بس اغنية العمود هاي ما عرفتها:)

يييه أيام :)

 

أنا صراحة عجبتني الصورة
هاي صورة ليدي أوسكار :)

يا الله شو كنت أحبه ، وبتذكر كيف ماتت في الآخر ، وكنت أعيط كثير عليها و أنا صغير

الأغنية تحشيش :)

هاي الذكريات الجميلة لا تقدر بثمن ، وبتزداد قيمتها كل ما اكبرنا في العمر

مش عارف ليه ايام زمان كانت أحلى بكثير ، الدنيا كانت أجمل وكنا نحس الخير موجود و البراءة موجودة

ما بعرف بحس عالم أطفال اليوم يفتقد البراءة اللي كانت موجودة على زمنا

التكنولوجيا دمّرت الطفولة ، حتى كرتون اليوم صار كله مؤذي و خالي من المعاني ، كله فقط لأهداف تجارية بحتة
آآآه

ذكرتينا بالزمن الحلو يا ويسبر

يسعد مساكي و يخليلك أحبابك

إذا كانت ذاكرتك قوية و ذكرياتك جميلة فأنتي من اسعد سكان الأرض :)

 

اه يا مفصلي يا عيني يا مفصلي بقيت تايوان مع اني الاصلي...
هههههههه
عجبني بالموضوع شواربه :P
يا عيني على هاريدي وايامه
ايام انس لست اذكرها الا واشكر غفلة الدهر
يسلمووووووو

 

مرحبا ويسبر :)
يمكن تعليقي مش على هاد الموضوع بالضبط، مع انو عجبتني اغنية هاريدي :p
بس انا من كم يوم وصلت لمدونتك بالصدفة، و قرأت فيها كم موضوع بشكل عشوائي، و أعجبتني طريقتك بالكتابة كتير :) و تنوع المواضيع اللي بتطرحيها من حياتنا اليومية بس بشكل كتير (لذيذ)...
بتمنالك التوفيق و رح أكون من المتابعين لمدونتك ان شاء الله...
تقبلي كل التحية

 

zaman konna hek bardo bas mesh 3ena belbet .. kona nroo7 3end bet setty . o no3od 3ala lestoo7.. o kano yrosho may hek al 3alashan eldenya etbored shway.. o kol wa7ad sa7en elbatee5 b2eedo . o el2ahwe 3ala eltawla.. o jedy yeo3od y7ky mo'3amarato :)).. maslan: mara safar betayarah s'3eereh o kan 2a3d 3ala eltaboot taba3 3amo lajedy .. o mara kaman 2ameer bels3udyeh ahda '3azal 3ayesh .. o jedy dalo masko belsyarah.. ba3dain el'3azal nat men elshobak.. )))ya3ni tab3an ma3 detail aktar men hek.. bas fe3lan kanat ayam 7lew .. ana hala2 sa7ee7 3ayesh bebet ahli .. bas yadob 2a3od ma3hom belyom tolt sa3a :(

 

مرحبا ويسبر

في الماضي كان كل شيء جميلا في عيوننا مهما كانت بساطته أما الآن فلقد أصبحنا كالتكنولوجيا نسابق الزمن دون توقف ونعقد حياتنا التي كانت مجبولة على البساطة ففقدنا متعة السعادة في حاضرنا لأنها أصبحت تتكون من معادلات تخلو من تراكيب ذكريات الزمن الجميل

تحية

 

مساء الخير ويسبر
اييييييييه .... زكرتيني بأيام زمان فعلا والله ما في زي الطفولة، لا مسؤولية ولا هم، كلها ضحك وتخويت.
على فكرة الفترة اللي نزلت فيها الاغنية هاي كانت نفسها الفترة اللي نزلت فيها اغنية حسن زعبولا ماشي بيتسلى.
اما بالنسبة للمغامرات على الاساطيح فحدث ولا حرج، ابسطها كان اني كنت ارمي حجار على السيارات واتخبى
بوست حلو والله يا ويسبر
زي دايما

 

Looooooooooooooooooool !!!

thts funny hehe ,.. haridi ! :P :P
memories .. funniest but the best

 

احلى شي مين سرق العمود
مرة كنت بتاني سنة جامعة و مارقة من شارع فيه محل كاسيت و ما لقيت الا كل الصبايا و الشباب بغنوا مع الاخ المطرب مين سرق العمود طبعا انا و اللي معي فرطنا ضحك
لا مش اغنية كانت نوع من انواع الضيعان
و صارت مشهورة في الجامعة عنا اي دكتور بسال ايا شي بكون الرد مين سرق العمود . و صارت تنكتب بالامتحان لما ما تعرف الاجابة
في ذكريات حلوة و بسيطة الها طعم حلو

 

عم بقرأ الحكي وبدور عن اشي اله علاقة بأوسكار

وبالاخير بتحكي الصورة ما الها دخل؟؟؟

بالنسبة للاغنية ... ما اظن اني سمعتها قبل هيك ... مع اني اعتبر من الجيل القديم نوعاً ما

_________________________
http://mymosaicshop.blogspot.com/2010/02/my-ship.html

شو رأيك؟ بما انك ما بتتابعي مدونتي الفنية , قلت خليني احطلك لينك:)

 

مياسي

لاااازم تحضري اوسكار, بيجنن هيني بحكيلك من هلأ و راح تبكي كتير :(

اي انا ما بعرف من اللي ساكنين حوالينا غير 2 او 3 و معرفه سلام من بعيد لبعيد :$
الله يرحم هديك الايام

الاغنيه كانت عامله عمايل عنّا بالبيت, كنا فاضحين اهلنا كل اولاد وبنات العيله و نبدا نغني يا سلااااااام

الطريق الزراعي :$ مش متزكرتها

مين اللي سرق العمود , زي ما حكت جفرا كانت تقريبا الجواب على كل شي بالحياة بفترتها ههههههه
كانت ايام ما بتتعوض :)

سراج الماضي

يا الله شو كنت ابكي انا كمان :( مش كرتون كان كتييير كنا نحبه

معك حق, ما بحسهم عايشين زي ما عشنا, حتى احنا كان اي شي يقنعنا و يفرحنا, هلأ مش كل شي بفرحهم

الله يسعد مساك وكل اوقاتك و يخليلك حبايبك انت كمان

والله ذاكرتي بتحوي هيك وهيك, ما بخلى الامر بس بحاول الواحد يكون متفائل و يبعد عن الذكريات السيئه, مع ان الحاضر السيء هو اللي بخلي الذكريات الحلوه ترجع
الحمد لله على كل حال :)

 

NewRise7

تحشيش صح؟؟؟
ههههههههههه

الله يسلمك.... ايام جميله الله يعيدها عالجميع :)

شكرا عالمتابعه :)

Mrs H

اهلا وسهلا فيكي :)
وانا بقول المدونه زايد نورها هالايام, طلعتي انت منورتيني :)
شكرا كتير عالكلام الرقيق و كتير سعيده بوجودك معنا

و بالنسبه ل " لذيذ" فمدونتك هي اللذيذه, يعني الوقت متأخر و انا جوعانه ومش راضيه اكل, وفتحت مدونتك لقيت التشيز كيك يمممممممم الله يسامحك :(

اهلا وسهلا فيكي دائما و بتنوريني :)

 

Zuhair

2e7na teta kanat 3ayesheh m3na :D fa feek te7kee 2eno betna kan beat elteta welkul kan yegtame3 3ena :)

mo3'amarat-hom kanat fe3lan mo3'amarat mesh zayna , nazlet el balad belnesbeh 2elna mo3'amarah :)

baba kan ye7kelna 2esas men halnaw3yeh, mo3'amaraat, 2a7la 2eshe ye7kelna mo3'amarah 3'arebeh 3agebeh w bas2aloo baba kam kan 3omrak, ye7kelee 5 2aw 6 :S ta5yal !!!

kulkum elshabaaab heak, bs bokra btendamoo, 7awel tzeed hal tolt sa3a shway, btksab redaa 2aktar :)

أشرف محي الدين

اهلا و سهلا بابو عمر :)


اه والله فقدنا متعه السعاده لان بطلنا بسيطين في تفكيرنا, كل شي صار معقد بحياتنا

نادر احمد

مساء النور نادر :)

ياااااا الله هالاغنيه, صح برضه فاعت كتير و انتشرت
زكرتني , كانت ماما مخصصه لكل واحد فينا انا واخواني شريط فيديو نسجل عليه اللي بدنا اياه, وانا هالاغنيه كنت مسجلتها عشريطي :)

ايام جميله الله يعيدها
وجودكم وتعليقاتكم هي اللي بتخليها حلوه
اهلا وسهلا فيكم دائما :)

 

Farah Batarneh

LOOOL :D very funny m3 2enha mesh type 7ad bel2a3'anee bs jad 7elweh :D

ah wallah... the best :)

Jafra

صح..صح هيك كنا احنا كمان, جواب اي سؤال او بنص الجلسه و خصوصا الجلسة الجدّيه, نسأل ...مين سرق العمود
ههههههههه

البساطه هي اللي كانت تميز هديك الفتره علشان هيك كانت كتيير حلوه

Ahmad Al-Mahrouq


ههههههههه مهو الصوره دعاية للبوست علشان تشجعكم تقرأوه :)

قديم مين يا مان.... اذا انت قديم انا شو بالزبط :$

بالعكس بتابعها, حتى امبارح شفت احمد الافاتار, لكن عالموبايل وما صحللي اعلق
كتييييييييير عجبتني الصوره :)
هلأ هلأ راح تنضاف للمدونات اللي بتابعهم, مش فاهمه ليش مش ضايفتها لهلأ...

 

أنا كتير بحب القعدات العائلية هاي.. ما أحلاها.. جد رجعتيلي كتير ذكريات..
أنا بتذكر لماً كنا أنا وأخوي نصحا كتير بكير على الساعة ٧ ونحضر كرتون على قناة عمان.. بعدين نروح عند دار عمي مع ماما وبابا -الله يرحمو- عشان همه يشربوا قهوة وإحنا نلعب مع ولاد عمي.. بعدين كنا كلنا -الصغار- نروح مع عمي نشتري حمص وفلافل نفطر.. ما أحلاها من أيام..
آه بتذكرها هاي الاغنية.. وبتذكر برضو تعت مين إلي سرق العمود :)

 

Rula A.

الله يرحمه يا رب

ياااااااااااه عايام شرايه الحمص و الفول الصبح, جد كان الها نكهه غير
الروحه عند ابو حسن و بكون في عنده سدر حلاوه السميد الحمره
يم يم
كانت ايام