Things I Like To Whisper About

Would You Hear Me Whispering

شو بالنسبه للي بسوقو سيارات جديدة


اشي غريب كتير صايره اشوفه بشوارعنا مع ازدياد عدد السيارات الفخمه بالبلد, بحس كتير ناس بستمدو قوتهم ومكانتهم من نوع وموديل السيارة اللي راكبينها, حتى بتجاوزهم, بس بدهم يتجاوزو عنك , كأنه الشارع حق مكتسب الهم و كأنه انت متعدي على حقوقهم وكيف ماشي بالشارع انت اساسا بسيارة موديل التسعينات ....

بكون في عنجهيه غريبه, مش فاهمه على شو, يعني اذا انت انسان بتستمد ثقتك بنفسك من كومه حديد, اي نعم حقها الاف الدنانير بس بتضلها كومه حديد الها اربع عجال, حلو يكون عندك سيارة فخمه, بس شوووو يعني؟؟؟ كيف هالسياره بتحسسك انك احسن من غيرك؟؟ و خصوصا بس يكون البابا هو اللي جايبها لا من مجهودك الشخصي ولا من تعبك ولا من انجاز مميز بحياتك, غير انك طلعت ابن فلان من العالم

بدي احكي للاخت اللي كانت راكبه سياره مرسيدس اخر موديل و بس انتقلت للمسرب اللي جنبها زمرت كأني خلص شوي وراح اضربلها السيارة و اتطلعت علي و هي مركيه راسها على ايدها اللي مركيتها عالشباك و بتسوق بأيد وحده و جحرتني مع طعجه تم و حسستني انها المس وانا بصف تاني "ب" ....كيييييييييييييييييييف حالك انت !!!

ما بعرف ليش نزل علي الضحك بطريقه غريبه من هالموقف , بس انقهرت انها ما خلتني استمتع بمنظر الغيوم امبارح وروحت علي تصويرهم, بدون اسلاك كهربا و لوصلت البيت كانت الشمس مختفيه و المنظر مش كتير واضح من الشباك :(





26 التعليقات :

ماهو الغلط عليكي يا ويسبر برضوا
يعني بيصير هلّ حكي؟؟ لازم إذا سيارتك مش أخر موديل و نوع ما تطلعي من البيت :)

أقترح على الحكومة الرشيدة تحديد أيام للغلابة أمثالنا من أجل أن، يستمتع أصحاب السيارات الفارهة بالشارع بدون منغصات من الطبقة الحفرتلية

على فكرة أنا دايما بقول كلمة كل ما أشوف شخص معه سيارة فارهة أو ساكن في بيت حلو أو باين عليه أثر النعمة

إذا بالحلال الله يزيده و إذا بالحرام الله يعينه :)

ودمتم :)

 

سراج الماضي

مهو بتعرف لازم نبين للعالم ان الطبقيه الموجوده ما الها اي تأثير علينا علشان هيك بنمشي جنبا الى جنب, بس همه اللي زعلانين وما بدهم ايانا نمشي جنيهم :$

جميله جدا المقوله
والله يديمها علينا نعمه
بتمنالك يوم سعيد :)
و اليوم علشان عطله مش طالعه من البيت خليهم ينبسطولهم هاليوم :)

 

يعني ليش مستغربه؟

يعني عايشين في مجتمع بيقيس الزلمه بجيبته والمره بشكلها
وبدك ياها ما تتجاوز؟ منيح اللي ما نزلت وردحت لك كمان!!

 

Ya Allaaaaaaaah lessa mbare7 battalla3 w ana mraw7a 3al ghyoom hadol, kan nefsi asawwerhom bs 5eft a5bot 7ada w ana say2a :( w yrou7w yej7arouni zay ma ja7ratek el benet.
enti Allah ysam7ek lazem teqra2i qanoon el sair el jdeed, el share3 melk la as7ab el seyyarat model 2008 fama fawq, hek be7ki el qanoon, w gher hek el awlaweyyeh elhom w la shofereyyet el taxi, 3allmi seyyartek el meskeeneh t7ot ras.ha bel ard lamma rshouf Mercedes, keef ma ba3raf

 

يعني برضو انتي الحق عليكي يا ويسبر لو اني مكانك بزر على البنزين وعلى الموت شو يعني راكبة مرسيدس والله انا كانت معي دايو ليمنز الله يرحم ايامها صحيح كانت تنح عباب محكمة شمال عمان على الطالعه والنازلة :P
بس برضو لما كان يصير موقف متل هيك وكتيــــــــــــر كان يصير كنت احكي مهي على السكراج هيك هيك شو المانع؟! ;)
على القليلة بجوز يطلعلي تعويض محرز :)
ومنه العوض وعليه العوض..
تقبلي مروري

 

مساء الخير ويسبر
"اذا انت انسان بتستمد ثقتك بنفسك من كومه حديد"

لم أجد أجمل ولا أحلى من هذه العبارة لأستهل بها تعليقي

للأسف ويسبر وصلنا لزمان معك قرش بتسوى قرش، اصبح الانسان يقيم بموبايله وسيارته وليس بأخلاقه وعقله، مع انو كله بكون قروض من البنك، نص الشعب عايش على ضهر البنوك يعني انا لو اصير محافظ البنك المركزي بحجز على الشعب كله

على العموم حمد الله على سلامتك
بس بصراحة منيح انو البنت راحت بسرعة ولا كان الله بعلم شو صارلها
....lol

 

كنتي خبطيتها ... وسميتي بدنها ... سيفيتك متعودة على الصدمات ...:d

يلاه في ناس بعوضو احساس النقص تبعهم بهيك قصص ... بس برضو مو كلهم فيه ناس كتتير بتلاقيهم مزوقين ومحترمين

 

لعلمك هاي الأمراض النفسية موجودة في كل محل في العالم.
السيارة للبعض عبارة عن اعلان متحرك. يعني مثلا في امريكا، بس الزلمة يحس حالو ختير، بيشتريلك سيّارة سبور كشف علشان يحس حاله مش كبير و بعده "شباب". و بيقدر يزبّط شوية بنات تافهيين بيركضوا ورا المظاهر... و اذا الشاب حس انّه متعقّد من شغلة فسيولوجية عنده، بتلاقيلك ايّاه راح اشترى اكبر ترك ممكن يلاقيه علشان "يعوّض" النقص اللي عنده! و كلّه هيك

 

مرحبا ويسبر

السبب بكل بساطة لما تشاهدينه من سلوكيات من هؤلاء الذين يركبون سيارات من أحدث الموديلات أنهم مستحدثي النعمة

لن تجدي شخصا كان الثراء متأصلا في عائلته منذ زمن بعيد ويتصرف بمثل هذه السلوكيات

وكما يقول المثل هجين وقع بسلة تين

وصدقيني لو سألتي هؤلاء الذين يتباهون كما قلتي بكومة حديد عن مؤهلاته العلمية أو انجازاته الوطنيه التي قدمها لوطنه فستكون لا شيء بالتأكيد

تحية

 

اذا بدنا يريتها اجيت على هيك بس اذا كنت من طبقة الوسط (اذا لسه في اشي اسمه طبقة وسط ) فأنت ماكل هوا لأنه اللي فوق بطلع عليك من فوق و مش شيافك و بدو يدعس عليك علشان يظل فوق (هذا هو الوضع و لا كيف بده يظل فوق) و اللي تحت شايف انك ما بتساهل تكون بهيك مكان فكل ضايع بضايع

تركبي مرسيدس آخر موديل بإنجازك في ظل الاوضاع الاقتصادية و محاولة الفوق انه يظلو فوق صعبة شوية مش شوية كثير

 

هههههههههههه
و الله انك عسل بتذكريني بحالي ليش بصير معنا هيك نهفات مو عارفة
يعني كمان الحق عليكي المفروض وقفت و نزلت من السيارة و عملتيلها تعليله
ما تنسيني بالكنافة

 

هاي العالم الجعانه بعيد عنك يا ويسبر

 

Rand

Sa7 kan manzar el 3'youm bejannen!!! :D
lel2asaf ma sawartoo mnee7 :(

2008 fama fooq O_o
had 7atta law 3'ayert my car fe el5e6a el 5amseneeh elqademeh bardo ma ra7 2a2dear asoo2 belshare3 :(

la 2ashally 2asoo2 taxi, w betseer el2awlaweh 2elle fe kul shee :D

NewRise7

هههههههه برضه فيها وجهه نظر, و بما انه تأميني شامل فاستغل الفرصه :)

زكرتيني بسيارتي القديمه, كانت تويوتا ستارلت و عالطلعات سلامتك بتموت المسكينه :)

اهلا و سهلا فيكي دائما

 

نادر احمد

مساء النور نادر :)

للاسف معك حق, في تاس كمتير بتحكم عالاشخاص من خلال مقياس الفلوس فقط

زي عنّا بالشغل كل واحد حامل 3 موبايلات ب 3 خطوط و كل واحد اخر موديل من نوعه و كلهم بالتقسيط, يعني احرم ابني اللقمه علشان احمل موبايل جديد :$

الله يسلمك, انا ولا اجيت جنبها للاخت بس هي اللي ابصر شو مالها معصبه :)
و هي عصبت بزياده لاني صرت اضحك :)
عالعموم... وصلت ;)

قط البكتريا

كياتي حبيبتي هاي بخاف عليها, بكفي اخوي مدمرها اكون انا و اخوي والزمن عليها ..لا حرام

معك حق في ناس كتير هيك بفكرو
باي شي بالحياة التعميم ظلم للعالم, لان مش كل العالم زي بعضها اكيد

 

Qwaider قويدر

معك حق, هي طريقه ليحاولو يعمو عيون العالم او يخلوهم يركزو على اشي تاني غير مشكلتهم الاساسيه

يعني الامراض النفسيه مش مقتصره على مجتمع معين...
الله يشفي الجميع

اشرف محيي الدين

مساء الخير اشرف

برضه صح, اللي متعود عالشي ما بتصرف كأنه مستكتره على حاله و بدو كل العالم تشوفو

وما اكثرهم في مجتمعاتنا بهالوقت, وراح يتفاخرو باعمال اشخاص تانيين, ومش بعيده ينسبوها لانفسهم :$
بتعرف هالعالم هاي بتعيش الدور و بتحس ان كل شي بنشرى بالفلوس

 

Anonymous

هي في بعض الناس معلقين بالوسط, مش قادرين يتشعبطو لفوق و الشد لتحت اكبر :$

طبعا... بفلوسه كل شي بقدر يحصل عليه

والله اذا عمرك 60 سنه و اتقاعدت بعد شغل اشي و 30 سنه بشركه خاصه و الها مميزات, اه بتقدر بس شب او صبيه باول عمرها مستحيل تصير

Jafra

الله يسعدك يا رب...انت الزوووء كله اصلاطن

هههههههه و مش بعيد ما ترضى..انو او لا لاااااه شو هاد الاشي اللي بتعمليه
سووووهااااج :)

سوزان

هي عالم جديد اكلت و من كتر اللي شافته مش قادرين يشبعو

 

walla ya whisper ..
el nas sayrah 3ajeebeh !!!
enno rakeb seyyara kteer me7rezeh befakker 7alo ma7rez hehe ..
fa KEEEEEEF 7ALHOM HADOOOL !! :P :P
relax lessa 7atshoofi balawi ..
mnee7 ma3eesh ru5sa hehe :P a7san b3den ma aseer zay hadol basoo2 b 2eed w7deh o bashabber lal nas! fa la bddi seyyara wal aru5sa :P

 

lissa b-3amman a7san min qatar , bidal el-wa7ad yedweelik min b3eed w ana asdan baseer abati2 , ba3den beeji bilazi2 booz sayarto b-dabt sayarti !!! w ba3dein faj2a 2al ino 3asab w biseer yebatwen !!

ay 7ilo 3anna khale el-3alam ti3raf timshi !!

 

LOOOOL Farah :D

shakelhooom mesh kteer mabso6een bewogodna 7awalehom :) bs wala yhemnee

laaa 5odee elrou5saa w shabree zay ma beddek....ma 7ada 2a7san men 7ada :D

 

ĐàŋdŎöŅёH

3endkom elwade3 2ad3af bsara7a

kul wa7ad rakeb siarah be nos million w mashee 2akeed beddo el3alam te5tafee men 2odamoh

bs fashetelee 2albe bsara7a :D
5alleh allah la y2emoh

 

tb lesh ma n2ool eno ente ejeety faj2a 3al side eltany w konty ra7 to5boteeha.
sad22ny e7na 3enna 3o2deh mn ay 7ad a3la menna w bnorbot ay shi bel social wel financial status momken tkoon sayaretha mo a5er model bs shafatek bdk teksery 3aleeha fazamaratlek w ja7ratek

ente 3melty mawdoo3 l2no sayaretha mecredes a5er model, tb law kan m3ha suzuki konty enza3ajty kol hal ad?

ana marat bafaker zayyek, bs barja3 ba2ool mo lazem a7ot b baly adesh 7a2 sayaret elly odaamy meshan a7kom iza zammoory valid aw la2

 

Dareen
2awalan welcome here :D

wejhet nazarek 2akeed b7taremha bs bardo lazem 2awade7 wejhet nazaree :D

2ay shee bel7ayah kteer 3'ala6 2enna n3memo , 2akeed kul qa3edeh 2elha shawath bs elmawkef 2elly sar m3ee zakarnee bhadool el3alam.

ana b3eedeh 3anha kan fee 3 masareb w 2asasn 6aree2e 3'eer 6are2ha :)

halla2 men na7et el3o2ad, ana kteer bast3'reb belly befakro 2enno 2eza 3endhom 2eshe mnee7 fal3alam lazem tet3a2ad menno, 2enno rakbeh new car 6ayeb soooooooo waht, w leash ana elmafrood 2at3a2ad ???? ana law ma zamaratly kan ma shoft-ha men 2asasoo w 2esh ma kan noo3 syaret-ha ykoon , 2ente betkonee sai2a w 7walekee 20 siarah ya doob shayfeh 2elly 7waleke wel6aree2, belnesbeh 2elle ma bakoon fadyeh 2at3a2ad :D

ana 2elly bezamerly belwa2t elmonaseb lal tazmeer, 2eza 3'al6aneh b3tazer 3a6ool w barfa3 2edee b3'ad elnazar shoo siartoo.

Thanks for passing by :)

 

صح أنا لاحظت هدا الإشي.. بس أنا بقهرهم.. بعلي المسجل وبعمل حالي ولا سامعة.. اني شو بدك تعمل :)

 

Rula A.

انا ما كان قصدي اضحك, بس فجأه صرت مش قادره اوقف عن الضحك وهالشي نرفزها بزياده :)
منيح اللي كل وحده من طريق

 

can't u feel u missed something over here ? :D

morning

 

مياسي

كيف انسى
لو مكانك ما بسامحني :(


يا 100 الف اهلا وسهلا بالقمر

انا قرأت التعليق و كنت عارفه شو بدي ارد, ومش فاهمه القفزه اللي عملتها :)

يا ستي اللي كنت بدي احكيه انو بالنسبه للموقف اللي كنت فيه, فالست بجيبتها برضه مش بشكلها :)

استغفر الله مش قصدي اعيب على خلقة ربنا, بس هي معجبه فيها, ويلا شو اللي لفت نظري لملامحها كلها, من كتر الصدمه بالطبقات المحطوطه و الالوان و الخرائط

صباح الفل :)