Things I Like To Whisper About

Would You Hear Me Whispering

7 things Tag :)

شكرا للقمره SimSim عال Tag , المفروض اكتب 7 اشياء عن نفسي و ارشح كمان سبعه ليعملو هال "Tag"

  • بحب اكل الفاصوليا البيضا مع لبن...ايون احمر و ابيض خبابيص بعرف :)

  • عندي مشكله مع الكنادر, شكله لاني في مرحله المدرسه كنت اعاني اني الاقي كندره مناسبه لسني و بنمره كبيره نسبيا بسبب الطول, حاليا عندي اكثر من 50 زوج كنادر بكل الاللوان و الاشكال :)

  • انا ببرد كتير بالشتا, فلازم عند النوم يكون في حرامات فوقي لدرجه ما اقدر اقلب من جهه لجهه , هيك بس بنام وغير هيك بضل حاسه حالي بردانه, حاليا في حرامين على طاقين و حرام على طاق واحد و الكويلت فوقهم, اختصرتهم بس لانها دفّت الدنيا هلأ :")

  • ما بحب اقعد كعرسي دافي :$ جد بتنكرز, الكرسي اللي بدي اقعد عليه لازم انا ادفيه بمعرفتي :)

  • بحب اتطلع من الشباك , يعني لو يصحلّي اضل طول اليوم واقفه عالشباك ما عندي مشكله, لكن مجتمعنا الحلو ما بقدّر هالشي, فعلشان "انت بنت وما بصير" و علشان " شو بدهم يحكو العالم" ما بمارس هالشي البسيط اللي بمنحني المتعه الا بالليل و انا طافيه الضواو :(

  • المسلسلات الكوميديه ممكن تعدّلي مزاجي 180 درجه, يعني كم حلقه من According To Jim على كم حلقه Friends مع Seinfeld خلص صرت بقمه التفاؤل و السعاده :) كنت اقضي يوم الجمعه على التلفزيون من قناه لقناه احضر كوميدي, مش عارفه ليش غيرو الدوره البرامجيه و خربو كل شي, وال ايش two men and a half من كل عقلهم بسموه كوميدي...بكرهوووووووووووو

  • ما بعرف اذا بصير اكتب هالشي ويلا لأ بس بما انه بوست بكشف فيه عن اشياء بسيطه بس بتعنيلي كتير فاااااااا انا بكره منظر اظافر الرجلين الطوال :$ جد و خصوصا اذا امنكرين يا لهوويييييي, بحس اظافر الرجلين لازم يكونو مقصوصين عالاخر, اسفه اذا ازعجت حد بهالشي, بس هاد رأيي الشخصي :$

ما راح ارشّح 7 , لاني بحس في ناس بكرهو ال TAG مش عارفه ليش :$
لهيك انا بترك المجال مفتوح للي بحب يعمله, خصوصا لكل المدونين اللي بحب اتابع مدوناتهم و بحب اعرف عنهم اكتر :)
انتو حرين اذا بدكم اعملوه :)
و اذا ما بدكم ما تعملوه :(


19 التعليقات :

loooool t7shesh

walla ma 3rftik bs agree with you on the follwing:

heat warm chairs, like jim and sitting at windows

 

يسعد صباحك الجميل ويسبر :)

أعجبتني الفكرة كثيرا وهي فرصة رائعة للتعرف على مجتمع المدونين بشكل أفضل

أتمنى من الجميع التفاعل معها :)

ولكن هنالك تساؤل عندي جال في خاطري بعد قراءتي لما كتبتي وهو هل تعتقدين أن القدم أصبحت من المظاهر المكملة لزينة المرأه في هذه الايام أم أنه ليس لها أي وزن في مقاييس الجمال؟

أم أنك تنظرين لهذا الموضوع من جانب قضية النظافة بشكل عام وليس أكثر ؟

صدقيني ويسبر سؤالي هذا نابع عن ظاهرة جديدة لاحظتها كثيرا في مجتمعنا في الصيف الماضي ولم أكن ألاحظها سابقا .

وتقبلي تحياتي

 

Shaheen

LOOOL ...yalla dorak :D

اشرف محيي الدين

يا صباح الخير :)

مع انها معلومات مش كتير جوهريه بس بنقدر نتعرف او نبني عليها شوي :)

ما حبيت احدد اسماء لانها من الممكن انها ما تكون فكره مستحبه عند بعض الناس, فتركت الموضوع للي بحب يشاركنا :)

بالنسبه لموضوع ظهور القدم, فانا اتحدث من ناحيه نظافه اولا, وبالنسبه لي هذا المنظر بعيد جداعن اي شيء له صله بالجمال, اما اذا كنت تقصد من ناحيه دينيه فانا لا اعتقد ان الدين امر باخفاء القدم من فراغ, وهناك حكمه لذلك

اهلا وسهلا بك دائما

 

Dear God I hate long toenails too, plus if they clip them their shoe size might go down a size or two :)

 

ضحكتيني :)
انا مثلك كانت عندي مشكله مع الكنادر خاصه اني ما بحب العالي وهلا زوجي بيحكي بدو يفتح محل كنادر :)
تعرفي هذا انا وانت لازم ناكل مع بعض :)
ع العموم الفكره حلوة ويمكن ادون عنها

 

اسعد الله صباحك ويسبر
هل اكتب عن نفسي ام عن جبر لا اعلم بالضبط لأنو بصراحة الجوز اضوى من بعض

بعدين شو بضمني ازا بكتب هلاء بكرة لم بصير مشهور تاخدوها علي زلة وتصيروا تحكو هاد كان يحب كزا وكزا، ولو مش مصدقين ها شوفوا مدونتي
اهلين ... صاحيين يا ويسبر على مين
ههههههههههههه

 

entaa el 2amar walla ....

da7aktenee 3ala sha'3let el korsee lol

and I agree with u on comedy series especially friends

 

شو هالعفوية ويسبر عن جد ضحكتيني

يسعد مساكي :)

 

Saba7oOo

7abbet 27kilek LOOOOOOOOOOOOOOOOOOL

O yes3edli halsaba7 yaaa Rabb :-)

Ana 3m baQra2 bs mesh dayman 3m ysa7eeli 23alleQ :-)

Za7ma ya donia Za7ma... lol

 

Rand

I don't find them nice at all :$
LOOOOL yeah maybe :D

Sozan

على طول يا رب تضلك تضحكي :)

هاد اشياء كتيره مشتركه, خلص اذا بس تيجي الاردن ان شاء الله ضيفي لعزومه الكنافه, في عزومه فاصوليا بيضا برضه :)

يلااا بنستنى البوست :)

نادر احمد


صباح ومسا الورد

له له له يا نادر...انت ما بتعرف ان اللي بنكتب بالمدونه...يبقى بالمدونه :)
راجع قانون التدوين الفقره ج من الماده 30009

حسب ما عرفت ان انت وجبر تقريبا شخص واحد بالمزاج, فانت اكتب عن جبر و هيك ما حد بمسك عليك اشي :)

اهلين فيك ;)

 

SimSim

Allah yes3edoo elmezwe2 ya rab :)

bs leash el7kee, sho3oor mesh moree7 bekon :$
yaay many common things we have :)

Jafra

الله يديم الضحكه على وجهك يا رب
ويسعد صباحك ومساكي وكل اوقاتك

Naryat

Ya saba7 elfull welyasmeen
:)))))
w yes3ed 2yamek kulha, dayman betnawrenee be comments w bedoon comments

Allah y36eke 2alf 3afyeh ya rab

 

SimSim

Allah yes3edoo elmezwe2 ya rab :)

bs leash el7kee, sho3oor mesh moree7 bekon :$
yaay many common things we have :)

Jafra

الله يديم الضحكه على وجهك يا رب
ويسعد صباحك ومساكي وكل اوقاتك

Naryat

Ya saba7 elfull welyasmeen
:)))))
w yes3ed 2yamek kulha, dayman betnawrenee be comments w bedoon comments

Allah y36eke 2alf 3afyeh ya rab

 

غريبه!!!
-بكره اظافر الاجرين الطوال كمان
-بحب الفاصوليا البيضا بس مع صلصه
-بحب الشباك والوقفه عليه بزماناتي كنت ناطور؛هلأ مرات بصحى الصبح وبضل شي ربع ساعه بتفرج عالشجر هيك بس قاعده عالتخت
ما عمري عانيت مع الكنادر مع اني طويله؛ الله يخليها امي عطتني نمرة اجر صغيره-39- بس هلأ مشكلتي مع التبسط


-بدفي حالي كتير لا جدال؛ بس شكله انتي وضعك اصعب

-المسلسلات الكوميديه بحبها؛ خصوصا مالكوم ان ذا ميدل:)

 

بس بدي اعلق ع موضوع احمر و ابيض اصحابي كتير بستغربو لمن اكل فاصوليا مع لبن او كفتة بالبندوره ممكن بزيدها شوي لدرجة اني ما باكل الباميه بالخبز باكلها مع رز و لبن فعادي والله طعمها كتير طيب
(محمد)

 

مياسي

طبيعي...ما احنا خوات والمفروض يكون في بينا صفات مشتركه..صح :)

انا نمرة رجلي 40 ولكن بالمدرسه انك تلاقي كندره 36 مش كعب عالي و لا رسميه كانت كتير صعبه و بدها لفلفه عالمحلات :(
اه مالكوم ان ذا ميدل تحشيش برضو
العيله كلها طافيه بتحسيهم :)

محمد

اهلا وسهلا فيك ان كانت زيارتك الاولى او كنت زائر دائم للمدونه :)

بعد هالبوست اكتشفت ان ناس كتيره بتحب الفاصوليا و مع لبن :)

انا ما بحب اغمس طبيخ :$
بالعاده مع الكفته و مع الباميه في رز :)

 

bil-nisbeh l-mawdoo3 el-kanadeer ana 3indi kaman nafs el-mushkileh w min jdeed sar 3indi alf kondra mlaz2a bs btinteen aw 3 !!!

 

ĐàŋdŎöŅёH

LOOOL me too, bansa shoo 3endy w bs 2arateb el 5azaneh batfaja2 bkanader naset-hom :D

 

هنالك الكثير من الصفات الغريبة او الغير مفهومة لدينا جميعا

والجميل أحيانا عندما نكتشف اننا نتشابه مع الناس في بعض الصفات رغم أننا ظننا أننا الوحيدين الذين يقومون بها

أحب المسلسلات الكوميدية جدا

أعشق جوي و كينج اوف ذا كوينز ، مالكوم ان ذا مديل تحشيش كمان

بحب ضيعة ضايعة بشكل مش طبيعي قد ما اعيده ما بزهق منه

الوقفة على الشباك من أحلى الأشياء في الدنيا خصوصا اذا كان هنالك ما يمكن مراقبته
سبعة شغلات عني

أعشق المشي تحت المطر بشكل جنوني

أعشق موسيقى برايف هارت

لا أستطيع أخذ دش بماء بارد ابدا حتى لو كانت درجة الحرارة مليون ، لدرجة أني قد أموت من الصدمة العصبية لو حصل هذا

إذا أستيقظت من النوم لا أستطيع العودة للنوم إلا إذا غسلت وجهي ، بعرف الناس بتعمل العكس

احب الشيز كيك بلاك بيري بجنون لدرجة أني أستطيع أكل قالبين كاملين بدون أن اشبع منه

الآيس كريم هو من اهم الأمور التي تعدل مزاجي

أعشق مراقبة الأطفال وهم نائمين ، مراقبتهم تعطيني شعور جميل بالراحة و ان في هذه الدنيا هنالك ما يستحق الحياة فبرائتهم كفيلة بتعديل مزاجي بشكل غريب

للأسف خلصوا السبعة شغلات :)

 

سراج الماضي

صح..كتير تفاجأت ان في ناس بحبو الفاصوليا مع اللبن لاني بواجه نقد من كتير ناس بس يشوفوني باكل :$

كينج اوف ذا كوينز كتير حلو, بحس الزوج كأنه طفل صغير بتصرفاته و بحب كيف زوجته بتستوعبه :)

ضيعة ضايعة ولا حلقة حضرت منه و نفسي احضره :$
ما بعرف على اي قناة بجيبوه و كتير سمعت انه حلو

اتفق معك في كل النقاط ما عدا النقطه الثانيه و الثالثة

الاطفال و الايس كريم اتفق معك و بشدّه
الشيز كيك بحبه كتير لكن اكتر من قطعه ما بقدر :$

فيلم برايف هارت بحبه بكل تفاصيله و يمكن صرت حاضرته 20 مرّه و كل مرّه بنبسط فيه :)

النقطه الرابعة غريبه جدا
يعني انا لو قمت و غسلت وجهي خلص ما في رجعه للنوم , تغسيل الوجه يعني صحصحه مش نوم :)

اكتب بوست جديد بسبعه جداد على مدونتك و هدول بعتبرو مش محسوبين :)
انا في اشياء كتيره خطرت في بالي و لكن برضه للاسف خلصو ال 7 شغلات :)