Things I Like To Whisper About

Would You Hear Me Whispering

الاعتراف بالذنب فضيله



انا اليوم غلطت و كتير مقهوره من حالي :(

النا فتره لانه اخر السنه ضغط الشغل مش طبيعي بالمره, كل شي لازم يرجعو لقسم البرمجه فيه مش فاهمه ليش, ولاني مسؤوله عن قسم الاحصاء و قسم البرمجه فكلّه مطلوب مني شخصيا و بعدين بوزع اللي ممكن يتوزع على باقي الموظفين
اليوم اتصلو فينا من المفرق ان الشبكه عندهم عطلانه والشغل واقف, و لاجل الصدف بس يكون رئيس قسم الصيانه مجاز كل هالاعطال بتصير وبتتحول تلقائي لقسمي :$

بس يصير عطل بالمحافظات, ما بعرف شو بصيرلهم كل دقيقه بتصلو عاساس انهم ماشاء الله عليهم ما بضيعو ولا دقيقه, بنحكيلهم اعطونا ربع ساعه نفحص الخط و نتصل بالاتصالات, لكن ابدا و ببدو يرنو عالمباشر وعالارضي وعالخلويات اشي بكركب عالاخر.

المهم اجا مراجع يسألني اشي وانا عالتلفون و بحكي و بشرح للبنت شو تعمل وهي ولا الها دخل, ولا راضيه تستوعب شو بحكيلها تعمل, صاحبتي بالمكتب جاوبت المراجع بس هو اصرّ ان انا اجاوبه لانهم بعتوه علي بالاسم ليسألني , وانا بحكي عالتلفون و البنت مش فاهمه وصاحبتي بتشرح للمراجع و المرجع بصوت عالي بحكي معي -عجئه من الاخر- انا من غير وعي صرخت عالمراجع انك مش شايفني بحكي تلفون وطي صوتك مش عارفه اسمع :$ المراجع كبير بالعمر بحكيلي معك حق معك حق وانا بعتذر وطلع.

سكرت الخط وانا بدي انجلط من حالي , شو اللي عملتيه, شوي المراجع راجع يحكيلي سامحيني يا بنتي ما كان قصدي اعلي صوتي :"(
انا كرهت حالي اضعاف و حكيتلو لأ انت سامحني عمو والله ما بعرف شو صرلي انا اسفه كتير, بحكيلي لا انت سامحيني بس يابنتي بس يكون الواحد بحاجه لاشي بتصرف وهو مش واعي.
جد كرهت حالي وما خليته يطلع الا بس تأكدت انه مش متدايق مني :(

10 التعليقات :

ana hada el mawqef beseer baini wo bain ahli kteer...wo b7es 7ali ensan kteer sayye2...haik bakoon mad`3oot wo m3asseb...aw 7atta nateejet farq el tafkeer baini wo bainhom ba3asseb wo ba3alli soti...b3deeha bakrah 7ali kteer ... wo bakrah 7ali aktar lamma ysam7ooni...l2nno law 7ada 3emelha feyye ma basam7o b hal soholeh...lazim el wa7ad yet3allam yodbot a3sabo ...bs el moshkeleh bl 3alam elle 7awalaih momkin yjannenooh...el 7amdolellah enno el 3ammo reje3 mshan t3tezri menno

 

هذه زيارتي الاولى لمدونتك سعيد جدا ويشرفني أن أكون متواجدا دائما وعلى تواصل معك ، بصراحه ماحدث معك في العمل يحدث في كل يوم في كثير من الشركات والدوائر والجهات الرسمية ولكن ما اعجبني حقا بل وما أدهشني هو شعورك بالذنب أو إن جاز التعبير بتأنيب الضمير على ذلك الرجل المسن مع العلم أن ضغط العمل الذي كنتي تواجهينه في تلك اللحظة يبرر ردة فعل عفوية كانت منك في تلك اللحظة ، أتعلمين كم من المراجعين يوميا يتعرضون للعديد من الاهانات من قبل الموظفين ويتحملون في سبيل قضاء حوائجهم ولا يحرك هؤلاء الموظفون ساكنا ولايشعرون بأي تأنيب ضمير على مايفعلون، بحق أنت رائعه بكل معنى الكلمه وأكاد أجزم لو أن هنالك عشرة أشخاص يفكرون بمثل طريقتك لتغيرت أمور كثيرة في مجتمعنا
أتشوق لقراءة المزيد منك
أشرف

 

hi whisper :)
mnee7 anno el 3ammo kan fahem el wad3 o annek enty fahhmty !!
kteer mrrar beroo7o o enty btenjanni mn e7sasek bel znb ,, so 7azzek anno
u explained :)

Dont worry .. betseer ... ;)

 

لا احد معصوم من الخطأ.
أحيانا نقوم بأمور نندم عليها فيما بعد. لكن المهم كيف نتعامل مع الخطأ. والاعتذار هو الأسلوب الأمثل للبدء بتصحيح الغلط
ما قمتما به من الاعتذار فيما بينكما ينم على حسن الأخلاق

 

طبعا طبعا فساد اداري .. وبتتحكمي بعباد الله
يعني لو انا عملتي فيي هيك مين بدو يعوضنا عن جرح مشاعري ¨:P

بحسك بريئة مرات ... يارب الموظفين التانين يعاملو زيك مع هل العالم وخصوصا العالم الكبيرة بالعمر الي بدها طولة بال

تاني اشي ما تنقهري مدام انتي اعتذرتي منو على لحظه غضب ممكن تمر باي انسان

 

مواطنون بلا حدود

m3 el 2ahel b7esoo kteer 2as3ab :S la2enna benmoon 3alehom w benzedha :(

elmafrood 2enna net7akam be 2a3sabna 5ososan m3 elkbar bel3omor...m3ak 7a2
el7amdolellah kan ma sama7et 7alee :(

اشرف محيي الدين

اولا اهلا وسهلا فيك نورت المدونه :)

احنا قليل ما نتعامل مع مراجعين بقسمنا, لكن مرات الموظفين بزهقو وبصيرو يحولوهم عنا و احنا اخر طابق فبوصل المراجع معصّب وجاهز وعاده بنمتص غضبه لكن للاسف مرات بنكون احنا مضغوطين و المراجع ما بستوعب علينا بسرعه فبنعصب و انا عارفه انه هالشي غلط

شكرا لكلماتك اللطيفه ..جد اسعدتني :) يعني خف تأنيب الضمير شوي

 

Farah

ahlan be farro7a :D
jad kan 2absar shoo sar fyee law ma rege3..kan momken 2anzel 2adawer 3aleeh :S

inshallah elmarra eljay ma ba3edha w basayter 3ala 2a3sabee :")

Jaraad

انا بالعاده بفكر ببابا وماما بهيك موقف , فبحاول اكون كتير منيحه مع المراجعين خصوصا الكبار بالعمر علشان ربنا ايسّر ناس كويسين يتعاملو مع اهلي بهيك موقف
اول ما خطرلي ان لو حد تعامل مع بابا هيك شو بكون شعوري وهاد اللي زاد الاحساس بالذنب
الحمد لله انه رجع علشان ضميري يرتاح

قط البكتريا

هو من ناحيه الفساد الاداري فهاد احنا دايما متهمين فيه مع انّا بريئييين من هالتهمه

ما بنكر اني بشوف موظفين عنّا تعاملهم مباشر مع المراجعين و بتحكمو فيهم بطريقه كتير بتقهر, و بكره اكون زيهم :$
جد الحمد لله انه رجع مع ان هو رجع يحكيلي سامحيني و انا اللي غلطانه معه
الحمد لله :(

 

صارت معي أكتر من مرة..خديلك هالمرة..
كنت بالمحاضرة والدكتور كان بيوزّع بأوراق الامتحانات..المهم انا كنت مقدمة منيح ومتأكدة انو علامتي عالية..المهم نادى اسمي قال وانا مبسوطة ومنشكحة على اساس انو علامتي كويسة..المهم أخدت الورقة من غير ما أطلع بالعلامة ولما وصلت لبنكي وشفت العلامة انصدمت ..المهم عصّبت وانحرق دمي وفقعت..طلعت من المحاضرة وبوجهي لقيت الآزن بينظف وجاب على اواعي مية فصرخت بوجهو وحكيت:انتا بهيم؟ مش شايف قدامك بنت ماشية؟ واحد غبي واحد أعمى..بس والله ما قصدي أحكي هيك
أحيانا الانسان من الضغط بيطلع منه تصرفات ما بتكون من صفاته..
معلش طوّلت عليكي..
مدونتك واسلوبك كتير حلوين
تحياتي

 

اهلا وسهلا بسيران نوفل :)

يا الله شو كنت اكره لحظه توزيع وراق الامتحانات :$

بس يا حرام كتير عصبتي عليه للازن مسكين اجت بوجهه :$
بتحصل مع كتير ناس ...بس المهم ترجعيلو و تطيبي خاطرو بكلمتين حرام و خصوصا قدام العالم

طولي قد ما بدك...المدونه كلها عحسابك
نورتي :)

 

هذه زيارتي الاولى لمدونتك سعيد جدا ويشرفني أن أكون متواجدا دائما وعلى تواصل معك ، بصراحه ماحدث معك في العمل يحدث في كل يوم في كثير من الشركات والدوائر والجهات الرسمية ولكن ما اعجبني حقا بل وما أدهشني هو شعورك بالذنب أو إن جاز التعبير بتأنيب الضمير على ذلك الرجل المسن مع العلم أن ضغط العمل الذي كنتي تواجهينه في تلك اللحظة يبرر ردة فعل عفوية كانت منك في تلك اللحظة ، أتعلمين كم من المراجعين يوميا يتعرضون للعديد من الاهانات من قبل الموظفين ويتحملون في سبيل قضاء حوائجهم ولا يحرك هؤلاء الموظفون ساكنا ولايشعرون بأي تأنيب ضمير على مايفعلون، بحق أنت رائعه بكل معنى الكلمه وأكاد أجزم لو أن هنالك عشرة أشخاص يفكرون بمثل طريقتك لتغيرت أمور كثيرة في مجتمعنا
أتشوق لقراءة المزيد منك
أشرف