Things I Like To Whisper About

Would You Hear Me Whispering

عطل شامل



اله فتره عندي عطل شامل
اللاب توب المروحه ابصر شو مالها زي الجاروشه
ما بشغله خايفه يخرب اشي
و لاجل الصدف الكفاله خلصت قبل شهر :(
انا جايبته من دبي
و الحمد لله ما خرب وما بعرف مين الوكيل هون اساسا :)
و لله الحمد في النا زميل بالشغل بعرف يزبط لاب توبات فيوم الخميس بدو يزبطلي اياه
المهم قلت لحالي يلا في جهاز و بنرجع للعصر القديم وبشتغل عليه
ولاجل الصدف والحظ اللي بجنن السكرين ضربت
فجأه بتطلع اصوات غريبه
فكرت كرت الشاشه, بس طلع الشاشه اللي فيها مشكله
ومش عارفه حد بزبط شاشات
و بالشغل عندي شغل كتييييييييير و ما بفضى غير كم دقيقه علشان افطر فيهم
والكل بحضر عاصي و الغريب و باقي المسلسلات التركيه
فيادوب اسبوع بخلص الداون لوود وبصير النت ميت " فساد اداري "
و بخلصو هالكم دقيقه وانا يا دوب بشبك الايميل
هلأ انا طفيت النت و رجعت شبكته ليفصلو كل الاجهزه و الحق اكتب هالبوست قبل ما يشبكو العالم
هاي فائدة الادمن يوزر :)

فياااا جماعه اسفه على التأخر بالرد
و على عدم التعليق عالبوستات الجديده
كلها بقرأها عالموبايل بالبيت
ولكن ما بقدر ارد عليهم
الله يفرجها بهالعطل التكنولوجي اللي انا فيه
سلاااااااااااااااااااام


5 التعليقات :

هههههه حبيت شغلة ال Admin User ،،
والله هاي شغلة ال Limited Download لحالها قصة..
حبيت البوست

 

wallah sheklo el wad3 el technology ma2sawi...ana marra naffs el she khereb el laptop m3i faj2a...wo wa2t-ha knt 2a3ed bla sho`3ol wo 3m bajahez 7ali abda sho`3ol jdeed,en7ar2at el mother board wo el jihaz sar ma beswa 5 lairat...wo abadan ma kan wa2t laptop jdeed...

 

والله ياويسبر الحال كان من بعضه أنا ما كان عندي نت:(بس هلأ رجعته:)رجعت قرأت البوست تبعونك والله انك نهفه يابنت وعندك قدره عاليه عاتعبير ونشيطه جدا
وانشالله كله بيتصلح بعرف محل اسمه بوابة عمان بعمارة كنتاكي ئبال الجامعه الأردنيه بتوقع بصلحو وهي رقمو
065338032......

 

"يعني بالعربي خاوا بدها تكون سنه خير"

هاد كلامك
المكتوب باين من عناونه
....
أحكيلك
ان شا لله انه هالمشكلة ما تكون من ضمن السنة الجديدة ...و تكون خاتمة العثرات

المهم السلامة

 

Rula

صح...بتحسي حالك مسيطره على اشي :)

هههههههههه خلينا نتحكم باشي يختي, على شي ساكتين و بنحكي حاضر :)

حبتك العافيه يا رب :)

مواطنون بلا حدود

3al2a5er bsara7a w ma zaaaal :(


laaa inshallah ma ykoon 5ereb el laptop lessa ma t-hannet feeh :"(

ميسم

الحمد لله على سلامه النت و عقبال عند جهازي و اللاب توب :)

شكرا على اسم المحل بكره ان شاء الله بحكي معهم ...
يسلمو يا قمر عالكلام اللي جد اسعدني :)

كلك ذوق والله

ثائر جبر

ما انا علشان هيك بدي السنه الجاي تكون منيحه ان شاء الله
هالسنه ما كانت سنتي بالمره ولله الحمد :(
ولا اللي قبليها...لسا السنه احسن من اللي قبليها :"(

ان شاء الله بنصلح هالمشكله قبل ما تبدا السنه الجديده