Things I Like To Whisper About

Would You Hear Me Whispering

تنبؤات الابراج لعام 2010



اهلَين وسهلَين فيكون في عالم ويسبر "شمّاس" السحري للابراج,زي ما عودتكُن باول كِل سِنه بدي نبئكُن بتوكعات الابراج لكِل واحد و وحده فيكون- المقدمه اللبنانيه لزوم التسويق للمنتج :) و بعرف اني ما عودتكم على شي بس برضه الكزبه لزوم التسويق , و خلص صار حنكي يوجعني ,فنرجع اردنيين مرّه تانيه :)

بالنسبه لتوقعاتنا السياسيه
في حد راح يموت, وفي حد راح يضل , وفي ناس راح يألفو كتب, وفي بلاد راح تنباع وفي بلاد راح تتبهدل وفي بلاد راح تضلها مترفشه ببطن بلاد تانيه.......باختصار مفيد جدا يبقى الحال على ما هو عليه وعلى المتضرر انه ياكل هوا ويضلو لابد وساكت ....العادي تبعنا يعني .

الاوضاع الماليه
هلأ بالله عليكم لو في واحد من اللي بقرأو المدونه عنده اموال بحاجه لدراسه اوضاع بكون هون؟؟؟ اي اللي معو 50 نيره بهالوقت يضحك بعبو..واللي معو وبقرأ فبس علشان احطكم بالصوره, على رأي الجد اللي بالشهد والدموع " منّه له منّه له..جي رايح منّه له " :)

اما بالنسبه لتوكعاتنا للابراج لسِنة الفاين وعشراه وبما ان الاوضاع ماكله هوا فالسنه سنه خير للابراج الهوائيه , ولكن للاسف الناريه راح تنطفي السنه, والترابيه راح تتحول الى غبار رمليه شماليه شرقيه, و المائيه راح تنقلب على راس اصحابها بامواج عاليه الارتفاع فيا جماعه بالعربي ...السنه مش سنتكم

برج الحمل - برج ناري

بما انه برجي فراح احطّه لحاله ,هالبرج راح يقاوم الرياح العاتيه وما راح ينطفي وراح يقاوم يعني بالعربي خاوا بدها تكون سنه خير - ان شاء الله طبعا :$ - و كل اللي بهالبرج راح يتغير مديرهم, لا لا راح يغيرو شغلهم, و راح يغيرو سياراتهم, وراح تتحقق كل امنياتهم اللي ببالهم حاليا واللي ممكن تطرأ لظروف جديده - استحياطا يعني - واصحاب هاد البرج راح يهدى بالهم, و يكونو اقرب لله ان شاء الله :)

الاسد والقوس -برج ناري

مثاليين, ويمكن هاي مشكلتكم وهاد اللي خلاكم تاكلو هوا
بهيك زمن ما بتقدرو تعيشو, معكم فرصه لاخر السنه انكم تتغيرو الكم عندي انجحكم السنه الجاي :)
خياليين وحالمين, خلّو الاحلام تنفعكم اذا بالواقع مش مشيين حالكم - طبعا هون انا بدّي اوضح اني بستثني برج الحمل من هالكلام - وين كنت ..اه مشو حالكم بالاحلام لشوف :)

برج الثور و العذراء والجدي - برج ترابي

اصحاب هاي الابراج عمليين وعلميين, بسيطين ومحل ثقه للجميع...انبسطتو عحالكم صح !!!
ماشي ماشي خلّي العلم ينفعكم, لاا لااا لااااه راح تاكلو هوا السنه :)))


برج الجوزاء و الميزان والدلو -برج هوائي

ايوه ياعم....مشيه معاك حلاوه, راح تتجوزي يختي ارتاحي منك الها , اخيرا راح يتحقق الحلم :$

وكل واحد و وحده منكم راح يطير و تطير لمستقبل باهر زاهر ماهر ان شاء الله
استغلو السنه لاني قررت السنه الجاي احطكم مع الفئه اللي ما راح تنجح :)

سرطان وعقرب وحوت -برج مائي

اصحاب هالابراج حسيسيييييييين و شاعريين, بس مش دوامه اللي راح تدخلوها السنه, هوا ومي يا سلااااااااااااااااااام.... ملااااااااااااااااااهي وعلشان ما حد يبدا يبكي, الملاهي حلوه و بتجنن صح يااااااااااي
بس المشكله انكم ما راح تطلعو منها لنهايه السنه :$


وهيدا كيل اللي بنتوكعه لهالسِنه و بتمنى لالكن سنه سعيده و هابي نيو يير و تشير اب يا جماعه اتس جست يور لاك :))



المعلومات السابق ذكرها جديده علي بصراحه واضطريت ابعبش وابحبش بالنت لاعرف ترتيب الابراج و انواعهم فشكرا لعمو جوجل.
اه واشي تاني ,اللي بدو يزعل علشان برجه فانا بعتذر الموضوع مش بايدي هاي تنبؤات فلكيه و علميه بحته ومش اشي انا اخترعته :)

20 التعليقات :

يعني اول اشي زبطتيها بس بعدين خربتي الدنيا، يعني شو بالنسبة انو ما راح نطلع منها في نهاية السنة!! هيك ما اتفقنا يعني بحبحيها شوي

 

عجبتني فكرة الملاهي انا بحبها كتير الملاهي الله يستر من هالسنه

 

brjik zy brji .... 7abbait el mawdoo3 el yoom looool
wo deefili 3al tawaqo3at qaser fakhem wo yseer m3i milyarat euro wo dollar wo dinar

 

abraj ya whisper ? abraaj !! hehe :P
any ways .. ana burji el tor 2al ra7 nakol hawa .. hehe .. aktar ma ne7na makleen !! eza serna nedros 3askareyyeh ya nas hehehe .. sho jayeelna next ?? :P:P:P

Any ways .. i wish it'll be a great year for every one .. NEW YEAR in allll sides .. may all of you be as great as they want to be ..

 

hehehe. el 7amdela ene mtl borjeek :Pp

 

انا اسد
انا كيفت ع جملة انك رح تنجحينا السنة الجاي

 

loool da7aktenee walla ... so bema enno ana 7amal w 3ajabnee ta7lelek w tanabo2atek faa to2obrenee lol .... go whisper w ya3tekee alf 3afyeeh :D

 

هههههههههههههه
الله يكرمك زبطت معي و طلعت ميزان !!
بس حيكون فيه خلل إذا تجوزت السنة هادي...أو إنو صرت تاجر مخدرات قد الدنيا....
ستي إنشالله خير !

 

هاهاها
سبقتيني
يعني كنت ناوية انزل توقعاتي انا كمان
اقولك برضة بيصير
انتي كارمن شماس البلوغز وانا ماغي فرح او ميشيل حايك متل ما بدك
عمرك سمعتي عن توقعات صارت؟
اليوم وصلني عالايميل توقعات 2010 لكارمن
يختي هم نفسهم تاعون 2009
و قال شو احلى سنة و ابصر شو و انا قاعدة استنى

متل اللي بستنى يربح بس نسي يشتري ورقة ياناصيب
يالله ان شاء الله تكون سنة حلوة بغض النظر عن التوقعات

 

lah lah lah sho hada el7aki .. ana tor bala mo2akhazeh.. hek khaleti dame3ti tenzal 3ala khadi(da7daleh mesh sa7saleh) .. ana konet motafa2el belsane eljay .. o nawy a7awesh 3ashan akhtob bent el7alal .. hek asafti 3omri ..

 

hahahaha come one keef 7attaite el 8aws m3 el asad! hehe ana 3omri ma 7abbait wa7ad asad :P:P:P:P bs yalla mashi
i hate the whole abraj thing!! :D

but i liked el tawa88o3at el syasyeh hehehehe

 

kalam jameel jedan o 7aqeeqa morra jeddan jeddan o had ho el 7al o ma r7 yet3'ayar bs sho bel nesbeh la shahd o dmo33? sho ho had bel zabt?

btw ana 3azra:'D

LOL

 

Dr.Mohammed

ههههههههه افهم انك برج مائي....بس في ملاهي , يعني جميله السنه :)

السنه الجاي بتواسطلكم عند كوكب الزهره :) خلص ولا يهمك

Sozan

اها ..كمان مائي
الله يسرلكم ما تكون الرياح قويه بس :$

مواطنون بلا حدود

2a7san borj...lool la kuul el2abraj 3ala rasee balash 7ada yez3al :D

mam ana 3alashan heak 7a6eat no26et el 2este7ya6an :D

 

Farah

LOOOL la2eet elkull be7kee..7akeet laaa hommeh 2a7san menny
ma 2atnabba2 ana kaman :D

7awalat 2ad3amkom, bs Pluto ma redee :$

Ameen ya rab
Happy new year hejri and melady to u all :D

Shaima

LOOOL ...zeb6a6 m3na ya3nee :D

Ahmad Al-Mahrouq

ههههههههه راح اتواسط عند الكواكب لنزبطها :)

 

SimSim

3ala 6ool ya rab elbasmeh ma tfar2ek :D
yaaaay zayye zayyek :D
allah y3afee 2albek ya amar :D

Sharifo

اهااا احكي عني عاطله..هيني زبطتلك السنه

مش مهم الموضوع اللي بدك تمشي فيه
كلّه ماشي السنه فاستغلو
و انا من رأي اشتغل بالمخدرات بالاول علشان تضمن الفلوس
والسنه الجاي لو ما كانت سنتك
الفلوس بتجيب العروس :)

Mala2e6

لااا بدنا تكتبيلنا ما بنفع
ما بنستغني عن تحليلاتك اللي الها نكهه مميزه :)

هاي بطلت تنبؤات هاي صارت امنيات :)
مدامها مصرّه عليهم اذا نفسها يصيرو :)

ان شاء الله عالجميع يا رب :)

Zuzikabdo

5ear 5ear?? 6le3et torabee :S

sa7saleh O_o had jad tdammaret ya man :S

5alas wala yehemmak elsaneh eljay la 2azabet-ha 2ennak terba7 million w t3af-fesh el beat kaman :D

 

ya3teeki alf alf 3afyeh madam "shammas" ma3 inni bfadeel madam "farah" aktar :P

hahahah fi3lan ana a7sanli a3eesh bi a7lami w ma as7a minha..ma biddi 3onsor il mofaj2a yizhar bi 2010 bs a5ales drasti yetla3 wa2t ma biddo (borj il "kaws") fini is2aleek 3la wad3i il 3atifi bi alfayn w 3ashra b3id iznek :P

WHAT A FUNNY POST WHISPER <3

 

ذكرتني بتوقعات السنة الماضية
فنان راح يموت
فنان راح يمرض
رئيس دولة راح يموت
حريق ضخم في دولة من دول العالم
تحطم طائرة
انفجارات في مكان ما في العالم
انكشاف سرقة ضخمة
زيادة في اعداد المواليد

 

Ashwaq

allah y3afeky ya rab :D

weanek ...we miss u ,kteer 6awalte 3alena :(

LOOL 17lam w waqe3 inshallah kullo momtaz 3endek :)

umm el3a6efee .... had beddy 2atreko mofaga2a :P

Anonymous

اولا اهلا وسهلا اذا كانت اول زياره او لأ

كلّه نفس الشي
وكل سنه بعيدو نفس الحكي
طب ما اكيد كل هاد يصير
و بهيك بضمنو بياض الوش وانهم ما بكزبو ال يعني :$

 

هلأ من كل عقلك الدلو راح تزبط معه
إمبوسيبل

و كمان فيها جيزة

أنا مندهش

و المستقبل راح يطير!!!
ما هو طاير بمعنى الضياع (:

أنا جدا مندهش

أهم شي انه ما في دوامات متل جماعة المي

انا لا زلت مندهش

أنا أعاني من حالة اندهاش مدهشة

 

ثائر جبر

مش انا اللي بقول
هاد بلوتو و اخوه عطارد هيك اتفقو :)


سلامتك سلامتك من الاندهاش
ان شاء الله تكون سنه خير...تفائل يا مان