Things I Like To Whisper About

Would You Hear Me Whispering

سلسله عرسان - الحلقه 11




قبل شهر تقريبا اتصلت فيي صاحبتي بتحكيلي ان في جيران الهم كانو سكّان الكويت و وقت الحرب اتفرقو وانهم جديد تلاقو معهم و عندهم شب بدور على عروس, الشب مقيم في كندا و لسّا ما اخد الجنسيه و عمره مناسب وضعه المادي ممتاز و حاليا بدو يسجل بالجامعه يكمل دراسته, و بشتغل بكازيه للعيله هناك.

المعلومات مبدئيا ما فيها اي مشكله, المشكله بدت بس حكتلي ان الشب اصله من غزّه وسافرو من الكويت للعراق و بعديها لكندا , وان الشب ما بقدر يدخل الاردن حاليا الا بس يحصل على الجنسيه الكنديه, واله كم سنه ولهلأ ما حصل عليها, و المشكله الاكبر اني المفروض اتعرف عليه عن طريق النت, صوت وصوره عالنت, وحسب ما قررو الجماعه انه اذا صار موافقه, انه يبعت وكاله لاخوه اللي تزوج وحده معها جنسيه كنديه و اعطته اياها و اخوه يكون وكيله.

ما بعرف اذا في حد ممكن يوافق على هيك شي, بس انا اكيييييييييييد مستحيل اوافق, يعني اذا بكون العريس رايح جاي عبيت اهل العروس و بتقعد معه اكتر من 10 مرات , ومع هيك مرات بتكتشف البنت انها ما بتعرف اشي عن الشب و ياما سمعنا قصص و عشنا قصص زي هيك.

حكيت للبنت عن رأيي وحكيتلها برضه لازم اخد رأي اهلي بركي عندهم وجهه نظر غير, المهم حكيت لماما و كان عندها نفس وجهه نظري و فورا اتصلت بصاحبتي ونهيت الموضوع.

امبارح صاحبتي اتصلت فيي, بتحكيلي ان اهل العريس حابين يزورونا بالبيت, و اول مره بنبسط ان اهلي مسافرين - من غير شر عنهم :( - المهم حكيتلها ان اهلي مسافرين وما في مجال يجو, وسألتها اذا وصلتلهم جوابي بالمره الاولى, حكتلي اه و الجماعه مصرين يشوفوكي قد ما حكيتلهم عنك, شكرتها و حكيتلها طول ما هو ظروف الشب ما تغيرت بصراحه ما في نصيب.

قامت عرضت علي عرضهم التاني, وهو انهم يجو على الشغل ...
سألتها..يجو!!! من اللي يجو؟؟ بتحكيلي ام العريس و اخو العريس :)
حكيتلها ليش يعني؟؟؟ بدهم يعاينو البضاعه؟؟ يعني بدها تيجي الام و تشوف اذا بعجبها الشكل ويلا لأ و يجي الاخ على اساس رأي شب ياخدو بالمره؟؟؟ بصراحه انقهرت و عصبت على صاحبتي و حكيتلها انا بالعاده اذا العريس ما اجا و قعدت معه اشوف كيف بفكر و كيف بحكي ما برضى اشوف حد فكيف كمان انه يجي اخوه و يقعد ينقد الاخ فيي؟؟

حكيتلها احكيلهم ما في نصيب, واذا النا نصيب ربنا بيسر امور الشب وبقدر يجي عالاردن و ساعتها ممكن اقعد معه علشان اتعرف عليه و اقدر احكم اذا كنا مناسبين لبعض او لأ.


اليوم اجت صاحبتي تعتذرلي و تحكيلي مش عارفه كيف كنت افكر لمّا عرضت عليكي لموضوع, وبصراحه الشب كتير منيح وانا واهلي بنعرفه وبنعرف اهله من زمان وحسيت انه مناسب الك, بس فعلا ظروفه مش مناسبه بالمره, و بس :)



ملاحظه: اي تشابه بالاسماء او بالاحداث فهو من محض الصدفه البحته, والاحداث جميعها من وحل الواقع




28 التعليقات :

ان يكون الرجل على قد الحال او يعمل بأجر بسيط ويطلب الزواج فهو أمر مقبول تماما ولا عيب في ذلك ابدا. ولكن الأمر الذي استغربه ان بعض الشباب يبني مستقبله على امر ينتظر حدوثه وهو لا يدري ان كان سيحدث اصلا ام لا. فهذا الشاب مثلا ينتظر الحصول على الجنسية الكندية ليستطيع زيارة الأردن ولاكمال دراسته الجامعية ثم ايجاد العمل الملائم لطموحاته. ايضا لا ضير في ذلك ، ولكن لماذا لاينتظر هذا الشاب سنه او سنتين حتى يحصل على الجنسية الكندية ومن ثم يزور الأردن ويوفق بالزوجه الصالحه. ما أود ان اقوله ان الانسان ممكن ان يؤجل الزواج مؤقتا اذا كان في مرحلة انتقالية. والله الموفق والله اعلم.

 

hello ..
awwalan ma beddek hal jeezeh .. loool
taneyan ellli fi naseeb alla bejeebo
taletan sho beddo el wa7ad b waj3et hal ras !! enno shabakeh msh m32oole

i do wish u all the best :)
gooooood luck whisper .. =)
Have a GoodNight ..
btw .. i hate traditional weddings am .. happy u rejected .. lol

 

هالمرة انا موافقك 100 % انك ترفضي

واكيد فلسفة أهل العريس مو مزبوطة بالمرة

ومنيح حجتك هالمرة جاهزة .... وان شالله برجعوا اهلك بالسلامة

 

قدر الله وما شاء فعل, بس موقفك صحيح مية بالمية

 

تحياتي ويسبر

كيفك
زمان ما علقت هون والله

والله معاكي حق بس فيه شغله انه اهله كلهم هناك و كلهم معهم جنسية - المضروض كونهم بالاردن - باستثناء الشب المعني .. انه ما أخذ الجنسية
معناها فيه سبب

على فكرة اذا العائلة ساكنة بمونتريال فيه احتمال اعرفهم .. أو أوصل لحددا بعرفهم

:)

 

well i will write in Arabic this time because i cant stop laughing!!! :))

" انهم يجو على الشغل"

هاي بصراحة اكثر اشي عجبني بالموضوع ، يعني كل البلاوي اللي حكيتيها عن هالشب بمشيها و بتفوت براسي ، بس انهم طلبو
يجو عالشغل هاي كبيرة كتيييير كبيرة! يعني شو انت سيارة يجو يعاينوها بالمعرض و لا شو !! و لا هم خايفيين انك بتكوني تضحكي عليهم لما حكيتيلهم انك بتشتغلي ؟! و حبو يتاكدو من هاد الاشي!

عن جد من الاخر

 

Farah

LOOOL 3ala 2walan

sa7 ho naseeb 2walan wa 2a5eran
w zay ma 7akete shabakeh, y3ne kullo belhawa ma fe 2ard salbeh lal mawdoo3 :S

Thanks ya amar for the sweet wishes,same to you :)

I hate it too but what to do :(
thanks ya amar

Jaraad

هناك اساسيات لكل فتاه في مواصفات الشخص الذي تريد الارتباط به, وبالنسبه لي اهم شيء الدين و الشخصيه و طريقه التفكير, المنظور المادي معدوم بالنسبه لي لان الماده ممكن ان تذهب باي وقت ولا يبقى غير الشخص نفسه للتعامل والعيش معه.

وكما قلت في مثل هذه الظروف يجب تأجيل موضوع الزواج, لانه من غير المنطق ان تربط انسانه بك وبحياة غير واضحه الملامح ولا يوجد ارض صلبه لتبدأ عليها

والنعم بالله ...شكرا اخي :)

 

Ahmad Al-Mahrouq

الله يسلمك احمد :)
بس هالمره مش حجّه...هالمره سبب حقيقي كان :)

Ahmad Hamdan

الحمد لله على كل شي :)
شكرا احمد

 

Amjad

اهلا امجد...زمان كتير , و زمان ما كتبت اشي جديد :$

اهااااا هاد اشي تاني كمان :$ صح ليش هو اللي ما معو

تسلم تسلم امجد....الله يسهل عليهم
بس اذا اجا الشب و رجعو فتحو الموضوع واتفقنا على كل شي برجع بحكيلك تسألي عنهم :)

بس اشك اني اتفق مع حد :)

Dr.Mohammed

ههههههه ...عبّر براحتك :)

انا اللي قهرني اكتر شي و جلطني هو اقتراح انه اخوه يجي...
يعني هاي معاينه بضاعه بكل وقاحه كمان

 

هههههههههههههههههه
انا هاااااد اكتر اسلوب بكرهو!! و جد ما بعرف اللي هيك بيعملو كيف بفكرو!!

يعني انا مثلاً مو ممكن اخد واحد بدون ما اشوفو، بس مو مشان اقرر ازا حلو ولا مو حلوووو!!! مشان اشوفو قداكي عالواقع كيف بحكي و كيف بتصرف و كيف بيتفاعل!!

اما والله ازا ما قدرت انا اشوف ببعت ميكيانيكي يشوفلي بركي مضروب شصي!! لا والله هاي منّا مزبوطة ابداًاًاً!

و ان شا الله بيرعو اهلك بالسلامة :-)

 

Naryat

هههههههه عجبتني شغله الميكانيكي و الشصي :)

واضح ان هدفهم الاساسي بالزياره انهم يتطمنو عالشكل

الله يسلمك...بس مالها الاحرف واقعه عندك كتير هالمره :)

 

لا عن جد احلى شي ييجو على الشغل
؟؟؟؟
ههههه
طيب وديهم لمديرك يتفاهم معهم
:)))))))

و بالشغل مين بدو يقدم القهوة ؟؟؟

ضحكتيني ويسبر على هالمسا

 

يمكن ناس كتير بتقرا هالحكي بتفكره حواديت بنات او بهارات مشكلة بتنضاف لتعمل نكهة تدوينية
بس انا ببصملك بالمليون انه هالحكي وازود منه في مجتمعنا واشي بينحكى وكتير ما بينحكى
وعجبني تعليق المكنيكي كتييير

 

بتعرفي العجقه؟
هاد تعريف الوضع كله من اولو لاخره

ووضع الغزاوي بلا جنسيه مش تمام بصراحه!! بتصير فوتك وقعدتك بالبلد كتير صعبه!!
وانك تبني حياتك على اشي لسا رح يصر عجقه تانيه

فعفاف: :انسى الموضوع انساني"

بيكون احسن

 

طيب يبعتوه اتشامنت اعميليو داونلود اذا عجبك اوكيه ما عجبك شفت ديليت
بعدين بلكي اتزوجتو وخلفتو دوت نت ودوت كوم ودوت انفو
وبلكي واحد من ولادكم صار دوت اورج

بكره افكار بعض الناس يجي اخوه يشوفك ؟؟؟
طيب ما انتي حكيتي بدكيش يعني اذا اجو وعجبتهيم مهو انتي ما بدك ؟؟
تاني اشي زي ما قلتي جايين يعاينو البضاعه
بنخفش عليكي انتي كوية كوية من التسوس محمية

 

I hate traditional ways.. ba7es el mawdo3 zay elle raye7 yeshtre batte5a ...
mnee7 ennek rafadte.. la ytalle3 el jenseyeh el kanadeyeh then yetfalsaf o ydawer 3ala 3aroos!!

mwafa2a o allah yeb3atlek ebn el 7alal ya rab

 

لووووووووووووووووووول

عجبني المسلسل كله قرات 11 حلقة على نفس واحد

 

Jafra

هههههههههههه ...عجبتني الفكره :)
خليهم يتربو :)

ان شاء الله على طول الضحكه ما تفارقك :)

مجموعة حياة

ياما شفنا قصص طرمه من هالنوع

معك حق..كتيييييييييييييييير ما بنحكى :$

انا حششت عليه تعليق الميكانيكي ههههههههه

مياسي

بالزبط...يعني الموضوع كلّه فوق بعضه

هاد اللي ماما حكته, اذا ما اخد الجنسيه قريب , و انضربت على قلبي و وافقت ,راح يصير العرس بدون العريس, و اذا صار ولاد ما راح يقدرو يسافرو وعجئه على رأيك :$

مين عفاف O_o

نسينااااه خلص :)

 

قط البكتريا

هههههههههههههههههه ....مبدع ما شاء الله عليك, و عندك حلول فوريه

فكره انه يجي اخوه هاي صدمتني لانها اول مره بتصير معي :$

اه...انا قويه :)

Ahmad Merie

I hate it too bs shoo ne3mel :S

elzawaj dayman zay el batte5aa :D

la 5alas allah ysahel 3alehom :D

Ameen ya rab, w 2enta bent el7alaal 5ally 5alto tefra7 feek :D

Sha5bo6

ههههههه...هاي علشان تعرفو البنات كيف بعانو مرات...يا ريت حد من الشباب يكتب عن معاناته علشان البنات يصيرو ينتبهو لاخطائهم :)

 

احم احم

قرارك صحيح مئة بالمئة ..و ما حد بيلومك عليه ...

أنا لمن تزوجت بعتت لأهلي كرت لحتى أجو
على العرس

 

موقفك سليم ميه بالميه و هوه عين العقل..
وشو يعني إنواخوه..ماهو كل فرد بالعيله أكيد بفكر بشكل مختلف عن الثاني!!

 

ولاااااااو
هههههه
معلش... من عميان الـ"ظّ"ـو :-]

 

نعود للتعليق على تدويناتك المتميزة
قصة جديدة من قصص العرسان التي أصبحت مشكلة كل شب وصبية في مجتمعنا المعاصر
طبعا معاكي حق في تصرفك لعدة أسباب
وضع الشب غير مستقر نهائيا فالوثيقة الغزاوية لعنة حقيقة للأسف الشديد وأغلب دول العالم ممنوعة عليه غير تعقيد الاجرائات الدخول و الخروج
اعان الله جميع الأخوة الذين يملكونها
طريقة التواصل لا تكفي لتقييم شخص كما من خبرتي الشخصية الانترنت لا يكفي تماما لمعرفة الشخص في ٩٠٪ من الحالات غير القدرة على تغيير بعض الحقائق
طريقة تعامل الأهل مع الموضوع حيث الاخ يريد ان يحضر وهذه صراحة مستفزة جداً جداً ، اولا الوضع كله غير مريح فما دخل الله في التقييم خصوصا ان لا رجال متواجدين في الجلسة فلماذا يريد ان يحضر عيب كبير هذا

اريد ان أتحدث عن نقطة مهمة هنا وهيا المغتربين 
المشكلة التي تواجه اغلب المغتربين خصوصا في الدول الاجنبية هيا كيف سيختار زوجة المستقبل؟؟؟؟
خصوصا اذا كانت إجازاته غير كافية لاختيار عروس و التعرف عليها و على اهلها
كما ان ترك الاختيار للأهل اختيار غير منطقي أيضاً 
فما هو الحل في هذه الحالة؟؟؟ كما ان حل الزواج من أجنبية ينتهي اغلبه بمصائب لا تعد ولا تحصى
وحتى الزواج بعربية او مسلمة مقيمة او متربية في نفس البلد يحمل فيه الكثير من المخاطر بسبب اختلاف العادات و التقاليد و القيم
لذلك في الكثير من الاحيان يقع المغترب المسكين في الكثير من المشاكل فرفقا به
مع تحيات طائر مسافر بعيدا جداً عن وطنه و أحبائه
 

 

عزيزتي تمنياتي لك بالتوفيق الدائم , وانشالله اهلك يرجعو بالسلامه يا رب
:)

والله معك حق ميه بالميه .. يعني من
الاخر من لا يجد الراحه في نفسه لا
يجدها في غيره

شكرا همسه , موفقه دايما انشالله :)

 

ثائر جبر

ههههههه مش لهدرجه برضه :)

انا مع ان التنين يختارو بعض و بعدين بيجي دور الاهل كخطوه تانيه

Rula A.

بركي زوء الشب بشبه زوء اخوه...بتعرفي مهو رايح يشتري بدله O_o

جد غريبين هالعالم..كل ما اتزكر بنصدم :$

Naryat

هههههههههه...سلامتك من عميان ال"ظ"و يا قمر

 

سراج الماضي

اهلا وسهلا من جديد :)

للاسف مشكله الوثيقه الغزاويه مشكله ..الله يعينهم يا رب
وبدك تفكر بمشكله الابناء من بعدها

حتى لو تعرفت على شخص عن طريق الانترنت ممكن يكون مقدار معرفتك اله احسن ما تبدا تحكي معه عالنت بهدف الزواج...اعتقد والله اعلم

اهاا المغتربين... على مدار السلسله كتير اجا تعليقاتك بتحص المغتربين وصعوبه الاجازات و قصرها

ومن اللي عانو بهالشي اخوي, ولله الحمد اجا و ربنا يسرله انه هو يختار بنت و الحمد لله تزوجو و عندهم احلى بنت "فرح " :) الله يهدّي بالهم ويسعدهم

و الله يهدّي بال الجميع و يسعدهم, ويسرلك بنت الحلال اللي بتتمناها :)
و يرجعك بالسلامه لاهلك واحبابك عن قريب

Jarat

الله يسلمك يا رب
وان شاء الله ربنا بوفق الجميع :)

الله بعين :)

 

wallah 3'areebeh hal moda hay :S
i'm totally with you about what you did...i know a friend of mine sar m3ha zayyek bel zabt o 5atbat o b3den fas5at.. cuz akeed el sha5s hada lamma ykoon wara shashet el computer ma bekoon zay face to face...
and about yeejo o yef7asooki
ay wallah eshe be2har... ana aslan ded el zawaj el ta8leede kollo 3a ba3do :S
anyways yalla elli jayat a7san mn elli ray7at :) o 3ala allah hal mojtama3 yseer aw3a :)

 

Yazid

Ana 2aktar 2eshe 2aharnee 2enno yejoo 3al sho3'ol w 5ososee el 2a5 :S

maho elmoshkeleh keef beddak tet3arraf 3aleha behal be2a 2elly 3aysheen feha :S