Things I Like To Whisper About

Would You Hear Me Whispering

تناحه





يوم الاربعاء كنت نعسانه كتير بالشغل, يمكنى اتاوبت 10 الاف متاوبه لدرجه انو بس حكيت للي معي اني بدي اروّح كلهم وافقو بسرعه, اكيد... خصوصي انه بعد المتاوبه العاشره المساكين صارو يتاوبو معي :)

قررت امر على مكه مول ادفع فواتير الانترنت لانه قبل بيوم كان يقطّع كتير حكيت بلاش يفلمونا على العيد و يقطعوه, وانا ماشيه باتجاه الكراجات في بنت ماشيه بنص الشارع, زمرتلها زامور خفيف لاني ما بحب اصرع اللي بكون بالشارع بس يكون قدام السياره, لان لو حد عملها معي راح انئز وراح اكرهه كتير, المهم زمور خفيف ما ردت. زمور اعلى ولا الها دخل مع انو في جزيره وسطيه على جهه بتقدر تمشي عليها و في رصيف عالسايد التاني, بس الاخت حابه تمشي بنص الشارع,زاموووووووووور طوييييييييييييييل بكل هدوء الدنيا لفت وجهها اتطلعت علي و كملت مشي, اعطيتها الزامور اللي بصرع اللي عباره عن زفّه علني, زاحت شوي عن الطريق, مشيت من جنبها و لمّا وصلت عندها حكيتلها "هبله انت؟؟ ويلا طرشه؟؟" و مشيت.

يا دوب مشيت سمعت صوت زامور عالي بتطلع بالمرايه , طلعت الاخت بس انا مريت رجعت تمشي بنص الشارع و التكسي اللي وراي بزمرلها ومشي من جنبها و ابصر شو حكالها وهي ولا تغير تعبير وجهها بالمرررررررررره.

انا انسم بدني منها و من حالي, ما بحب اغلط بالعالم هيك, لكن الاخت مش طبيعيه, ول عليهم اليهود ولك اطلعي عالرصيف, بدك تبلينا فيكي يعني؟؟, بس طول ما انا بمكه مول وانا مش قادره امسك حالي عن الضحك كل ما اتزكر حالي وانا معصبه و بحكيلها "هبله انت " هههههههههههههههههههه

بس بصراحه بشهدلها انا للبنت.... اتنح منها عمري ما شفت :$

24 التعليقات :

شغلة من تنتين يا البنت تنحة وشاربة كاس تناحة على الصبخ يا انو هالبنت مخها سلامتو من الهسهس

 

عادي بلكي البنت جاي على بالها تنتحر؟
بس مش متخيله شكلك وانتي بتبهدلي بالشارع ;-)

 

hello whisper .
i guess enno kol el sha3b tene7 !!
o ma fi zay elli 3and share3 el gardens wa7ad zammar lal tani fa elli tzammarlo allo enno etla3 etla3 ..
2am hadak enno keef hek yen2alli!!
sa7ab musaddaso o 6a55o!!
am not kidding !! its been shown on Jazeera TV :)
thnx whisper for your great topics :)
yen3ad 3leki el 3eed :)

 

3ala 2ol el mathal.. el tana7a kanzon la yafna..

 
أزال المؤلف هذا التعليق.
 

Ahmad Hamdan

والله اعلم انا برجح الخيار التاني :)
يعني لو شفت تعابير وجهها...ولاااااااااا اشي
ما في اي تعبير :$

مياسي

تنتحر بعيد عنّا ...الله لا يبلينا :(

هههههههه انا بحكيلك...تحشييييييييش :)
انا كل ما اتزكر بصير اضحك :")

 

Farah

hehehe lel2asaf fee menno :$

O_o bt3rafee...2wal marra basma3 hal2essa

bs mesh b3eedeh 3an b3ad elnas 2elly 7awalena :(

Sorry ya amar 3alt2a5ar bel publishing of el comments :S
bt3rafee 3aj2et 3eed
yen3ad 3alena w 3alekom bel5ear ya rab :)

Ahmad Merie

LOOOOL bs kanzon bejlo6 el3alam :S

 

يمكن البنت كمان رايحة تدفع فواتير الانترنت و مصدومة من المبلغ

 

Dr.Mohammed

ههههه مش بعيده بالمره
خصوصا اذا الها فتره ناسيه الموضوع والمبلغ المطلوب اخد نص الراتب :$

اهلا وسهلا فيك بمدونتي المتواضعه
وشكرا عالمتابعه :)

 

whisper ..
yen3ad 3leki kaman
:)
no problem with publishing ur excused akeed its eid ;)
kol el tawfee2 batmannalek

 

hehehehehehhe sa7ee7 enha ten7a!
bs el moshkeleh enno el 3alam 3nna jd be7ebbo el share3 ma b3ref leh
enno y3ne el habayel bs ylle bemsho 3al raseef,
o m3 hek marrat bekoon el 3'alat 3al 7okoomeh ylle aslan msh 3amleh arsefeh zay el 3alam wel nas aw ta3oon el ma7allat fardeen el ma7al oddamo o shajar o sayyarat saffeh 3al raseef fa msh 3aref la hll2 el 3'alat 3a meen hehe :P

 

هههههههه و الله انها نهفة
بس صار عندي فضول اعرف شو مالها

 

هاظ ياستي اسمو برادة الدم
يعني للاسف السواق بحس انو الشارع الو والرصيف عشان يصف فيه
والمشاه بحسو انو الشارع الهم والرصيف زائدة دودية

 

هذا من اكل الفول يا ويسبر :)
كل عام وانت بخير

 

مش بعيدة انها البنت تكون عالبركة
الله يهدي بالها
وكل عام وانتي وحبايبك واهلك بكل خير
:)

 

NasEr

Happy Eid to you too :D

LUNAR

معك حق, الله يعين العالم :$
وانت و العائله بالف خير ان شاء الله :)

Sozan

سوزااااااااان اشتقتلك كتير كتير :(
الف الحمد لله على السلامه يا قمر
هههههه ممكن الفول هو السبب :)
وانت واهلك وحبايبك بالف الف خير يا رب

 

Yazid

sa7,lessa 2embare7 konna ne7ke belmawdoo3 :S
kteer be7ebbo yemsho belshare3 :(

mo3zam el shaware3 malyaneh trees w ma fe wasa3 temshe 3alehom
elmafrood yla2o 7olool gathryeh lhalmawdoo3

Farah

Thanks ya amarah :D
yalla enjoy the last days of your vacation up to the limit :D

 

Jafra

لو كنت اضمن اني ارجع اشوفها كان رجعت وسألتها
بس مش هيك البرود بصراحه :$

قط البكتريا

ما بعترفو بالرصيف :(


بس زي ما حكينا قبل
ان مش كل الحق عالعالم اللي بتمشي
لانه الارصفه مرات بتكون مليانه شجر و اشياء البنى و سيارات صافه فما بلاقو مكان غير الشارع يمشو فيه

 

ههههههههه
GGGGالصورة لابقة للموضوع غل

بتعرفي؟ مرات لما اصادف ناس متل هيك جد جد جد بسأل حالي: "يا ربي اكيد بهيك حالة لو دعستها بتحاسب؟" لأنو جد اشي بيخلي الواحد يتساءل!!

ممممممم

سرحتلي هيك للحظة و فكرت شو ممكن يكون السبب بانها هيك تعمل... بجوز حابة تلفت نظر؟ او مثلاً حاضريتلها فلم ولا مسلسل في مشهد من هدول اللي بييجي واحد بيدعس بنت بالشارع و بعدين بتصير بيناتهم قصة حب؟ بركي مستنية هاد اللي بدو يدعسها و يحبها؟
بجوز بدها تثبت انها شجاعة و ما بهمها السيارات؟
أوووو مثلاً هي بتحب تمشي بنص الشارع هيك كهواية عندها من الطفولة؟

بتعرفي شو في اشي بجوز ما بستبعدو ابداً؟

انو يكون البنت عندها مدونة و تلاقيها كاتبة موضوع عن السواقين اللي بيزعجوا هدوءها و هي ماشية و بتبهدل الانحياز الطبقي اللي خلى الطبقة "المنغنغة" اللي راكبة سيارات يتعنطزوا عالطبقة الكادحة :-D

فش اشي بعيد حبّوبة هههه

 

مرة ركبت مع سواق وانا رايحة ع الجامعة..غلط على وحدة وحكالها :يلعن اللي خلفك..كانت أتنح من البنت اللي شفتيها:D
تحياتي

 

سيران نوفل

ههههههههه انا توقعت ان سائق التكسي اكيد حكالها اشي اسخم بعشر اضعاف مسبتي الها ...


نورتي مدونتي المتواضعه بزيارتك :)

Naryat

انا دورت على صوره بكلمه
DULL
وهاي اقرب صوره للي بدي اياها :)

له له له بدك تهدي اعصابك...انا بقول الله لا يبلينا بهيك عالم :$

وبركي لا سمح الله ما زبطت معها تضلها سليمه من هالضربه !!!
مأسااااااااه :$

انا برجّح الخيار الاخير... هي هوايه وانا الله يسامحني - امين يا رب - عكّرت عليها صفو تمشايتها بنص الشارع
فعلا اني انسانه متفشخره خصوصا بسيارتي اللي على قدّي و اني رايحه ادفع نص الراتب فواتير انترنت

لا لا ما ببكي ...ابصر شو دخل بعيني ...سلااام هلأ :"(

 

هههههه شكلها ماخذه التناحه هوايه

 

هههه الله اعلم
بس ان شاء الله ما اكون ظالمتها :$