Things I Like To Whisper About

Would You Hear Me Whispering

قنوات الجهل




جد كتير زودوها بهالقنوات اللي ما الها معنى, و واضح انه ما الها غير هدف واحد
بسألو سؤال زي قناتهم و بتفننو بهالاسئله, و بحطو اغنيه تافهه و اهم شي المذيعه اللي ما الها دور غير انها تغني و تتمايل و تتئصوع و تتمصوع مع الاغنيه, وبين كل اغنيه واغنيه تشجع الناس بطريقه مايعه وهبله علشان يتصلو, مش عارفه من وين بجيبوهم هالاشباه المذيعات!!!

كتير بستغرب ان معظم القنوات الاسلاميه غيرو ترددها فجأه و سكر جزء منها و متل هالقنوات اللي ما الها معنى انتشرت بشكل كبير !!!





قبل كم يوم بقلب بين الألف قناه عالستلايت وكالعاده اني الاقي اشي ينحضر ابدا
و بين القنوات ظهرت هالقناه, اول شي لفت نظري السؤال , وبعدين ست الحسن والجمال اللي بترقص بطريقه مبتذله, و بعدين كملت لمّا خلصت الاغنيه وبدت تحكي الاخت بطريقه سوقيه جدا, صورت اكتر من فيديو بس هاد اللي قدرت انزله الباقي احجامهم كبيره طلعت








من اللي صورته بالفيديوهات التانيه, بتحكي المذيعه بما معناه "ان اللي ما بتصل راح يندم و راح يصير يحكي يا ريت و كلمه يا ريت ما بتعمر بيت" بالله عليكي؟؟؟ انتو بتعرفي باشي اسمه تعمير بيوت؟؟؟ وال ان الجائزه راح تعوّض المتصل وانه ما راح يخسر اشي

كنت افكر ان مستحيل يكون في ناس بتابعو متل هيك قنوات, اكيد حد من نفس القناه بتصل و بعمل كأنه اتصال من الجمهور, لكن كثر هالقنوات ببين ان اكيد وللاسف هالقنوات ناجحه بالفساد و بجيبه الفلوس علشان هيك انتشرت

ان شاء الله يزيد وعي العالم اللي بتايع هيك قنوات, واللي فاتحين هيك قنوات يستغلو هالقنوات و يستغلو امكانياتهم الماديه باشي مفيد للعالم, وبزيد من ثقافتهم و بطور من قدراتهم بدل ما يخليهم يرجعو لورا بكل شي بحياتهم.

15 التعليقات :

بصير تعطيني الرقم عرفت الاجابة ... وما بدي احكيلك اياها لاصير احكي يا ريت
هههههههههههههههه
لا حول ولا قوة إلا بالله ... المفروض يكون في قوانين تحكم اداء القنوات .. يعني جد شي بخزي

 

والله الحق مو عليهم الحق على الي سمحلهم يعملو هيك مسخره

المذيعه بتلاقيها فطرانه الصبح على شقفة خبزه من مبارح وجاي على الاستوديو بنفس الاواعي الي فصلتهم من ايام حرب الشلاليت يعني معفنه بنت معفن
وبيعطوها قرشين محرزات بتشوف حالها فيهم
مشان والله الخواريف ينزلو نعف اتصالات وهات سعيد الحظ الي يمسك معو الخط

وحتى القنوات الاسلاميه مين قال انهم أحسن
قناة أقرأ من القنوات النصابه والمحترفه بالنصب
طبعا عن تجربه الله لا يوفقهم
وغيرو وغيراته
بس كأنو الجواب الصومال؟؟
!

 

Mohammed Ali

اول شي اهلا وسهلا فيك بمدونتي المتواضعه :)

ههههههههههه لا خلص راحت عليك وؤاح عليك تعمير البيت :)

بالزبط..شيء مخزي


Anas

والله زمان يا مان :)

ويا مكتر الخواريف بهالزمن...جد اشي بصدم
و البنات اشي غريب بصراحه, طريقه الحكي مع طريقه اللبس اشي مخزي

اكيد الك وجهه نظر بحترمها مع اني بختلف معك فيها :)
لكن عالقليله في برامج بتطلع منها باشي مفيد من هالقناه

اعتقد انها الصومال :)

 

بالنسبة للدوله ألف ولام ...هي الصومال
شو بتربحيني يا ويسبر؟؟

المذيعة تبدوا عبيطة فعلا

لكن المشكلة أن قليلين الذوق عندهم فلوس كتير يصرفوها على هيك مهزلة

لكن أنا مندهش لأنك ذكرتي عبيطة مش عبيط

الى الأمام يا ويسبر

 

ليه انتي بدك تقطعي برزق هالبنت ورزقنا؟

عم نتفرج ومبسوطين

___________________
بمزح معك ... اوعي تصدقي اني بحضر هيك تخلف؟

انا برأيي انه ما كان تعطي هالآهمية لهيك شغلة
يعني يمكن انتي بهيك حالة زدت نشرها لهالقناة بشكل غير مباشر
يعني واحد ماكان سامع بهيك قصص
وانتي فتحتي عيونه عليها

 

ya allaaah ma a7saneeek :D
fashaite 3'olli :D hehe i HATE THEM!! 5osoosan el mothee3at ylle msh 3aref mn wain lammeenhom
wela el 27la wel a7la el SMS yle marrat ba33od 28ra2o o ad7aaaaaaaaaaaaaak hehe
atfah mn hek nas allah ma 5ala2 wel nas ylle bte7ki m3hom or bteb3atellhom hommeh 5erfan msh bani 2admeen :)
good subject whisper :D

Yazid

 

Thanx God.. bakrah el TV .. Fe bene o beno 3adaweh abadeyeh.. naderan ma amsek el remote o a2alleb el Channels.. bensam badane be zyadeh!!

 

ثائر جبر

اممممم مش عارفه بصراحه, الدنيا نص شهر و الراتب من زماااااااااااااان خلص وانا العبده الفقيره الى الله :"( و بما انك فتحت الموضوع ...يا ريت تتداينلي 10 دنانير لاخر الشهر :$

هههههه زبط بدايه الرد مع موضوع قليلين الذوق اللي معهم فلوس
يعني والحمد لله ما معنا فلوس ...اذا كلنا ذوق :)

هاي واشباهها عبيطه وعبيطه و عبيطه :$

Ahmad Al-Mahrouq

اكيد بتمزح ولو...اساسا هالاشكال ما بتعجب ناس طبيعيين

المشكله يا احمد ان بين كل 5 محطات بتقلّب بينهم بتطلعلك محطه من هالنوع
يعني الموضوع منتشر وكتير وما بدو يحد لسا يلفت النظر اله :(

 

Yazid

b3raf ...ana bajannen LOOOL :D
jad lammam halmoze3at, wade7 2eno ma fe thaqafeh wala 7atta mlabsenha zay el3alam :S

Ahaa el SMS hay 2essa tanyeh, bt7es nos shabab el3arab fadeen w bs 2a3deen la ba3et SMS's 3ala heak qanawat

Thanks Yazid :D

Ahmad Merie

Jad niyalak :(
for me I love movies :S

But usually bashoof el schedule's 3ala el net w bafta7 3ala el channel 2elly 3aleha film 7elo w ma b2alleb kteer 2ella naderan :)

 

لاحظتي انه كل المذيعات بغض النظر عن اي قناة بشتغلوا بحكوا بنفس الطريقة؟
انا زمان ما شفت هاي القنوات
بس
زمان شفت قناة سترايك

و بعدين قناة تانية نسيت اسمها
بسألوا سؤال تافه
و الناس بجاوبوا صح بس ما بربحوا و كتير عليهم قضايا بالمحكام لانهم نصابين

 

Mala2e6

اه بالزبط, و بتحسي الاتصال ما اله دخل بالاجابه
كأنه تعرف و هبل مش اكتر :$

هاد موضوع جديد انه تكون قنوات نصب ...انا فكرتهم بعطو الناس اشي :$
ومنكم نستفيد

 

كلمة واحدة فقط
إنجطاط أخلاقي لأبعد حد

 

للاسف هالانحطاط منتشر على عدد كبير من القنوات وباشكال مختلفه

 

قبل فتره كانوا منزلين إعلان شغل بالجريده:
مطلوب شباب وفتيات للعمل كمذيعين والخبره غير مطلوبه
أظن إنهم كانوا بدهم ناس عشان قناه مثل الي حكيتي عنها
شكلها موضه رائجه جدا!

 

اكيد الخبره غير مطلوبه, بالعكس يمكن هاد شرط اساسي بالاضافه للشكل و لطشه الغباء اللي برضه لازم تكون موجوده