Things I Like To Whisper About

Would You Hear Me Whispering

احب قبلات الشمس



في اشياء كتير بسيطه بحياتنا , لكن بتعنيلنا شخصيا اشي كتير حلو او اشي كتير سيء


انا مثلا بحب صوت المطبات اللي بتكون موجوده على الجسر بس تمشي عليه بالسياره, بكونو حاطين زي فواصل علشان ما يسرع السائق, كتير بحب صوتها بس امشي عليها, اخوي بكرههم وبحكيلي هاي تخريب للسياره


بحب بس اسوق بطريق يكون في عمارات و الشمس تضل تختفي و تظهر من وراهم زي حد بشغل الضو وبطفيه, بحس كأن الشمس بتطبع قبلاتها على وجهي و بتودعني قبل ما تختفي ويجي الليل


بحب تكون الدنيا براد و افتح الشباك و الف حالي بحرام و يصير الهوا البارد يجّي علي و انا دفيانه


كتير بنبسط بس افكر بفيلم او باغنيه معينه و بنفس اليوم اسمع الاغنيه بالصدفه او اعرف ان في قناه بدها تعرض الفيلم


كتير بنبسط بس ربنا يسّرلي انسان اساعده. خصوصا الكبار بالعمر, جد بحسها نوع من انواع الرضا من رب العالمين, و بحب بس يحكيلي بابا او ماما ان اليوم في واحد الله يرضى عليه ساعدهم و هوّن موضوع عليهم


بحب البحر بشكل جنوني وممكن اضل قاعده قدامه يوم كامل احكي معه و يحكي معي, بشكيله و بحكيله كل اسراري و بخفف علي و بضحك معي, كتير غريب ان البحر بتحول لشخص معين بعنيلك و بتحس معه بمشاعر غريبه, البحر اله ذكريات جميله معي, البحر كان صديقينا في فتره من الفترات

26 التعليقات :

شكرا همسه :)
ااحكيلك اشي كلمات الاغنيه خلتني ابكي من غير مبالغه بس حسيه بالراحه وانا بسمعها وحسيه باشياء اكتيره :)

البحر ... انا بحب البحر اكتير امبارح كنا بالبحر انا واهلي وسبحنا وكمان صدنا سمك كلهم صادو الي صاد 4 سمكات والي خمسه والي 10 والي صاد سمكه وحده بس انا ما صده كنت انزل الطعم للسمكه اكتشف انها اكلتو ههههه بس والله انبصطنا :)

 

شكرا همسه :)
ااحكيلك اشي كلمات الاغنيه خلتني ابكي من غير مبالغه بس حسيه بالراحه وانا بسمعها وحسيه باشياء اكتيره :)

البحر ... انا بحب البحر اكتير امبارح كنا بالبحر انا واهلي وسبحنا وكمان صدنا سمك كلهم صادو الي صاد 4 سمكات والي خمسه والي 10 والي صاد سمكه وحده بس انا ما صده كنت انزل الطعم للسمكه اكتشف انها اكلتو ههههه بس والله انبصطنا :)

 

انتي حكيتي عن البحر .... انا كتييييييييييييير بحب البحر او فيكي تحكي انو حب عمري كان عند البحر والبحر هو حب عمري زكرياتي انا وياه ما رح انساها لو بعد مليوووون سنة (مع اني بعرف انو احلام مستغانمي حكت انو لازم ننسى )"احبيه كما لم تحب امراة وانسيه كما بنسى الرجال " بس شو اعمل مش زابطة معي من اربع سنيين وانا بجرب انسى بس ع الفاضي .... المهم هلا وبلا طول سيرة استمتعي بالساعات الضايلة من يوم العطلة واستعدي لنهار عمل طويل بكره ....ز

 

من منا لا يحب البحر. فكل شئ فيه جميل.
البحر هو المكان الوحيد الذي يمكن ان نستمتع به صباحا و مساء. فالأماكن الجميلة الأخرى لا نستطيع ان نستمتع بجمالها ليلا ولكن البحر يمتعنا بصوته ليلا كما يمتعنا بسحره دون الليل.
من البحر تشرق الشمس ليعلن بدء يوم جديد ومن البحر تغيب الشمس ليعلن نهاية يوم صاخب وبدء فترة الراحة.
من منا لايحب البحر عندما يندمج صوت الموج وصوت طيور النورس معا.
لولا كان هذا مجرد تعليق لوددت ان اكتب واكتب واكتب عن البحر فللبحر عندي معزة خاصه فهو المكان الذي يشعرني بالحرية.

 

يسلملي الرومانسي انا:)

وانا كمان بحب هالاغنيه كتير

 

Sometimes simple things mean the world to some people :)

 

I love how you describe the sea,
I guess you are going through this enormous amount of love to the world, that you want to hug a rainbow!!! I have this too, more than before...

about the speed bumps, I love them too!!!

 

حلوة مدنتك كتير بس المطبات الي عل الجسر هاي بتنحط لاغراض انشائية يعني عشان موضوع تمدد و تقلص الخرسانه و الزفته و الزلازل و ابسر شو مو عشان الواحد يخفف سرعته
بس حبيت اصحح المعلومة:)
و تحياتي الك
بحب اقرا مدونتك عن جد حلوة

 

Jarat

حبيبتي....ليش تبكي
هي ما شاء الله زكرياتك حلوه و بتجنن

انا بحب السباحه كتيييييير, واحلى احلامي بس احلم حالي بسبح :)

الصيد نفسي اجربه , عمي بروح يصيد بس بابا ما بحب هالشغلات :(
الله يهنيكم يا رب :)

farawlaa

كتير حكولي عن هالكتاب وحتى وصلني ايميا و بديت اقرأه و بعدين تركته....مش كتير مشجع حسيته :$

نرجع لموضوعنا..البحر :)
البحر لحاله بدون ما يكون في شخص ببالك بولد عندك احساس كتير حلو

هيني بديته هالنهار وان شاء الله يمر على خير :)

 

Jaraad

كلماتك كتير رائعه وكنت بتمنى انك تستمر بالكتابه :)

دائما بسعدني تعليقك و بالزيارات القادمه خود راحتك بالكتابه :)

مياسي

الله يسلمك...شفتي بالله :)
بتجنن الاغنيه..وبحبها بصوت محمد منير كمان :)

Anonymous

you are absolutely right :D

 

Ala'

EXACTLY :D
"that you want to hug a rainbow" WOW you said what I can't describe in words :D

yaaay soo I'm not weird :)

Anounymous2

شكرا كتير عالكلام الحلو وعلى المعلومه
واضح ان اللي بتعلق / بعلق دارسه هندسه مدنيه / طرق وجسور :)

اهلا وسهلا دائما :)

 

اه انا دارسة هندسة مدنية و اشتغلت فترة بهاي المواد و تركيبها و استعمالاتها

 

بين العمارات ....غريب!!!
المفروض بين شجر السرو السنديان و الكينا...... و تكون الطريق قديمة و ضيقة...ياسلام

قلت في البحر
و البحر يبكي من وقوفي المزمن
وينوح من وجع المسيح المستجدّ
و البحر يحكيني لأطفال الغبار الهارب

...
كل التحية لك و الله يديم حياتك بالمحبة و الود

 

اشمعنا جارات معلقة مرتين؟؟
انا كمان مرة

هو كلامك صحيح يا ويسبر اذا كان الواحد يعشق مدينة معينة فهو راح يشوف عمايرها أجمل من الشجر في الغابات ....

سلامي لعمان

 

Anonymous

اهااا اذا طلع تخميني في مكانه :)
اهلا وسهلا وشكرا مره تانيه عالمعلومات :)

ثائر

كل المدونه على حسابك
علّق قد ما بدك
كما قلت مسبقا
تعليقك دائما يسعدني :)

لا انكر اني بعشق عمان...لكن للاسف العمارات اخذت مكان الاشجار, مع اني كنت افضل اني اسوق بين الشجر

و البحر يبكي من وقوفي المزمن

جميل جدا :)

لكن انا بحس البحر بخفف عني و لا يشعر بالملل من وقوفي امامه لاني انا بكون مبسوطه بكل دقيقه معه :)

 

تسلم المدونة و صحابها
راح أعلق كمان

البحر يبكي من وقوفي المزمن

بمعنى عدم التقدم في الحياة في الحرب في العلم أي أنه حزين لحالي متعاطف معي

اما أنا فأعشق عمان...مكان الطفولة

 

اهاااا... المعنى ابعد من التفسير المباشر اللي طلعت فيه :$

المعنى طلع اجمل بكثير

وهلأ فهمت شو يعني
و البحر يحكيني لأطفال الغبار الهارب
:) شكرا على التوضيح
واهلا وسهلا فيك دائما

 

yaa ba7ran kamm 2akhfayta min asraar..

wa nasharta fil 2afaaqi min 2akhbaar..

al maddo feeka totheeroho fee rahhbatan..

wal jazzro feeka tabothoho bi wiqaar.. : )

Whisper: i7saasik sa7 the majority part of the year.

Inshallah you had a great day.

 

حلو الواحد يستمتع بالأشياء البسيطة و العادية اللي بتصير حوالينا تقريبا كل يوم .. يحول روتين هالحياة لمتعة! رائع جدا!!

"تيارات بحرية.. ممنوع السباحة"
يعني فش حد الا انا والبحر!! و الشعور لا يوصف!! خاصة مع أغاني ديمس روسس!!

 

Khalid-O

ya salaaaaaaaaam...jameeel jeddan

you have to open ur own blog 2akeed ra7 tkoon betjannen :D

Allah ye3enak :)

you too have a wonderful day :D

Ahmad

اهلا وسهلا فيك :)

يا سلااااااااااام
انا اساسا ما بشوف البحر الا فورا بتخطري اغنيه
faraway :)

 

y33333niiiiiii yeslam keyboardek!!

ana jad ba7eb kteeer had el sho3oor bs ma 3omro eja 3abali ashabho be "qobolat el shams" :-D

o belmunasabeh, zakkartini b2o3'neyet m7ammad muneer tb3et el bababy (7ala2atak bergalatak), la2anno be7ki feeha (gatna el shams o talba tbusak... 5eglet men dayye ebtesamatak) :-)

P.S: el 2o3'neyeh men album "al malek huwa al malek" iza 3abalek tdawri 3aleeha :-p

 

Naryat

LOOL ana b7es elshams betwad3nee 2abel ma te5tafee :)

shokran 3al song
hayny b3melelha download :D

 

thats so sweet whisper :)
i am really interested !! maybe this is the first time i enter ur blog but i really liked it i hope we'll always see this amazing stuff :)
ya3teekom el 3afyeh

farah :)

 

Farah

Welcome Farah, I'm really happy with your visit, u and Yazid :D

thanks for the sweet compliment :")
allah y3afeeke ya rab

 

هنالك الكثير من التفاصيل الصغيرة في حياتنا تعني لنا الكثير
وقد تكون لنا أهم بكثير مما يظن الناس

أنا مثلا أحب أن أتمشى تحت المطر لدرجة الجنون وأسميها قبلات المطر عندما تداعب خدي
أعشق رائحة زيت الزيتون البكر لأنها تذكرني بفلسطين
أعشق رؤية ضحكات الأطفال و أعشق سماع كلماتهم الطفولية
أعشق الجلوس على البحر عند الفجر أو الغروب
أمنية حياتي أن أعيش أو على الأقل أن أقضي إجازة في كوخ على شط البحر بعيدا عن أي تكنولوجيا أو تطور

الله يسامحك يا ويسبر فتحتي علينا أمنيات الزمن والحياة اليومية بينسينا أياها

 

سراج الماضي

جميل جدا المشي تحت المطر :)

انا كتير بحب ريحه الزيتون اللي بكون معصور جديد
وهلأ صرت احبه اكتر لانه ارتبط برائحه فلسطين

عجزر القمر مثلا؟؟؟
انا نفسي اروح على جزر القمر :)
من احلى الاجازات اللي قضيتها كانت بالعقبه, كان اخوي يشتغل هناك ورحنا زرناه وكنت اول ما اصحى افتح عيوني يكون البحر قدامي
جد شعور بجنن :)

كتير مهم تضلها ببالك علشان ان شاء الله بيوم تتحقق كلها