Things I Like To Whisper About

Would You Hear Me Whispering

شو بتعملي؟؟؟





اذا صدفت انكم كنتو بشارع مكه اليوم عالساعه 2 و شفتو سياره واقفه بنص الشارع قريب من جريده الغد فاااااااااااااا هاي سيارتي :)

كان عندي شغل برّه خلصتو وهربت عالبيت :), عادي ماشيه لا الي ولا علي, فجأه كل ما اضغط بريك و بعدين اضغط بنزين تصير السياره ترجرج. حكيت شكله السياره بارده و استبعدت انو يكون جاي عليها مي من تحت لاني ما مريت ولا على بركه, عاساس ان في شارع واحد بالاردن ما فيه برك مي :$

حكيت لحالي بوقف على جنب و بضغط بنزين بركي سخنت السياره وراح اي تأثير مي او برد, لكن الرجرجه صارت تزيد, انا اساسا كنت قريبه عالبيت, توكلت على الله ومشيت وما وصلت الشارع الرئيسي الا الاخت رج رج رج وطفت, يهديكي يرضيكي ابدا, ولا رضيت تشتغل, شغلت الفلشر وحاولت اشغلها ابدا, وطبعا على حظي المنيح الشارع قلب اتوستراد الزرقا وسيارات من كل مكان تنبع وهات يا تزمير, في سيارات يلزقو بسيارتي وهمه شايفينها واقفه والفلشر شغّال ويصيرو يزمرو , طيب وين اروح؟؟ ال يأشرولي امشي لقدام شوي, طيب يختي لو بتمشي لقدام ليش واقفه انا؟؟ ويلا هيك حبيت اجرب اوقف فجأه

احلى شي في شب بسياره مشيت من جنبي بصرخ وبحكيلي شو بتعملي!!
بالله عليك؟؟؟ شو بعمل فكرك...عاساس اني انا هيك فجأه خطرلي اوقف اتشمس بنص الشارع, او اتشتتى بما انها كانت تشتي..
شو اللي شو بتعملي...مفكرني الاخ زي الاخت اللي بالصوره فايقه و رايقه
اي انا اكلت برد ليوم البرد :( خليني ساكته


المهم قررت اني ادحّل السياره - حلو ادحّل صح, حسيت حالي شوفيره :) - حطيت نيوترال و دحلتها لقدرت اصف عاليمين بصعوبه بالغه طبعا لان في دخله شارع فرعي برضه كل الاردن فجأه صارت تمر منها ,و اتصلت في بابا المسكين اللي اجا و بعرفش شو عمللي فيها اشتغلت و بكره بدو يوديها اخوي عند الميكانيكي.

فاااااااااااا الحمد لله على سلامتي :)

شكرا خالد على الاغنيه :)



19 التعليقات :

Very witty .. jadd : ))))). damha khafeef kteer hal sayyarah ili mish 3am btimshee.

t3eeshi o takli ghairha o toktobelna 3annha o_0 .

Al7amdillah 3ala slamtik : ) http://1.6arab.com/fairooz..ha-al-sayara.rm?rpcontexturl=http://www.6arab.com

 

الحمدلله على سلامتك, بسيطة حصل خير

 

شو بتعملي؟

:-p

انسي كل اشي بالموضوع و تزكري اني رح استلمك فيها هاي
لوووووووووووووول

واحد مرة بالشغل حكالنا عن شرطي وقفو بمقص و هو بالطريق للغور، فبيسأله: "وين رايح؟"... طبعاً زميلنا ابتسم من قلبو على اساس انو السؤال ممكن يعني يكون الو اكتر من جواب :-)

فاااا بتقدري تحكي اني انا بسلم عليكي و بسألك:

شو كنتي تعملي اليوم لما كنتي صافة بنص الشارع جمب جريدة الغد؟

 

Khalid-O

kteeeer 5afeef :$
LOOOL inshallah bs like this time
ma ykoon fe 5asa2er :D

Thanks 3al song...I added it to the post :)

Ahmad Hamdan

الله يسلمك يا رب
الحمد لله كانت بسيطه :)

Naryat

ههههههههه ولا يهمك
ما في اشطر مني بذكر تفاصيل التفاصيل :)

هاد يا ستي وانا بسوق ومنسجمه, لمحت حالي بالمرايه اللي حاطيتها على وجهي مش عالسيارات اللي وراي, لقيت الحجاب زايح من مكانه...اووو لاا لااااا ياااي شو عيب
فوقفت ازبطه :)
تخيلي وحده تعملها...O_o

 

الحمد لله على السلامة ... والله أنا دايماً بشارع مكة لو بنعرف أنه حد من جماعة البلوقررس بواجه مشكلة كان على طول قدمنا المساعدة :) .

 

مرحبا همسه كيفك والله الك وحشه ولموضوعاتك الشيقه :)

صارت معي ظروف الفتره الاخيره ولازالت والله منعتني من قراه والتعليق على الموضيع الشيقه الي طرحتيها الفتره الاخيره

ابتعرفي ماشالله عليكي عندك قدره على وصف الامور بشكل فظيع حسيه حالي كاني كنت بالحدث ضحكتيني على هادا الي سالك ايش بتعملي ههههههه عن جد ضحكه شكلوا التاني كاين مزوغ من الشغل ورايح على البيت هههه لانو ما بسال هالسؤال الا الي بكون عامل عمله هههه :p

المهم انو انتي بخير وكلو بهون ديري بالك على حالك:)

 

When I read the title of the post I smiled because i always have an answer for that..

Inshalla ma tin7a6e b hada il mawkef kaman marra, but the next time you get into such situation, and some wise guy screams at you at you asking : "shu bti3male??" do as i always do, yell back at him and say

"bal3ab golf" or " bazra3 dura"!!!

they will say that you are insane, but at least no one will ask you that question again :)

 

hehehehe sho bte3mali!! loool
that was funny hehehe!
2oleelo bal3ab hehehehehe

Yazid

 

Ibrahim

الله يسلمك :)
له له له, لو بعرف كان وقفت وصرت انادي ...تخيل O_o
اذا وانا بالسياره زفّوني كيف اذا وقفت انادي ابصر شو يعملو :)

Jarat

وانت كمان يا قمره, اشتقناك كتييير :)
خير ان شاء الله
ان شاء الله يكون كل شي زي ما بدك واحسن

شفتي, كأنه عقاب لاني هربت من الشغل :$
هههههههه فكرك هيك,ابصر من شو ولشو مستعجل
وانت كمان و طمنينا عنّك دايما

 

Ala' JA

LOOOL love ur answers , 2eza la sama7 allah sar halmwqef marra tanyeh I may use them :D

Yazid

lamma 7akalee heak ana sort 2ad7akLOOOL :D
yemken had 2elly 3assabo bezyadeh :)

 

miss ya kteeer anty w your blog ma kan 3ndy w2t 76 comments cuz al-exams db7tni :@ ,, w mama mnbha 3li ma a3d 3la al-computer kteer,, bs 6b3na ana ma brd =P ....loooolz ,, ana lw mkank b7ki ll-shb: 3m bt2ml jmalk al-6bi3i,, X-) allh y3ink ,, mra sart fini ana w abn 5alti ,, bs a7na w2ft al-siara fina mra w7deh ,, w aja 7da 5b6na mn wara =S yomha aklt 5ofeh msh 6bi3ih ,, al-7mdll-h 3la slamtk ya bata..

 

الحمدلله على السلامة

 

أنا أنصح باستخدام دراجة نارية من نوع فيسبا
فهي ناجحة في اوروبا و قعدتها متل قعدة السيارة
بس بصير بدك خوذة و كفوف
و ينصح بنظارات شمسية
و بالتوفيق

 

Jehan
miss u more ya amara :D
allah y3teke el3afyeh ya rab w beltawfee2 bel exams :D

2esma3ee kalam 5alto, as they say " al2om da2eman t3ref " :D
allah ysallem 2albek ya rab

سراج الماضي

الله يسلمك :)

ثائر جبر

والله يا رييييييييييت
بحب هالشغلات انا :)
لكن عنّا للاسف بستغربو اي شي بتعمله البنت
اذا لهلأ بنصدمو باللي بتسوق بيك اب او باص :$

 

You’re welcome HamsaH .. bitttaa2 il marbootah : )

Nseet 2a2olik … ino … kan 3andi sayyarah zai haik 3al zamanaat.. mish bas jabatlee waja3 raas, walaidain o lalat banaat kaman. o la halla2 mish 3ambtishtghilllllLLLLL :D

 

That is soooooooooooo nice!

 

Khaled

LOOOL mesh benatna, any way it's not my real name :D

waga3 2edeen!!! latkoon Lada :$
bent 5alty kanat syart-ha Lada kan 3endha 3adalat men wara swa2et-ha

Amnmar

Welcome Dr.Ammar :D

LOOOL, happy u liked it :)

 

I didn't expect it was your real name ya "HamsaH" nor did I wish it wallahi .. khalas min hassaa3 baseer aqqollish Whisper : D

salmeli 3alaiha la bint khaltik ballah : )