Things I Like To Whisper About

Would You Hear Me Whispering

بكرهوووووو





بعرف ان الكل او اللي بشرفني بمتابعة مدونتي فهم اني بحكي عن مديري
بس هالمره انا بحك عن شي تاني
انا بحكي عن التوقيت الشتوي
يا الله شو بكره التوقيت الشتوي, ما في وقت تعمل اشي, انا انسانه نهاريه مش ليليه, كيف بدي اعيش بحياه بتصير عتمه عال 5 و راح توصل ل 5 الا ؟؟؟

اهلي عندهم موعد الترويحه من اي مشوار هو اذان المغرب, ومش وقت المغرب لا اذان المغرب يعني والدنيا لسا فيها ضو, طيب فهمونا هلأ بهالخمس شهور الجايين كيف بدي الحّق اعمل اشي قبل اذان المغرب :"(

وبما انه بحكي عن الكره مش قادره اقاوم لازم احكي عن مديري العزيز :)

الي فتره عامله زي هدنه مع الاخ, بحاول اكون منيحه و بمشي الاشياء بدون اي تعليق, وحاضر و اوك و هلأ بعمله و كل هالحكي المنيح اللي ما في معارضه ولا مناقشه, وهو ما فيه غير بحكي الله يرضى عليكي, المهم اليوم زي الشاطرين حكيتله ان انا حجزت علشان بدي اسافر على دبي ىب 7-1 يعني بعد شهرين وشوي و بس بدي احطك بالصوره, كشّر و صار يحكيلي انه قانونيا الاجازات مش من حقي و انه هو بس بمشيلي اياها بمزاجه و انه من حقّي اخد يومين بكل شهر وما بصير اخد 19 يوم - اللي بدي اخدهم اجازه - ما بصير اخدهم بنفس الشهر, طبعا انا الشاطره المفروض بعرفه وبعرف اني بس اتعامل معه منيح بتنمرد الاخ, حكيتله الي 5 سنين كل سنه باخد اجازه بهالوقت وما حد بعلّق ليش السنه يعني؟؟؟

اختكم ويسبر خلعت قناع المناحه و رجعت للمود الزنخ اللي بتعامل معه فيه, قعدت خمس دقايق اكر حكي و ختمته بانه انا مسافره يعني مسافره, بحكيلي من هون لوقتها بنشوف شو بصير, حكيتله من هون لوقتها ابصر مين بكون متقاعد - قصدي هو طبعا - او ابصر مين بكون مستقيل, بحكيلي ان شاء الله انا وانت بنستقيل, حكيتله ان شاء الله وانا لافه وجهي وماشيه للباب :(
بكرهووووووووووووووووووووووووووووووو........ هو والتوقيت الشتوي :")

14 التعليقات :

مديرك بدك تتحمليه، اما مشلكة التوقيت صعب تتغير
حالياً على التوقيت الصيفي بداومو الموظفين وبتكون الشمس مش طالعة مزبوط، يعني بتطلب اضاءة في مكان العمل، وبما انه الضو بمصاري، فبالشتاء بغيرو التوقيت لحتى يخففو من الاضاءة قدر المستطاع يعني لحتى الموظفين يدامو بتكون ضو الشمس كافي وما في داعي لإضاءة المكاتب، يعني هالساعة بتوفر ملايين الدنانير ع أصحاب الشركات والدولة
يعني الشغلة شغلة $$$ سواء عجبك الليل ولا النهار :)
بعدين أحسن التوقيت الشتوي، بطلع من البيت والشمس بعدها مش طالعة

 

hehehehe thats typical boss!!
he's like mine :D
bet7eseehom ma be2daro yeb3edo 3nna aw yshoofo 7ada mabsoot lol

its my first time in your blog :)
i like! :D

Yazid

 

هههههه حششت جد

وعلى فكره انا بكره التوقيت الشتوي اكتر منك وبروح بعد الخامسه وعلى قريه فاتخيلي الوضع

وهلأ بكره مديرك معاك تضامنا

يلا كره بكره

 

الله يخلصك منه يا رب بتقاعده
بس التوقيت الشتوي سيف وعلى راس الكل شو بدك تعملي يعني يا انسه نهاريه :)

 

LOOOOOOOOOOOOOOOL
Your manager will break the recored in (Zankhit eldam)
These kind of people always try to push you to the limit.
I hope he will go soon

 

عن جد التوقيت كان بعمان غير شكل
يعني النهار ابدا ما بتحسي فيه بالشتا الله يعينك عليه
و الله يعينا على اللي عنا
مش عارفة قوانين الاجازات عندكم بس بعتقد انو لكل موظف في اجازة سنوية مش يومين بالشهر
خلص اعتزلي و اشتغلي معلمة بصيرلك 3 شهور بالصيف
و اجازة ربيع
و بسالوني ليش اشتغلت بالتدريس :)

 

حسام كراسنه

لا ما بديش اتحملّه :$

انا معك بكل اللي حكيته, لكن هالشي يطبق بالدون الصناعيه الكبيره
اما احنا بالاردن ما اعتقد ان هالساعه راح تفرق مع حد ...
يعني لا انتاجيه ولا توفير ولا شي راح يتغير الا ان المغرب راح يصير يأذن ابكر :(

Yazid

Welcome Yazid, I'm reading ur blog but I don't know why I never add a comment :$

Belzabt, he become angry if he feels that u r enjoying your time working, leash ma b3raf !!

مياسي

عالخمسه يعني عالمغرب و ممكن تصير بعد المغرب..راحت عليكي :)

الله يسعدك يا رب, شكرا عالتضامن لكن هو جد بنكره :$

 

Sozan

امين يا رب,لانه ازا راح كتير بتغير جو شغلي وممكن ارجع احبّه :)

هههههه انا بس كتبت نهاريه حسيت حالي خفّاش ما بعرف ليش مع انه المفروض ليلي :)

سراج الماضي

He already broke it ,w men zamaaaaan kaman, he is moving to the next worst level :$

inshallah or me to find a new job ya rab :D


Jafra

حتى ما بتلحقي تاخديلك قيلوله لانه بكون خلص خلص اليوم :$

القانون ان عندي 30 يوم اجازه و انا حرّه كيف اخدهم المهم بس 30

لااااا يختي انا جربت التدريس فصل و اكتشفت ان التدريس مش حقلي بالمره :$
مع ان العطل مشجعه :)

 

التوقيت الشتوي ما عليه كلام ... انا كمان ما بحبه

لكن مديرك تقيل دم ع الآخر ... لكن حاولي تاخدي الايجابية بالموضوع

انه لو مديرك منيح وما بعملك اشي كان ما في طعمة لحياتك العملية ... المشاكل ملح الحياة

 

Ahmad

يلااا شو بدنا نعمل بدنا نستحمل لاخر 3 ليغيروه مره تانيه :$

مديري بصراحه لا يطاق, ومش انا لحالي اللي بعاني منه...

مهو كتر الملح بخللي الحياه مرّرررررررره :(
زودها كتير بالملح :$

 

حب ما تعمل لتعمل ما تحب

 

Anonymous

اللي زاعجني اني بعشق شغلي, لكن الاداره عنّا فاشله, لو يروح مديري كتير بكون مرتاحه :)

 

انا مرت علي سنة .. اول سنة اغتربت فيها .. منت انام الصبح و أصحى المسا .. أصحى عال 4 وأطلع كم البيت و الناس مروحين .. أزمة حلة الشغل .. أسوأ شعور ممكن الانسان يعيشه ..

خذي نص الاجازة و خلي نص للشتا أكيد بتحتاجي كم يوم منهم

 

امجد

يا الله يعني غربه فوق الغربهى :$
الحمد لله انها صارت ذكرى هديك الايام :)

هاد اللي صار انا ضايللي كم من يوم من السنه فاخدت نصهم لزياره دبي والنص التاني ليجو اخواني عالاردن :)