Things I Like To Whisper About

Would You Hear Me Whispering

بدي حقّي.....





امممممم بدي احاول اتزكر انجاز عظيم عملته علشان اتفشخر فيه
بس بما انه طلع الانجازات ما الها دخل هالايام

فااااا انا اطالب بحقي و حقوقي المدنيه و العسكريه و النفسيه و...

ياااااااااااا بتنتخبوني نائبه
يا بتعطوني جائزه نوبل :)
انتو قررو

اما هيك انا ما راح اضل
موظفه شقيانه وغلبانه ما بدي

ازا بدكم اروح القي كلمات ...بلقي كلمات
ازا بدكم اشجب واستنكر....بشجب وبستنكر
ازا بدكم اوعد وعود كاذبه.....بوعد وعود كاذبه و بشطح فيها كمان, يعني ازا شديتو علي ممكن اوعدكم بان المي ما تنقطع عند اي بيت , اللي واصلتله المي واللي مش واصلتله

ازا بدكم اوزع رواتب وضرايب الشعب لاسرائيل...بوزعها شو وراي انا هي رواتبي :)

اللي بدكم اياه احكوه
بس بدي الجائزه انا
في مكان عالمكتب فاضي و الجائزه بتيجي فيه طقع ومن الاخر

14 التعليقات :

همسة لا هاي ولا هاي راح تزبط معك, بدك تكوني نائبة بدك تكوني مدعومة من فوق واذا بدك تربحي نوبل للسلام بدك تكوني زي سيد اوباما تأمري الناس اللي تحت امرك بقتل البشر باسم الديموقراطية واذا كانو مسلمين فراح تكون فرصتك افضل

 

لوول أقنعتيني والله!!

شو يا كبير؟

 

جد هبل
اول ما شفت الخبر
انه اخص
يعني الزلمة ما صارله زمان
وما عمل اشي اصلا

انداري

 

الي الو حظ لايتعب ولايشقى :(
يعني رائيس امريكا ومش عامل شي واعطوه كمان جائزة

 

ليش نماوية تضلي بالشغل بعد الجائزة ؟
بعدين الك سنان زي سنان اوباما لتفوزي و الا ابتسامته الساحرة
دخليك القصو مو بالانجازات
لا بشغلة تانية
يمكن ما فيكي تعمليها

هيك على اول جائزة بتبيعي مبادئك و توزعي الرواتب على اسرائيل له له اذا ليش عما نلوم غيرنا :)
بعرفك ما بتعمليها
بتنكشي مخ صح ؟

 

زبطت مع أوباما وهو بس بستنكر هههههههه أكيد رح تزبط معنا :p

 

ما حدا احسن من حدا

اوباما مش احسن منك ... مش ناقصك غير هالكم شغلة

 

قرار صادر عن مكتب ثائر الأول حقظه الله
قرار رقم #6456456

قررنا نحن ثائر الأول منح السيدة ويسبر وسام الاستحقاق من الدرجة الأولى و ذلك تقديرا لجهودها العسكرية و انجازاتها في الميدان من أعمالٍ بطولية و مقارعة العدو.

يحال الى الجهات المختصة

القائد الأعلى لمثلث برمودا
ثائر الأول

نسخة للمخابرات-
نسخة لفضيلة المفتي العام-

 

أنا عندي إستعداد أنتخبك
بس بدي رشوة بالأول
:سخبثقش:

 

على راي واحد صاحبي .. اوباما ما عمل اشي من وقت ما استلم غير انه ابتسم قدام الكاميرات

..


و بصراحة الشخص الوحيد اللي بستحقها أكثر من أوباما هو أيهود أولمرت
يمكن السنة الجاية

 

Ahmad

مدعومين من رب العالمين والحمد لله :)

هو حتى هاي لسا ما عملها ولا طلع منه قرار واحد..كله كلام بكلام و وعود بالهوا :)

مياسي

كيف بس, انا برضه بحس عندي قدرات اقناعيه :)

الكبير كبير و النص نص نص
( يا الله شو كنت اكره هالممثل بس يحكي هيك )

LUNAR

ما عمل اشي بالمره!! الله يسامحك وكل هالوعود اللي بالحمله الانتخابيه اللي ما نفذ منها اشي

جد احنا شعب اكّال نكّار :$

 

قط البكتريا

انا بعرفها اللي ما الو حظ لا يتعب ولا يشقى لكن بتزبط زي ما حكيتعها برضه :)

يا الله الحقد الطبقي اللي عند الناس, بستاهلها يا جماعه, ليش ما بعرف بس بستاهلها :)

Jafra

اكيد علشان اقهر باقي الموظفين , قصدي علشان افيد بخبراتي السلميه المراجعين :)

له له له يا صديقتي , عندك شك بمصداقيتي و بمبادئي ّ!!!
هههههه اكيييييد بنكش مخ
اشي بقهر بصراحه :(

Anonymous

فكرك بتزبط؟؟؟
هي الهم 100 سنه بستنكرو و لساتهم بياكلو على راسهم :$

 

Ahmad

والله زماااااااااان :)

فشرت عينه طبعا مش احسن مني
ولاني منيحه راح اكون انا العاقله و امشيلهم اياها هالمره :)
هالكم شغله اللي عنده وخلته ياخد الجائزه ما بدي اياهم :$

ثائر جبر

يحيا العدل...يحيا العدل
-معلش انسجمت وحسيت حالي بفيلم ليله القبض على فاطمه :)-

اهم نسخه لفضيله المفتي العام :)
اما النسخه التانيه حاسستها ملغومه و في من وراها مشوار لورا الشمس ....احم احم

الله يخليلنا معاليك ومعاليهم يا رب

 

sfo

له له له الله يسامحك شو رشوه ما رشوه انا وجه هيك شغلات

الا اذا انا كنت متداينه منك مبلغ انت بتحدده و بتطلب مني ارجعه,فهااااد حقك ما في كلام :)

::وجه بغمز انه بعدين
بنتفاهم::

Amjad


سلامات سلامات, الحمد لله على السلامه :)

هو بصراحه انا راقبت ضحكته لاولمرت وبيني وبينك ما كانت من قلبه مبين عليه مش من قلبه

و بعدين ممكن تزكر اللي اخدوها من قبل من اصدقائه شو صار معهم فحكا لا يابا بديش هالجائزه ويا روح ما بعدك روح :)