Things I Like To Whisper About

Would You Hear Me Whispering

لخبطات



**
ليش العالم ما بتستوعب اني انا بس اشتغل بشركه, فانا موظفه بهالشركه مش مدير عام الشركه, بيجو عندي و بتوقعو اني راح امشيهلهم معاملاتهم واذا ما مشيت اذا انا مقصره بحقهم...

**
و بما اني مبرمجه اذا انا كمبيوترجيه - او كمبوطرجيه في مقوله اخرى - و بفهم باي شي بخص الكمبيوتر من صيانه من قطع من تصليح من برمجه بكل لغات البرمجه ومن جميعو....


**
اكره اشي عندي ادخل بحوار مع اشخاص الحوار معهم عقيم و خصوصي اللي بنص الحكي بتحكيلي " تسك تسك ستك مش صحيح اللي بتحكيه" كتير بتنرفزني هالحركه, وبرضه بكره اللي صوتهم عالي بالحوار لان انا طبيعتي صوتي مش عالي و بس يبلش يعلى بصير حاد و رفيع يعني اشي مخزي ...


**
المفروض بس انسان ياخد قرار بحياته انه يلتزم فيه و ما يتراجع لو مهما حس بالذنب ومهما انقهر من جوا ومهما أرقه الموضوع, وخصوصا بس يعرف ان الاطراف التانيه مش ماخده قراره بجدّيه و متأكدين من تراجعه عنها......اذا ما فهمتو اشي عادي لان هالكلام لنفسي بوجهه :$

**
ابن صاحبتي الي عمره 5 سنوات طلب منها تشتريله لعبه من وجهه نظرها انها خطره ومش مناسبه لعمره , فحكتله لأ و بعد الحاح كبير حكتله, بكره ان شاء الله بالجنه بتطلب من ربنا يعطيك اياها و بيعطيك اياها, انبسط واقتنع و وافق,غاب نص ساعه ورجع بحكيلها وهو معصب " ماما , انا بس اروح عالجنه راح اكون حج كبير كيف بدي العب؟؟؟" بعدين بحكيلها "هلأ بصير اطلب من ربنا ارجع صغير والعب باللعبه؟؟" حكتله اه انبسط وكمّل لعب


**
بنت صاحبتي اللي عمرها 4 سنوات بتسألها ماما بصير اتزوج حمزه؟؟؟ - حمزه هاد اخوها اللي لسا ما اجا
حكتلها لأ ماما ما بصير الوحده تتزوج اخوها
سألتها طيب بصير اتزوج بابا, حكتلها لأ ماما ما بصير الوحده تتزوج ابوها
انقهرت البنت و حكت ....طيب انا هلأ مين بدي اتزوج؟؟؟؟



معلش اليوم الاحد اول يوم بالاسبوع واطول يوم بالتاريخ ...فا انا بكره هاليوم من كل قلبي :(

14 التعليقات :

فعلا الاطفال عندهم افكار عجيبة بس كتير حلوة وبتضحك، الله يحميهم، بالنسبة ليوم الاحد، زكرتيني بزوجي، بيروح غصب عن عالشغل يوم الاحد وكل اسبوع بيعيدلي نفس الجملة، بكره يوم الاحد

 

looooool!!!

That was really funny and true!

 

الله ايعين والله الواحد في ايام بتمر عليه بكون مدايق من شغله بتطلع نرفوزتو على شغلات كتيره بعدين تعالي هان انتي ليش مكبرا الموضوع الي بغلبك ارفعيلو حاجبك وقوليلو ولك اطلع برا قبل ما اطلبلك الشرطه مهوا بفكرك مديره اقلبي عليه الدور ومشي الموضوع ناس ما بتيجي الا بالعين الحمرا
8o1
عن جد اموره البنوته زكرتني بحالي وانا صغيره بس انا يومها اتبهدله ما حد جاوبني اذا بصير او ما بصير بس بتزكر اني اتبهدله
:-#
طيب يا كمبيوطرجيه انتي انا بدي مساعدتك بشغله بدي انزل بوست ملحق بشريط فيديو من اليوتيوب بالمدونه تبعتي بس مش عارفه كيف انزلوا حاوله كتير بس والله مااعرفه
انشالله بكرا والايام الجايه اتكون خير عليكي وعلى جميع الناس :)
شكرا الك

 

LOL , you never fail to make your posts so special :D

 

ههههههه
البنت من هلا بدور على عريس
عن جد ضحكتيني
و يوم الاحد عليه اجماع بالملل و الكره
المهم بالنسبة للقرارات اللي اخدتي فيها قرار خلص اتبعي طريقتي و ما تفكري كتير
انا على طول اذا اكتشفت اني غلطانة ما بندم ببفكر بطريقة جديدة و باخد قرار تعديلي و سهلة اكتر من انك تندمي

بالمدرسة عنا اولياء الامور اللي هم اهالي الطلاب اللي هم محملينا جميلة على دفع الاقساط كانهم بدفعوها للجنة خيرية مو مدرسة بفكروا كل مدرسة مديرة لاززم تحل كل الامور و اذا ما قدرت بدو فلوسوا ترجعلوا

كتير بحكي عن جد كتير

 

عجبتني بنت صاحبتك, مين هلأ بدها تتزوج, احكولها بدري يا اختي على هالموضوع. اما بالنسبة لاول شي , نسبة كبيرة عنا من الشعب ما بتستحي وما بتفكر شو باللي بدها تحكي و بتفكر بس واحد يمسك شغل معناها انو هو صاحب هالشغل. الله بعين

 

Jasmina

امين يا رب, بغيرو النفسيه الاطفال وحركاتهم وتفكيرهم
الله لا يحرم حد منهم :)

يوم الاحد مكروه من الجميع شكله :)

XTR

Unfortunately so true :S

Welcome to my blog :D


Jarat

ههههههههههه فكرك هيك بمشي الحال...خلص راح اجربها هالطريقه :)

هالجيل اجرأ منا بكتيييييييييير الله يعينا و يعينه عاللي جاي :)

اهااا وصلتي انا اللي راح ادلك

هاد يا ستي في جنب الفيديو باليو تيوب محطوط عاليمين تحت اسم مين اللي ضاف الفيديو في
URL
وتحتها في كود بعنوان
Embed
هاد الكود انسخيه و حطيه مكان ما بدك تضيفي الفيديو
و بصير الفيديو عندك :)
جربيها و ازا في استفسار تاني انا جاهزه ان شاء الله

 

Anonymous

What a sweet compliment ::Shy face::

you are always welcomed in my blog :D


Jafra

شفتي, بتحكيلي امها هاي عالسابع بدي ازوجها قبل ما تعمللنا مشاكل ههههههههه

طبعا , اول يوم دوام طبيعي ينكره :$

المفروض القرار يريحني, وانا متأكده انه راح يريحني, بس لهلأ مش مرتاحه :"(
بالعكس في مشاعر غريبه دخلت عالموضوع وكلها ابعد ما تكون عن الراحه :(
بفكر اصبر شوي واعطيها فرصه :|

الله يعينكم انتو المدرسات, بعرفهم الاهل بس يقززوكم الي بنات خاتي مدرسات ودايما بحكولي قصص

احكي...احكي
بحب تعليقاتك انا فما بالك بس يكون طويل :)

 

Ahmad

اهلا اهلا بالموظف الجديد :)

مش فاهمه الحياه صح لسا, ملحقه خليها تحلم بكره بتنصدم :)

جد وبفكر حاله اول واحد واخر واحد راح يجيلك وما في وراك شغل غيره :$
الله بعين

 
أزال المؤلف هذا التعليق.
 

شكرا همسه :)

حاسه حالي زكيه كتير لاني اعرفه اوصل للشرح بالعاده لازم اغلب الي بشرحلي بالزات عن الكومبيوطرات انا ابعيدن عنك صفر على الشمال في الاجهزه الالكترونيه :P

انشالله بنزل بوست اجديد قريبا وبخبرك عشان تيجي عندي
:)

 

هلا انا فاهمة انك معصبة ..بس مش عارفة ليش ضحكتيني والله :D
بس بدي اقلك عن موضوع الكمبيوتر .. انا متلك دارسة حاسوب بس وحياة الله يا جماعة ما بفهم بكل قصص الكمبيوتر .. لكن غالبا لما تقولي هيك بعتبروكي فاشلة !!
و شو لفت انتباهي هالكلام
" المفروض بس انسان ياخد قرار بحياته انه يلتزم فيه و ما يتراجع "
مو قلنا هالحكي قبل :(
انا هالكلام عن تجربة صدقته

بس كمان روقي يا قمر .. وصح يوم الاحد طويل :D

 

فعلا ويسبر الكل بفكر إنك درست برمجة إذا أنت عامل صيانة وحلال مشاكل الكمبيوتر.
وإذا حاولت تشرحي موقفك بيعتبروك "ما بتفهمي" أو دراستك أي كلام.

 

الاخ هيثم جبر

مش عارفه كيف اختفى تعليقك بس شكله انت حاذفه مع ان تحليلاتك كتير عجبتني وكنت حابه ارد على كل واحد منهم
عكلن
اهلا وسهلا فيك دائما :)


Jarat

العفو يا قمر
ان شاء الله يكون الشرح واضح
و بنستنى البوست الجديد عن قريب :)

همسة

كتير بكره المود الكئيب انا علشان هيك كنت احاول اطلع حالي من هالمود وما اخلي اللي بقرأ يكتئب برضه :)

الله يعينا احنا الكمبوطرجيه شو بدنا نعمل :)

بتعرفي...رجعت اقرأ شو علقت عندك على هالموضوع

و معي و معك حق
اكيد في سبب مقنع لاي قرار و المهم نستمر وما نوقف مكانا :)

خلص الاحد و بكره وبعده مجازه فكتييييييييير روقان الوضع :)

Rana

للاسف وما بقتنعو انك ما بتعرفي كل اشي :(


و بس تحكيلهم ما بعرف, بحكولك مش لو انك اخدتي دوره كمبيوتر 3 شهور احسن من دراسه اربع سنين عالفاضي :"(