Things I Like To Whisper About

Would You Hear Me Whispering

الى متى هذه الظواهر !!!!



ما بعرف اذا في بنات تانيين بعانو من هالموضوع ويلا بس انا والبنات اللي بعرفهم

بتكوني ماشيه بالمول او بالسوق , ما شاء الله عليكي لبسك محتشم وكامل ,فجأه بتلاقي ست ماشيه هي و زوجها و زوجها من اللي عينهم زايغه وبتطلع عالبنات اللي رايحين وجايين, بتقوم مرته بتصير تجحر بالبنات كأنه زنبهم انهم طلعو من بيوتهم وعاشو حياتهم عادي, مش المشكله بزوجها, و كأنه لازم ازا الاخت طلعت مع زوجها باقي البنات يضلو مضبوبين بيوتهم لحتى تخلص مشوارها هي و المحروس, مش انه هو اللي مش معبي عينه حد ولا حتى مخترم هالست اللي متزوجها


اشي تاني برضه بتكوني ماشيه بمول او طالعتلك طلعه وماشيه بادبك واحترامك و ما شاء الله عليكي, بيجي اخ مع مرته المنقبه او اللي لابسه خمار, و برضه بصير يتطلع عليك, انه الاخ عامل اللي عليه ومراعي حرمته و مخبيها وساتر عليها اما انت بما انك بس لابسه حجاب -طبعا هاد من وجهه نظره - فانت مش مراعيه حرمه نفسك وهاد بيعطيه الحق انه يصير يتطلع عليكي ويلحقك بنظراته وين ما رحتي, وبنسى تماما ان في اشي بالدين اسمه غض البصر!!!!

هاد كله غير موضه الجحر اللي ماشيه عنا, بتكوني ماشيه وعين الله عليكي فجأه بتيجي قدامك وحده بتطلع عليكي من فوق لتحت و بترفعلك حاجب كأنه بدها تطاوشك و بتلفي وجهك انه خلي العقل مني, بترجعي تطلعي بتلاقيها بنفس البوز و نفس الوقفه ونفس الجحره, بتطلعي عليها انها تفهم انك شايفتيها وانها تكسر عينها لكن ابدا, كل العالم ماشيه وطالعه بس علشان تبحلق وتجحر بالعالم, انا طالعه انبسط اغير جو, الكل بس براقب تصرفات الناس , بتلاقيهم قاعدين على طاوله ياكلو , ولا كلمه بحكو مع بعض و بس بتصفنو بوجه العالم

27 التعليقات :

lool
انا ضحكت ;p

انا كل ما اتزكر هادي الي زوجها كاين يطلع على البنات وهي تجحر في البنات كانو زنبهم اضحك بتعرفي لا سمح الله جوزي بدو يعمل هيك بتعرفي ايش بعمل بروح بضرب البنات بعدين بضرب جوزي وبعدين برجع على البيت اتفرج على التلفزيون هههه :D

على فكره انا بحب اتفرج كتير على الناس او ايا
اشي بتحرك ممكن اضل اتامل بشجره طول اليوم من غير ما ازهق بس لازم ورقها يتحرك ممكن اتفرج على حركه السيارات على موج البحر ايا اشي بس المهم يتحرك بس المشكله انو لمن اطلع على الناس اغلب الاوقات
بنفهم غلط وساعات بسرح من غير قصد بصير اطلع على اشي معين واضحك او اكشر بس عن جد ما بكون حاسه على حالي ومن تحت راس هالاشي صار معي مواقف اكتير بضحك وبتفضح

قبل فتره اكتير بسيطه كنت رايحه على جامعتي بالقطار وانا بالقطار كانت في وحده قاعده قبالي ما بعرفها المهم بعد نص ساعه ما بفطن الا البنت بتحكي معي بتحكيلي انتي بتعرفيني كانت معصبه كتيييييير انا بحكيلها مش متزكره الا بتحكيلي ليش بتطلعي علي وبتضحكي بحكيلها انا بعتزر بس ما انتبهه المهم ما سدقه متى اوصل واهرب
على جامعتي اكويس ما طلبتلي الشرطه

كان طلعه خريجه حبوس :D

 

بتعرفي الغريب انك لهلا بتسالي ؟
صارت هاي موضة قصة التطليعات او الجحر
انت كبري عقلك
يعني هيك عالم انا بعتبرها مريضة نفسية و ما الها شغلة وو لا مشغلة بكرا بوعوا
يمكن ؟؟؟؟

 

والله خيتي هاي الظاهرة موجودة عند نسة منيحة من البنات كمان

والله أكثر من مرة تصير معي , انه وحدة متجوزة وماشية مع جوزها وايدها بايده
وبتكون تتطلع بكل وقاحة
انا بحتقرها , بس بحتقر اللوح اللي جنبها أكثر
الله يجيرنا بس

 

aktar eshee bez3ejnee elle beekon ma3 maratoo w betalla3 bebanat el 3alam :S jadd betseer bed-ha todrobek entee :S walla beser el wa7ad yshokk be7aloo enno ma 3melet eshee :S loool

ma3lesh hassa el 2enqelab el shatawee lool ennas btenhabel shway w ba3deen berja3oo beseroo mnee7 :D

 

خايفة على اسدها انو يهرب منها ... بتعرفي حتي مرات بتكون الواحده ماشية مع زوجها وبتجحر بالشباب
بتكوني متحفزة زي الضبع عشان ما يهرب منها
ناس كتيير ياويسبر بوخد اجزاء من الدين وبتركو الباقي فا بتبين تصرفاتهم مشوهه

 

بصير أجحر بدل ما أعلق ؟
:DDDDDDD

 

ما هو النظره الاولى مش محسوبه عليهم لهيك بيضل جح لحد ما تطلع عينه
اللي ما بيقدر على الحمار بيتشاطر على البردعه هي مش عارفه تضب زوجها فبتفلحن على البنات والله انا لو اعرف انه المحترم تبعي بيطلع على حدا لاخزق عينيه البنت شو دخلها العيب من ابو عين بدها قلع
بعدين بالنسبه للمنقبات وزيجانهم ما هو المشكله الفهم الغلط انه الانسان اللي ما بيتبع الفكر تبعهم بيصير كافر او فاسق وليهك من حقه يعمل اللي بده اياه لانه من وجهة نظرهم وهاد المعظم انه حلال لانها مش مسلمه
شو تعملي غير انك طنشي

 

>.<
Kol elli bte7kih mazboot!
Belzat hai 2osset elli bekun mlabes marto niqab o mlaze2ha jmbo o mashi bet2ammal be banat el 3alam!

Hadol el 5ale2 lawenhom be3tebru el nazra 2eshi 3adi o baree2 o jozo2 men el tawasol el 2ensai el tabi3i, o ma bya3tuha akbar men 7ajemha, o nazret-hom men el noo3 elli beji bwejeh el wa7ad 3afwan, o bteeji belwejeh mesh ma7allat tanyeh, el wa7ad ma be7ki 2eshi...
bs t5ayyalai hada abu niqab law marto wa2afat teshrab mai -masalan- o raf3at niqabha, o wa7ad shaf-ha BEL3'ALAT, shu besawi feeh? o shu be7ki 3anno? o beshu byettahmo?

O hadol el bej7aru sert attabe3 m3hom 2uslub 'daweni bellati kanat heya alda2o' loooool

Ana daaaaariiiiiiiii...

Allah be3een...

 

Jarat

شو زنبهم البنات, كل الحق عليه هو, اغتاليه و اتغدي و روحي احضري تلفزيون :)

لاااااااااااا لا تقولي انت منهم؟؟؟
انا بحب اتطلع عالجمادات اللي بتتحرك, بس البني ادمين بحاول اتحاشاهم :$

بس اعتقد ببين النظره شو معناها, يعني بالغلط ببين تعبير وجهك عادي لكن الجحره ورفعت الحاجب ازا انت مش طايقتيني شخصيا :)
يلاا الحمد لله مشيت على خير


بتروحي عالجامعه بالقطار؟؟؟ يااااااي نيالك بحب القطارات انا
انت وين مقيمه بالزبط؟؟؟

Jafra

انا متوقعه ان الكل بعاني من هالموضوع بس يمكن بدرجات مختلفه
هو هيك احسن اشي الا لما يزودوها وخصوصا بالمول مرات بدخلو معك بكل محل و بتلاقيهم بكل طابق, الموضوع استنصاد بكون :)

يوعوا ؟؟؟ والله يختي يا جفرا الموضوع فيه شك :(

 

LUNAR

كمان عند البنات, مش خبريه :$
بتستاهل انه الواحد يحتقرها بصراحه
التنين الوح من بعض شكلهم :$

SimSim

jad ban2aher menoo w men habalha w rodood 2af3alha :(

inshallah tkoon fatra w btemshee :$

قط البكتريا

والله هيك اسد - مع انو اشك انو اسد - ما بدها اياه من اساسه

للاسف معك حق و برضه في ناس ضعاف نفوس وضعاف دين بعممو تصرفات هيك اشخاص على كل المتدينين :$

 

NasEr

بعد هالضحكه العرييييييييييضه
بطلعلك تجحر قد ما بدك :)

Sozan

هيك المفروض, هو اللي بدو تتفلحن عليه :(
للاسف في مجموعه كبيره هيك
والمشكله بعرفو انه حرام يكفرو اي شخص مهما عمل

Naryat

elmoshkeleh 2eno bekoon meqtane3 2enno 7a22o ye6alla3 la2eno 2ente mesh m3'a6yeh 7alek :$

ana bkrah elly be6abeq gozo2 men eldeen w bensa elba2ee ...3ala magazoh :)

LOOOOL bardo tare2aa :D
allah ye3enna kulna

 

dont you love Amman!! :P

I still have that dream, that I can walk in Amman. Simply walk.

The other day I went for a walk with a female friend, oo ya salam!!! I thanked god, that I am not a girl, also, I thanked god that I am not the kind of the person that 'bi3alleq 3al ray7a wil jay'.

what can you say beside, allah yehdeehom!!

 

Yama w yama..and i faced it mostly in uni..
Enon I seriously dont get people who stare 3al ray7a wel jayeh.. Ya3ni I understand the first look - cuz u have to see who's coming in ur way , bs the second look is what I dont get , enno why the hell are you starin???? wel mushkeleh betla2eha benet!! zay ma 7keti btetalla3 feki mn fo2 la ta7et w ka2eno beni w benha tar..
Amman mawdo3 el zlam elli bettala3o 3ala banat fa hada eshi i won't comment on...Men stay men !

 

ee y2ta3oun be hl 3adi, 3shan hek ma bro7 3la amakn 3arabyh hon la2no zat el eslob .btro7i mtr7 betrko kol el banat el mzalateen :D w byblshu b7la2a :S bs ana hon yli brf3 7ajbi w bj7ar :D
l2n iza bebtesem kal 3adi btroo7 3alaee w btseer sm3ti ben el rejlen KKKK. Allah y'7zehoun

wala yhmek yali byj7arek ij7are :D

 

i know !!! lisa hadeek el-mara kona ni7ki 3n hay el-2usas , ino adeesh el-banat morada ...
ino w inti malik fyee w f-libsi ana heik mabsoota !!!
SICK PPL

 

طيب نسيتي تحكي عن الشباب او الزلم اللي عينك بتيجي عليهم بالغلط او بالصدفه وبيضلو قارفينك طول مشوار الباص او التمشايه انك بتزبطيهم!!! اشي بيعل جد!!

 

يعني العزابين عادي يتطلعوا
:)

الواحد مش غلط يتطلع عالناس .. ولا الناس يتطلعوا عليه
.. بس ضمن الحدود .. وبعيد عن الجحر و النظرات اللي زي الي بكون بنقي بندورة ..

 

هذا ظلم و افتراء على الرجال , فهذا غبن واضح لنظرات الرجل البريئة و التي تعبر عن طلب اللجوء السياسي من الحكومة الدكتاتورية اللي ماشية جنبه...

 

Ala' JA

kteeeeeeeeeer :D

u don't know maybe some day our dream will come true :$

3lashan te3raf el wade3 belzabt :(
Ameen ya rab

Citizen N~

LOOOL kteer sa7 !!

even the first look, elmafrood for seconds mesh sa3aa :$
3alam mesh 6ay2a 7alha,6ab leash te6la3oo men elbait ??
LOOOL

Welcome to my blog....nawrteneee :D


Jumana

LOOOL 2aywa heak beddy 2yake ...2ej7arehom :D

jad allah y5zehom 3ala hal3adeh :$

w heak ra7 yseer wala yehemmek :D

 

ĐàŋdŎöŅёH

y3nee elkull be3anee men halmawdoo3 :(
hy law dallat mrakzeh m3 zogha 2aw be7alha bekoon 2a7san :D

مياسي

اهلا اهلا يا قمر
زمان هالقمر ما بان :)

يا الله هاي لسا مشكله تانيه
هاتي يفهمو انه بالغلط :$
جد هاي ظاهره موجوده وكتير

 

Amjad

اه هدول معلش..مسامحين :)

النظرات العاديه اللي ما بتحسسك انك مراقب اللي بتكون بالغلط و لثواني و بتمشي وما بتتكرر بطريقه قززان هاي مش
غلط
-------------------
طولت علينا....بدنا بوست جديد :)

ثائر جبر

ههههههههههههه جد ضحكتني

مهو اللي اختارها و ورط حاله معها فلازم يتحمل مسؤوليه قراراته :)
خلص راحت عليه
اهلا وسهلا فيك في مدونتي المتواضعه :)

 

loooooooooooooooooooooool!
wallah i don't blame these women, I blame you and your friends!! Why not to tell her the truth?? tell here eno zojek fardet 7afayeh simply. you could?

 

OMG Mohammad that is soooo funny LOOOOL
it's a good point of view :D

 

بتعرفي ويسبر شو المشكلة..
بظن إنه زي ما إحنا ممكن نقول: ليش عم يطلع أو بتطلع علي؟
يمكن الطرف المقابل برضه بيقول بينه وبين حاله: ليش هاي عم تطلع أو عم تجحر؟
فالأحسن إنو الواحد لو راح أي مكان ما يطلع عالناس اللي حواليه، حتى لو حس إنه حدا بطلع عليه:)
شكرا إلك

 

Rana

في ناس هيك ما بنكر

لكن في ناس انا مش منتبهتلهم و بتيجي عيني بعينهم و بلاقيهم بجحرو بلف وجهي لكن بضل حاسه حالي مراقبه بعد فتره بتطلع بلاقيهم لسا بجحرو :$

 

ههههههه ....ممكن مشبها علي :)
بس واضح انها ما بتطيقها للي بتشبهني :$