Things I Like To Whisper About

Would You Hear Me Whispering

عادات قديمه جديده




انا اسفه و بعتذر من البدايه لان الموضوع اللي راح احكي فيه مقرف شوي او يمكن شويتين بصراحه

بدي احكي عن عاده يمكن معظمكم انتبهلها قديش صارت منتشره و خصوصا وانت واقف عالاشاره الا ما تشوف واحد او تنين بعملوها

بدي احكي عن عاده التف و عاده نكوشه المناخير :(

جد جد يا جماعه ايش في؟؟؟؟
يعني ما بوقف على اشاره او حتى لو شويه ازمه الا ما تلاقي واحد فتح هالباب و "خخخخخخخخخخخخخختفوووووووووووه" و سكره و لا كأنه عمل اشي ....

يعني ول يا زلمه ازا انت قرفان تبلع ريقك و زلمه أريييف لازم تقزز حياتنا احنا :$ هالعاده زادت كتير برمضان , طيب ليش ؟؟؟ يعني قرفان و قرفان امسكلك محرمه و تفتف فيها من هون للصبح ما حد ماسكك, مش ضروري تقلب منافسنا على هالصبح و تقرف عيشتنا


نيجي على نكوشه المناخير...يعني بتشوف ولد صغير بعملها بتقرف و بتنخزي منه و بتغسله ايديه و بتعتذر للعالم عن هالمنظر, هلأ رجال و بشنبات - وممكن في ستات ما بعرف انا ما شفت :$ - بكون حاطط عقله‏"‏ بهالبربور‏"‏ و يا انا يا انت بدك تطلع بدك تطلع وهات يا نكوشه, حفريات الله وكيلكم و بتيجي عيني بعينه و عادي يا بضل يتطلع عليكي يا بلف وجهه ببطئ شديد مع استمرار النكوشه, ما شاء الله مخلص الاخ بحب انجاز العمل اللي بدا فيه.

ما بعرف شكله قبل ما نبدا نوعي العالم سياسيا و اقتصاديا و اخلاقيا بدنا نوجهه منطقيا و نحكيله شو اللي بصير و شو اللي ما بصير

انا بقترح نعمل دعايات بالتلفزيون و اعلانات بالجرايد عن محاربه هالعادات السيئه, وبدنا مخالفات لكل واحد بعملها

مثلا...

لما توقف عالاشاره........او تكون بازمه بالسياره....بدل ما تنكوش بالحفاره......او اتفتف بالحاره.... اقعد والبد بلا حقاره :)

22 التعليقات :

ائه شو الك خص هاي حرية شخصية
ما تطلعي علي وانا بعلق بمدونتك :D

خخخخخخخ
مهم الناس بعتبرو هاي السيارة زي غرفة الهم ومحدش شايفهم
بس
شو يععععععععععععععععععع

 

هههههههههههههه
كل عام و انتي بخير همسة :-)
على فكرة انا لاحظت العادة هاي و مريت بالفيزات الطبيعية لكل ظاهرة غلط بالحياة هون:
اول شي مرحلة الصدمة و الازبهلال و بحلقة العيون
بعدين مرحلة التمكن من النطق و أخيراً
بعدين مرحلة الكلام المحموم عن الموضوع لكل القرايب و المعارف -باستنكار طبعاً
بعدين عودة لمرحلة الندهاش الذاتي
بعدين مرحلة التمسحة
بس الله يستر و ما نوصل لمرحلة "ان لم تقدر عليهم، انضم اليهم" ههههه

 

فعلا يجب محاربة هذه الظواهر. هذا من الأدب والذوقيات التي لا يعلموها في المدارس.

 

ههههههههههههههههههههه ذكرتيني بس وينك نفس الشي شفته هون كمان بس جد اشي مقرف

 

هههههههههه
والله كنت بدي اكتب قائمة بالاشياء اللي بعملوها الناس عالاشارة , ومن ضمنها التنكيش
:D

بالنسبة للعادة الثانية , بحس حالي بدي اراجع من الصوت التمهيدي تبعها
خخخخخخخخخخخخخخخخخخخ

وحد الله يا زلمة , بلاش رئتك تطلع

يسلمو ايديكي وكل عام وانتي بخير

 

http://hamede.wordpress.com/page/4/

 

3ngd m3k 72 btzker knt mrw7a mn al-school w shft w7deh masheh jnbi ma ashoof ala t3ml 555 tfo w tf 3li ana 6b3an t38dt w 7kitlha : ani nwria ma btfhmy ya zn5a ya hbla 6b3an hia ma fhmet ashi l2nha Indian bs 7seet al-shose 5rb k2no tft 3lih a7ma9' loooolz sorry 3la al-story al-fazi3a bs 7beet asharkk m3anaty
=)

 

قط البكتريا

بدي اتطلع واشرف على كل حركه :) هههههههه
انا انسانه فضوليه يا اخي شو اعمل :$

هلأ همه بغرفتهم بتفتفو و بنكوشو بمناخيرهم!!!! جد الله يقرفهم اذا :(

Naryat

وانت بالف خير يا قمر
البحلقه هاي و الجحر و انك تطلعي عليهم تبينيلهم انك شايفتيهم وما يكسرو عينهم فهاي حدّث ولا حرج

مره اخوي بلغاريه دايما بتحكي عن هالموضوع انه منتشر عنا بالاردن :$

لاااااا اعوذ بالله شو انضم الهم...تخيلي
O_o
هههههههه عجبتني مرحله التمسحه هاي :)

Rana

هاي الاشياء بتعلمها حتى قبل ما يدخل المدرسه من بيت اهله بتعلمها من هو طفل صغير :$

 

Sozan

كمان عندكم, جد اشي مقرف وخصوصا بس تكوني بالصدفه بتطلعي عليهم و ينسجمو ....شي بتتقززي :$

LUNAR

جد اشي ملفت للنظر الموضوع صاير :$
المشكله انه بفتح الباب و بنزل راسه علشان اللي مش شايف يشوف و بيعطيها اصوات بعديها :$

هههههههههههههههه حلوه هاي بلاش رئتك تطلع :)

الله يسلمك وانت بالف خير يا رب
دائما بتنورني بتعليقاتك :)

Hamede

شكرا عاللينك, اذا الموضوع صار واصل لامريكا كمان :$
الله يسامحهم فضحونا قدام الاجانب
شكرا عالزياره :)

 

Jehan

ya 7araaaaam mesh mawqef :S

LOOOOOOL @ a7ma9' hehehe
mesh b3edeh 3alehom bsara7a :D

 

salam
walah mawdou3 jid mouhim hal3ada saret ktir mentechra halayam
alah yehdi ljami3
Touria

 

salam
walah mawdou3 jid mouhim hal3ada saret ktir mentechra halayam
alah yehdi ljami3
Touria

 

عن جد بتحسب انو بعض العالم بستنوا بس بالاشارة ليبلشوا تنضيف جهازهم التنفسي
لا و بعد النكش بطلع كلينكس
يعععععععععععععععععععع

قلبت معدتي
مو هيك
و بما انو العالم ما رح يتغير ابدا لانوا احنا هيك اختصري على حالك و لما توقفي على اشارة ما تطلعي ابدا على حدا
انا صرت اتطلع بس على الضو الاحمر و بس

فكرك لو انفرض عليهم مخالفات ببطلوا ؟؟ تعي شوفي الهنود عنا
يا ويييييييييليييييي
مبدعين بهالاشياء

 

Jouhayna

Ahlan Juohayna :D
lel2asaf kteer menteshreh
Ameeen
Thanks for ur visit

Jafra

نضايفي الشب ليش الحكي :)

هو احسن اشي هيك, تضل عيني عالاشاره و بس :$
الله يعينكم عالهنود, هدولاك متأصله عندهم الشغله مش عيب بالمره ولا غلط بتقاليدهم :)
بالعكس يمكن اللي ما بمارس هالموضوع بعتبروه غلط :)

 

يع :S
بس معك حق
عادة مقرفة و الناس كنو بطل يفرق معها
وبتكوني بتحاولي تظهريله نظرة كلها قرف وتقزز مشان يحس ..بس لا حياة لمن تنادي

 

قد أسمعت لو ناديت ولكن لا حياة لمن تنادي
والله الموضوع عالوع بس ياريت العالم تسمع ............

 

همسة

سامحيني همسة :$ بس الموضوع زاد عن حدّه و لازم نحكي فيه :(

هاي المشكله انهم بيتطلعو عليكي ولا كأنهم عاملين اشي :$

ميسم

للاسف معك حق, ما بدهم يتغيرو :$

 

whiss ya allah fa2a3telek do7keh mish tabe3eeh.. la2 w ana a3adt bel mat3am w lesa bde asame w 3m b2ra ya salaaam..

:)) :)) :)) allah y2refon yea yea... mara knt 3al ishara w fe wa7ad kteer amour wa2f warae w syarto kman ma ishba she.. am shooo nazel e7for etanii .. elt tfeh tedrab 3ala 3l modeeel :P

 

اشي طبيعي
انكش بحبش، استخراج، كعبل، فتح الشباك اقذف
في عادة بكرها في مقاعد الجامعة، في ناس بتعلك وبتلزق العلكة بمركى المقعد، ولما الواحد يقوم ..... :)

 

Jumana

LOOOOL mnee7 2enek mesh fe balad 3arabee kan 2akalokee ga7er :D

mhay hee kan bs nas mo3ayaneen y3melo halshee halla2 elkul :$

حسام كراسنه

هههههه عجبني التسلسل للعمليه, بس اخر مرحله متغيره عند العالم :$

ييييييييي على هالعاده الزنخه, بتورط الواحد بهيك شي :(

 

ههههههه لووووووووووووووول مش قادره راح أفطس من الضحك عنجد ضحكتيني كتيييييير كلامك وأسلوبك طجع بجنن ما شالله خلص مش قادره أكمل :))))))

 

Orangee

اهلا اهلا ...نورت المدونه :)
زورونا تجدون ما يسرّكم