![](https://blogger.googleusercontent.com/img/b/R29vZ2xl/AVvXsEjveHf3k9hLpEBR8g8yYCMNTiHwazwfOKOjz6Ultm1GSqOvhNL9W9R-c74noP67TmpQllvHBDaug_buN0Q3L2EWdkRl8z4QadfDlrOassHRRpwNMGGWA6x_TTFHsLi9qXWCoAjTGscm8p0/s400/Schizophrenia.gif)
قبل كم يوم وصلني تعليق من مجهول واللي كتير بحترم رأيه طبعا, بحكيلي فيه ان من متابعته لكتاباتي بحس اني معقّده :)
وبطلب مني اراجع نفسي , و الواضح ان الدافع من التعليق ان المعلّق بده مصلحتي, ربنا الله التعليق ما كان فيه اي هجوم او تجريح , غير ان المعلّق بحسني معقده.
انا بصراحه بالبدايه ضحكت عالتعليق, خصوصا انه اجا بعد الاحتفاليه السنويه بمدونتي, وبعد ما تشرفت برأيي كتير من اللي دايما بشرفوني بزيارتهم لمدونتي, واللي كان معظمه كلام اسعدني
انا بشوف حالي ابعد ما يكون عن التعقيد!!! حياتي اجمالا والحمد لله ما فيها اشي يخليني اتعقد, اكيد مريت وراح امر بازمات معينه, ما حدى بتخلى حياته, لكن ايماني و تفاؤلي وكرهي للنكد اللي معروفه فيه بين اللي حولي بخليني كتير بعيده عن التعقيد.
لما فكرت شوي قلت لحالي ممكن الحكم هاد اجا من ورا سلسله العرسان اللي كتبتها, مع اني وضحت اكتر من مره اني بكتب القصص اللي كان فيها مواقف غريبه او كوميديه, وان اكيد اجا عرسان كانو مناح و برضه ما صار نصيب, من ناحيتي او من ناحيتهم,وان اي بنت بالعالم ببدا يجيها عرسان من هي بالمدرسه .
انا اللي كنت خايفه يوصل من هالسلسله اني بنت دلوعه وحيده اهلها وعم بتتفاخر او بتلفت نظر بموضوع العرسان, وبتتفنن بتحليل نفسيات عرسان مساكين تورطو بانهم اجو عندها, لانه وصلني تعليق بحتوي على شي زي هيك عالموضوع :$, وانا ما كان قصدي غير تبادل خبرات و وجهات النظر علشان الشباب والبنات يستفيدو مش اكتر.
انا حابه اعرف رأيكم و بصراحه, انا بعرف حالي منيح, لكن حابه اعرف اذا كتاباتي بتدل ان عندي اي مشكله من اي نوع, تعقيد او غيره :)
26 التعليقات :
Dear Whisper,
each day Iread your blog from the first day you start writing and Iam realy looking forward daily to read what you write, Ihave a good experiance in live and work, I can say that you are far away from complicated character and what you feel is normal; but in my openion you shouldent reply for the person who wrote this comment becuase you know your self better, don't put yourself on adefenceve corner
please go on Whisper , I like your blog
Zaid
Thank you Zaid for the nice words.
I hesitated in writing this post because I don't want to be like defending my self,because for sure I'm not.
As you said I know my self ,but what crossed my mind that maybe there is a misunderstandings for some if my posts.
thanks again I really appreciate your words :)
مرحبا
والله حاولت أدور على تعرف لمعني الكلمة "شخصية معقدة" .. بس ما لقيت .. تعريف علمي أو مصطلح مطابق ..
انا برأيي اذا كان الشخص عنده المقدرة انه يكتب عن تجارب شخصية الى الحد اللي بنشوفة بمدونتك .. فهو ابعد ما يكون عن التعقيد
انتي طبيعتك صعبة المراس و مباشِرة .. و يمكن هذا السبب الي خلى الأخ يسقط عليكي صفة التعقيد
no far from it ! most of your posts are very good and let's say 38lanyeen :D
ويسبر معقده!!!!!
لا اتردي ع هالحكي حبيبة قلبي والله ما شاء الله عليكي شخصيتك مميزه .. واذا ع سلسلة العرسان فكل بنت بتتعرض لهيك نهفات
انا ما اتزوجت الا بعد 11 ضحية(عريس) وزوجي كان ال12
ضللك زي ما انتي ولا تتأثري بهيك تعليقات..
Amjad
انا اي شي بخطر ببالي او بواجهه بكتبته و بنشره بدون اي تنميق, وهاد اللي خلاني اتوقع ان المعلّق كون وجهه هالنظر
عفكره....توقعاتك بمكانها 100% :) و انا تأكدت من هالشي
Anonymous
Thanks...thanks :D
LOOOL 7bet-ha 3qlaneen :D
Ro$e
احنا البنات بنعرف ان كل بنت بتواجهه هيك قصص
الله يهنيكم ببعض يا رب :)
مرحبا ويسبرو . كيفك
جد اشتقتلك .. حاسة حالي بعيدة كتير عن المدونين والتدوين .. وهيك حاسة مش عارفة ارجع ولا عارفة اكتب حتى
الامتحانات سببولي صدمة
بالنسبة الك هاد كانت وجهة نظره ومقياسة للحياة .. انا دايما بضحك وانا بقرأ بكتاباتك .. يعني دلالة على انها كوميدية وبتعكس وجهة نظر خفيفة دم شو ما كان الموقف زنخ او صعب .. يعني بصراحة يا ويسبرو .. انتي صح حكيتي عن تجاربك .. بس هاد بضل رايك انتي وتفكيرك, ومتل ما حكيتي انو معظمها مواقف غريبة ومضحكة
بعدين مش كل المدونة سلاسل عرسان
كتير حكيتي عن مواقف بالحياة, وذكريات حلوة او حتى مش حلوة
يعني المدونة شملت كل نواحي حياتك وما انحصرت بجانب واحد بس , يخليكي تحسي انو بسببو ... هو حكالك معقدة
دمتي بخير .. وكل سنة ومدونتك سالمة
بعرف متأخرة
وانا كنت مقصرة :)
ممم ما في تعقيد ولا شي
اي اشي بيكون غير عن اللي الناس متعوده عليه بيشوفو تعقيد هاد اولا
ثانيا الناس اللي حياتهم منيحه كتير بيعملوا لبعض الناس التانيين مشكله
ثالثا: في شباب بيفهموا عن البنت شي واحد: تكوني كزابه على طول الخط وتلاوعيهم وتتغنجي وبهيك بتكوني مش معقده
اظن تعليق امجد لخص كل اللي بدي احكيه
وبعدين تعريف معقده زي تعريف ملتزمه؛ لحد هلأ ما لقيت تعريف موحد للكلمتين!!!
هاي المرحله عادي نمر فيها؛ وما رح احكيلك انك غلطت بالبوست؛ كل الناس بيراجعوا حالهم
معلش كتبت لك معلقه هون!!
Dear Whisper:
I like to read your blog every day , I am not good at leaving comments :(.
anyway, from what i read i can describe your personality as a very opinionated, you love to be with friends. being independent, harmony and balance,you think outloud ,focused on people and things, act first and think about it later and this is because u are kteeeer 3afawyi w mitel ma 7ake el sayid Amjad mobasherah :) and this is far away from word mo3agadeh and opposit you dear
I found this link describe the word Mo3agadeh :)
http://www.alriyadh.com/2004/04/18/article15793.html
plz Accept my visit:),
w Ramadan Kareem to you and all your loved ones.
loooooooooooooooool :) la y5te mo m32adeh erta7ee w6amane :) mafeke she m32ad :) ymkn tkoone bt32adee bs mo m32adeh :)
tkbal ALLA syamek :)
و الله ضحكتيني و يا ويسبر
هلا معلش اشيل التكلفة بينا و احكيلك
من كل عقلك بتسالي ؟
السؤال هون المفروض يكون :
كيف الانسان اي انسان حتى لو انا او انت بنحكم على الاشخاص هيك
شو هي المعايير اللي حكم من خلالها
القراءات ؟
المدونة ؟
التعليقات ؟
انا بعرف ناس عايشين مع ازواجهم و اخوانهم وا هلهم ما بحدا فيهم بعرف الشخصية الحقيقية للي عايش معو فالاخ المعلق بحكم انك معقدة ؟
انا راي فيكي و بلا مجاملة و لو تعرفيني بجد رح تصدقي اني ما بجامل حدا ابدا
انك بنت كتير لزوزة و دمك خفيف
و كتير قريبة من القلب
يمكن موضوع العرسان هادا جراة منك انك تحكي فيه و بطريقة حلوة
بس هادا انا بعتبروا تكيز مش معقدة
ما تردي
على حدا
بس ردي على اليي جواتك انتي
:)
سلام
( زي العادة بحكي كتير ييي عليي شو بحكي )
ymkn tkoun comment bel wrong blog masalan wish wish :)
abdan enti manek m3a2adi BEL 3AKSSS ro7ek mer7a w 7ababi w btktbi kel shee :D
yalla ednya syam w shkla hl comment abel el eftar Loool :)
اه معقدة وشريرة ورديئة كمان :D
بمزح معك بلعكس , انتي بتكتبي عن مواقف حياتيه من منظورك الشخصي
وبصراحه اغلبهم مواقف فيها نوع من الغرابه ونوع من خفة الدم :D
استمري على هل منوال
مش مجاملة بس من خلال تجربة شخصية مع المعقدين ... صدقيني انتي بعيدة كل البعد عن العقد النفسية
Nosa
اهلا اهلا يا قمر
الله يعطيكي العافيه يا رب احنا كمان اشتقنالك كتير...
لااا يومين ويترجعي ايناس اللي بنعرفها :)
انا بعرف حالي و كنت بدي اسمع رأيكم لانه بهمني كتير :)
وانت بالف خير يا رب,لا انت ما بتقصري واحنا عارفين ظروفك يا قمر :)
لكن لا تطولي علينا يا قمر
مياسي
النقطه التانيه عجبتني وكتير صح
هههههههههه جد هيك بفكرو :$
مش كلهم بصراحه :)
انا البوست الهدف منه كان اشي و صار
مش شك بصحه الموضوع
رايكم كتير بهمني و بحب اسمعه دائما
اكيد الواحد لازم يراجع نفسه على طول
المدونه وصاحبتها تحت امرك يا قمر...وانا بحب تعليقاتك :)
Jarat
Welcome to my blog,happy u decided to leave a comment this time :D
Thanks for the sweet words :D
You are always welcome ya amar :D
Ramadan kareem 3alena w 3alekom ya rab :)
Jarat
Thanks for the article :D
Maroo
7ader ra7 2a6aman :D
LOOOL@ bet32dee
THANKS ya amar :D
Menna w menkom ya rab
Jafra
خدي راحتك عالاخر يا قمر
هو بصراحه ما كان سؤال, هو كان اثبات و توضيح موقف :)
للاسف في كتير ناس بنعاشرهم سنين و بنواجه مواقف وما ببين اي شي غلط و فجأه بتشوفي تصرفات بتبينلك انك ما بتعرفيهم بالمره
الله يسعدو الزوووووووووء يا رب
زي ما حكيت انا ترددت بالكتابه عن هالموضوع, لكن ردود الفعل كانت والحمد لله كتير منيحه وما نفهم الموضوع غلط :)
دائما بتسعديني بتعليقاتك, المدونه و صاحبتها تحت امرك يا قمر :)
Jumana
LOOOL yemken :D
THANKS ya amar :D
قط البكتريا
اهااااا المهم مش معقده :)
شكرا عالدعم المعنوي, ان شاء الله راح استمر
الله يعينك عاللي بتتعامل معهم :$
ممممم
اصلا صاحب التعليق ايا كان وشو ما كان ولو كان متخصص علم نفس
مستحيل مستحيل يكون قدر يحلل شخصيتك و يوصل لهيك استنتاج من خلال اللي بتكتبيه بالمدونة !!
يعني بالعقل ..شخصية الانسان او نفسيته او حياته مش من السهل تصنفها و نحطها بإطار انو هاد معقد وهاد مكتئب وهاد هيك وهيك .. واضعف الايمان .. مو إذا ما عرفنا عنو كل جوانب حياته وإذا ما شفناه بمواقف مختلفة
كمان مع احترامي لصاحب هالتعليق .. مو من حقه ابدا !
أه ... انتي معقدة ... معقدة مدونتك
يعني مخليتيها بتعئد
همسة
زي ما حكيت انا و جفرا ان حتى اللي بتعرفيهم من مده وبتتعاملي معهم وعايشه معهم برضه ما بتقدري تحكمي على نفسياتهم وشخصياتهم بسهوله
هو التعليق من باب المصلحه كان من باب النصح :)
Ahmad
ههههه هيك يعني
ليكون هيك قصده وانا فهمت غلط :$
شكرا احمد :)
يا عووووءد ،كلاكيعو :)
مش شايف وين التعقيد، ليش اصلاً الحياة شو ؟ بسيطة؟
لو كل شي من دون تعقيد و بسيط مش الحياة بتكون كلها رتابة و مصدر للملل؟
من وجهة نظري المتواضعه انك لا ما معقده ولا شي ولكن احيانا الجرأة في الحديث عن اشياء خاصه تتدفع الناس يظلقوا احكام عشوائيه وبيظنوا حالهم قادرين على الحكم من خلال تجارب قليله تم الحديث عنها
وبصراحه هاي التعليقات ما هدفها الا انه تقلل من اندفاعك على التدوين فلا تسمعي ولا تسألي
Mohammad
هههههه والله زمان عمدرسه المشاغبين :)
على رأيك الدنيا كلها عقد وبدنا نعيشها :)
Sozan
ان شاء الله مابتغير علي شي
هو تعليق صدمني فحبيت اشاركه معكم :)
شكرا سوزان
ازا تدوينك وبساطة شخصيتك بتتسمى "معقدة " ؟؟؟!!! بالله كوني مرريله موقع مدونتي عشان يلاقي اشي افخم من وصف "معقدة" والله شي بضحك
ريلاكس
ميساء =)
اهلا بام المييس
لااا بالعكس مدونتك رائعه وانا بحبها كتير مع اني مقلّه بالتعليق ...سامحيني :")
حاضر
حريلاكس :)
meen fi ha dinya mish m3aqad min ishe aow min alf ishe. About me; akh bass, let me count the ways : )
Amjad-O
Loool 3ala r2yek :D
Allah be3eenaa sho bedna n3mel :$
إرسال تعليق