Things I Like To Whisper About

Would You Hear Me Whispering

اهلا اهلا يا رمضان




جد اشتقنت لرمضان و لجو رمضان, سبحان الله بحس ان في اشي بتغير بالجو برمضان



احنا عنا بالبيت بنعلق على البرنده هلال و نجمه كبااااااار و فوقهم بنحط زي شلال من الضواو الصغيره, كان نفسي اشتري فوانيس احطها برضه بس للاسف ما صحللي فرصه اروح اشتري, يلااا الايام الجاي بجيب احنا فيها :)

صلاه التراويح بالنسبه الي الها معزّه خاصه, في مسجد انبنا جديد جنبنا اول رمضان السنه الماضيه, جد اني بحب هالمسجد و من يومها وانا كل صلاه جمعه وكل صلاه تراويح و قيام ليل بروح عليه, الشيخ الي فيه الله يجزيه كل خير كلامه اكثر من رائع, وصوته ماشاء الله بخلي المصلين يخشعو و تهتز قلوبهم من جوا.

اليوم الخطبه وكالعاده كانت رائعه, وباخرها صار الشيخ يرحب برمضان ولكن باسلوب جد هزنا كلنا
طبعا انا فاشله باني احفظ الكلام حرفي ولكن بما معناه حكى انا نستقبل رمضان بخجل و انا ما بنقدر نرفع وجهنا باستقبال رمضان اللي مر على ناس و شعوب ما خذلو الاسلام والمسلمين, اللي مر على الرسول صلى الله عليه وسلم وعلى الصحابه, اللي مر على ناس بزمن الفتوحات و المعارك, وهلأ بمر علينا و احقر شعب الله ذاللنا و سارق اراضينا و احنا ما في بايدنا غير انا نضع ايدينا بايدي حكماءنا و حكماءنا بيضعو ايديهم بايدي اعدائنا, بمر علينا و احنا مكانا ما عملنا اشي لفلسطين والعراق و افغانستان وكل الدول الاسلاميه اللي بتستصرخ و احنا ما حركنا ساكن لمساعدتها.... الله يفرجها علينا و يهدينا اجمعين :$


للاسف رمضان عند كتير نوم بالنهار و سهر بالليل و مسلسلات و جمعات و سهرات بخيم رمضانيه ما في اشي فيها رمضاني غير انهم بعملوها بشهر رمضان , لازم ننتبه لتصرفاتنا و لكل اشي بنعمله, برمضان الشياطين تحبس فاي عمل سيء بنقوم فيه بكون من انفسنا مش وسوسه شيطان, لو حطينا هالشي بعقلنا الا ما بقدر نسيطر على تصرفاتنا.


في برنامجين شفتهم السنه الماضيه و ان شاء الله السنه لازم اشوفهم اولهم قصص القرآن لعمرو خالد وهي جدول مواعيد الحلقات للي بحب يحضر, وفي برنامج اسمه الطريق الصح لمعز مسعود كتيير حلوة لكن للاسف ما عرفت ايمتا راح يجي, السنه الماضه كان قبل الاذان عالمحور


كل رمضان وانتو بالف خير و ربنا يتقبل منا اجمعين و يرحمنا و يغفر لنا و يعتق رقابنا
اكثرو من قول "اللهم انك عفو كريم تحب العفو فاعفو عنا يارب"

صحيح.....لا تنسو الليله في صلاه تراويح :)


دورت على اغنيه اهلا اهلا يا رمضان اهلا وسهلا يا رمضان اللي ما بزبط رمضان من غير مت نسمعها عالتلفزيون الاردني وللاسف مل لقيتها
يلااا مشو حالكم بهاي الاغنيه
:)



11 التعليقات :

kel seni w enti salmei :)

ramadan mubarak :)

 

كل عام وانت بألف خير و تقبل الله سلفا :)
الله ينولنا رمضان و يجعلنا من عتقاؤه يا رب العالمين ..
انا كمان بنصح ببرنامج معز مسعود لأنه ما في منه هالبني ادم اكتر من رهيب الله يفتحها عليه :)
وما تنسوا صلاة التراويحححححححححححح

 

وانتو بالف خير يا قمرات
ينعاد علينا وعليكم بالخير
والله يتقبل منا جميعا :)

مروى ...عال9 صلاه التراويح الليله بالمسجد
هينا بدنا نشرب القهوه و نستعد علشان نروح :)

 

كل عام و انت بخير
و يتقبل منا و منك

 

Happy and blessed Ramada sister Hamsa :) to you and to your family.

 

كل سنه وانتي سالمه وللعرب والمسلمين ان شاء الله

 

Jafra

لاااا زيارتين بنفس اليوم...يا نيالي :)
زيارتك دائما بتبسطني يا قمر

امين يا رب
وانت والاهل بالف خير

Mohammad

Thanks man :D
Same to you all

قط البكتريا
امين يا رب
وانت وكل حبايبك بالف خير يا رب

 

Ramadan kareem o yen3ad 3aleiky bel se77a wel salame :)

 

والله معك حق ... ولازم نستفيد من هاد الشهر ليساعدنا ع باقي السنة ... يللي بدخن ... ببطل يدخن هالشهر وان شالله ع طول
واللي ما بصلي... بصير يصلي ع طول

---------------------------
بالمناسبة ,تروحي ع خيمة دندنة الرمضانية؟؟ جايبين هاني متواسي وايمن زبيب



بعرف ..دمي تقيل

 

kl saneh w anty b5eer
had 1st ramadan in jordan
y3ny tjrbeh jdedih
but ramadan in bahrain is better b2zen 3la al-6:40

 

hb

3alena w 3lek ya rab bel5ear :D
Thanks a lot

Ahmad

الله يقدرنا يا رب و نعطيه حقّه :)
ويثبتنا و يثبت الجميع


انا ما بحب الخيم الرمضانيه...انا بفضّل الكوفي شوبااات :P

Jehan

w 2ente salmeh ya rab :D
Hope u enjoy it here
LoOoOoL what to do 7azzek :)