Things I Like To Whisper About

Would You Hear Me Whispering

يا فضيحتك يا ام شحاده.....يا شماته ابله ظاظا فيّا

من وانا بالمدرسه للجامعه وحاليا للشغل, اول ما اوصل البيت لازم اروح عند ماما اللي بتكون بالمطبخ بحكم انه وقت غدا و بكونو بستنو وصولي حتى يحطو الغدا عالسفره, بدخل المطبخ و اول شي بعد ما ابوس ماما لازم اكل لقمه من الاكل, بس لقمه زي نوع من الدوق على التصبير على تحفيز زياده السرعه باني اخلص اموري واجهز حالي للاكل.

و دائما التجهيز بتأخر لاني ببدا احكي لماما ادق ادق التفاصيل للي صارت معي اليوم, ماما عودتني اني احكيلها كل شي المنيح والمش منيح, اللي بنحكى واللي ما بنحكى, مع ان في كم شغله بحياتي ما حكيتهم للماما وهاد عاملي حاله ارق مرات بس ان شاء الله مصيري بيوم احكيلها, منهم عن هاي المدونه :)
وبرضه دائما ماما بتضطر تترك اللي بايدها وتيجي معي عالغرفه وانا بجهز حالي علشان استعجل لانها بتعرفني ما راح اسكت :)


الي فتره وللاسف بس بشكي و ببكي من الشغل ومن مديري ومن عدم التقدير ومن كتر الشغل ومن طوشي مع مديري, الها كم من يوم نايمه عنا وحده قريبه البابا كل فتره وفتره بناديها تيجي عنا و تقعد كم يوم, عمرها اشي و ستين سنه ومش متزوجه وساكنه لحالها , قعدتها بتجنن وبنقضيها ضحك و قصص و للاسف مرات كتير نم :( بس بنحاول نزكر بعض قد ما بنقدر انّا ما نحكي عن العالم :$


المهم طبعا سمعت شكواتي السابقه و شكوتي الحاليه لماما عن مديري وعن اخر طوشه صارت معنا امبارح , والله انا مش مشكلجيه بس مديري من النوع اللي اذا ما طلعتي عليه بالعالي ما بحترم نفسه يعني اذا احترمت سنّه و كنت مؤدبه وهاديه ما بفهم و بضل يسوق بالهبل و بكبر راسه بزياده.

انا بنام مع قريبتنا بس تيجي عنا بغرفه اخوي لانه فيها تختين و اخوي بنام بغرفتي, ما عندي مشكله بالمره مدام مخدتي معي :) , على صلاه الفجر صحينا كالعاده و بس خلصنا صلاه ورجعنا انام بتحكيلي قريبتنا, الله يسم بدنه مديرك, انا اتفجأت انو شو جابه على بالك هلأ؟؟؟ بتحكيلي طول الليل وانت بتحكي و بتتقاتلي معه :") , يااااااااا فضيحتك يا ام شحاده, انا بحكي وانا نايمه !!!!! مااااااااااااااااااااااااااااا بدي, هاي الصفه لاخوي مش الي :"( , اخوي اللي بصير معه بالنهار كله بنسمعه تسجيلي بالليل :) و يا سلام بس يكون عنده لعبه سلّه, ما بنام بالمره ليليتها, " ولك مررها"....." ولكم هيني فاضي هون هووووووووووون" و على الطبقه العاليه كمان :$
سألتها اذا قبل هالمره لما كانت تنام عنّا, عمرها سمعتني بحكي وانا نايمه, حكتلي لأ , سألتها اذا كان صوتي عالي؟؟؟ برضه حكتلي لأ.....الحمد لله يعني هالصفه لحظيه كانت و انا اساسا امبارح كنت هلكانه من التعب وكان في شغل كتير و توتر كتير, لدرجه اني نمت عال 10:30 و هاي ما صارت من سنوات.

هاي سبب جديد يخليني احقد على مديري :"(

على فكره انا قدمت امتحانين و عملت 3 مقابلات في شركه و نسبو اسمي للمدير من شهر, وقبل كم يوم اتصلو فيي يحكولي ازا لسا بدي اشتغل عندهم علشان يحركو الموضوع عند المدير ,حكيتلهم طبعا............ ادعولي اذا فيها خير تزبط :)


26 التعليقات :

هههههههههههههههه

يا فضيحة بجلاجل هههههههههههه

الله يوفقك وتكوني ماسكة شغل جديد على وجه رمضان قولي آمين

 

مش طبيعي :) ضحكت عن جد .. ما شاء الله عليكِ أنت وأخوكِ.. بس عبارة "بنسمعه تسجيلي بالليل" هاي مش طبيعية
;) الله يهدي بالكو
ويا رب يا كريم يا قادر تسهل أمور ويسبر..وتيسرلها الخير دائما وتوفقها ترضى عنها...آمين

 

مش لهالدرجة! بس يعني مش تكشفي هيك شي عن حالك :) هاد شي عادي و بصير مع ناس كثير (انا منهم) فما تهكلي هم كثير و بالتوفيق بايجاد شغل جديد

 

ان شاء الله بتخلصي منو ... ان شاء الله الي حكو معك هدول يكونو جدين لانو جو الشغل اذا مش مريح بسبب ارق وتعب

بس عجبتني ولك مررها انا فاضي
اشي بصرصع بصراحه

 

الله يسم بدنه هالمدير فعلا لا لا لازم تلاقي شغله تانيه هيك ما بينفع
ع العموم ريحي حالك صدقيني مهما كان احسن من مديره صدقيني ومن خبره الستات فش ألئم منهم على فكره هاد تقدريله بالصوت الستات والله لو بتردحي م تطلعي معهم براس

 

Saba7o...
wallahi sheklo el moshkele mesh bel 2ash5as sheklo el moshkele bel3'orfeh :-p
Yalli benam b3'orfet 2a5uki beseer yla3le3 belleel :-D
Ana ma ba7ki o ana naymeh, bs momken iza 7ada sa77ani yetla3 menni 7arakat....... y3ni mesh zakeyyeh :-p
Ya setti beltawfee2 nshala ya Rab o iza 2elel feyo 5er Allah beyassro :-)

 

الله يفتحها بوجهك يا أُم شحادة

 

wallah iza khallaki te7ki wenti nayme yb2a jad m3ajjeb 3aleiki ! Allah y3eenek

o inshallah mwaffa2a lal position el jdeed :)

 

and mwaffa2a in your exams lol i didnt see the word emte7anein la b3d ma sakkart el comment window :)

 

anshalh yzb6 al-sh3'el m3k
w allh la ywf2o lmdirk
ana lw mkank I gonna kill him =P
ana a5ty w hay nayma btseer t7ky ana bdy aswi sh3ry w ashtry awa3i jdada w hi 3mra 7 years =P w ana kman bs aji mn al- school b36y lmama al-t8rir
amazing blog =)

 

ههههههههههههه
جد حلوه
اللي ببال أم حسين بتحلم فيه بالليل:)

ذكرتيني بأخواني كمان بيحكو كل شي وهم نايمين اشي تحفه جد!!!

وديري بالك المره الجاي تحكي وانتي نايمه عن المدونه؛ ساعتها بتصير قريبتكم الحجه تدعي عليها لووول

ان شالله بتتيسر امور شغلك- وعلى فكره اليوم اجيتي ببالي بحكي شو صار معها غيرت الشغل ول لأ:)

وبالنسبه للكم شغله اللي ما بتحكيهم لأمك؛ يا حياتي لازم يكون في كمشة أسرار الواحد بيحكيهم بس بينه وبين حالو

ولا انتي شو رايك؟ :)

 

انشالله يا همسة بتزبط معك وبتبعدي عن مديرك و بالتوفيق

 

alla yb3tlk sho3'ol a7san mn had bmlyoon mara ...
3NJAD alla ysm bdano hl modeer 7ata 6al3lek bl 7lm ??!!! ALLA yb3tlk modeer mnee7 coz 3njad eza el 2edara mnee7a kl she tane bhoon :)
best of luck honey :)

 

لأ عادي الحكي اثناء النوم عادي و هو عبارة عن تفريغ للعواطف المكتومة او المكبوتة داخل البني آدام و هي لحد معين عادي بس اذا زادت عن حدها تدخل تحت بند اضظرابات النوم

 

حبييييييييييييييته للبوست
زكرتيني لما بنام جنب اخوي المهووس بالتعليق على المباريات وخصوصي ازا مباراة لبرشلووونة يااا سلام
ما بضل لا مسي ولا هنري ولا ابراهيموفتش غير بكونوا ابطال الحلقة :)))

ربنا يجيبلك الخير

أم المييس

 

Good luck for the next job. I hope you'll like it more. I think that it's healthy to change jobs every once and a while, and don't listen to those who say it's a sign of insecurity

 

SimSim

:") شفتي اللي صرلي
الله يسعدك يارب
اميييييييييين يا رب

Dreamy

مش مزح...بحكي كل اللي صار معه باللعبه :)
الله يخليكي يا قمر ويهدّي بال الجميع

اميييييييييييين يا رب
و يرضى عنا كلنا يا رب


Allouh

من كلمه "مش لهدرجه" عرفت انك منهم :)
لا بس انو بنت ونعومه و "اوه لالاه" و بعدين بحكي وانا نايمه :$ كتير بصراحه
وخصوصا انه مش حكي..مقاتله ههههههه
الله يسعدك وشكرا الك

 

قط البكتريا

امين يا رب
انا صليت استخاره اكتر من مره واللي فيه خير ربنا بيسّره
كتير بنكون بدنا نصوره فيديو بس ماما ما ترضى :)


سوزان
اهلا بام عبد الله :)

امين يا رب..جد انسان غريب هالشخص :(
اله 100 سنه لازم يتقاعد و ابدا متمسك بالشغل بايديه وسنانه مع ان مده صلاحيه عطاءه للشغل خلصت من 10 سنين :)
لااااااا ان شاء الله ما بتيجيلي مديره بندمر بعض بعدين :$


Naryat
ya masa w saba7 elfull ya amar
LOOOOOOOOL 3agabne elt7leal...bs my brother wean ma ynam dayman sha3'al el7akee wel l3la3aa :D

Ameen ya rab....allah ygeeb elly feh el5ear

 

Maf3oos

ههههه
ما بعرف ليش تزكرت نكته المسكين اللي بحكي لمرته هيني رايح ابيع كم جره غاز ادعيلي
حكتله روح الله يفتحها بوجهك :)

شكرا الك و احتياطا الله يسامحك :)


Hb

Welcome again :D

M3ajjeb 3aly be 2en3edam sha5syto w da3foo 2odam el 3alam fa lazem 2adafe3 3an 72o2ee menno w men 3'ero benafsee :(

Thanks alot :D

el exams nge7et fehom wal7amdolellah w ma dall 2ella mwafaqet el modeer el3am :D


Jehan

inshallah ya rab :D

LOOOOOOOOOL Ameeen :$

I thought about that and Mohammad Allouh told me to wait and 2amanet 3amman la7alhom bya5doh LOOOL
I'm still waiting :D

7bebteee 7 years betjannen shakelha w damha 3asal :D
thanks ya amar

 

مياسي

يا ريت اشي محرز اللي ببال ام حسين :$

اللي بعجبنا رده فعله تاني يوم بس نسأله مين فلان و شو عمل فلان او نحكيله عن موقف صار معه قبل بيوم, بسكت شي بعدين بحكيلنا...ما حد يدخل غرفتي وانا نايم ههههههههه

منيح اللي اسمي ويسبر, تخيلي لو مسميه حالي اسممش بنّاتي :$
التار ولا العار ههههههه
امين يا رب, سبحان الله
دايما الفلوب عند بعض بالخير ان شاء الله


Ahmad Hamdan


امييييييين يا رب
شكرا احمد :)


Maroo

Ameeen ya rab
shooftee y3nee bel shoghol w amr allah kaman bel 2a7laaam kteer heak :S

m3ake 7a2...el shoghol 2elly bastana radhom kteeeer 3agbatnee el2edara...ma b3raf 2en6eba3 sa7

Thanks ya amar

 

Anonymous

بما انه خالتو حكتلي هاي اول مره فالحمد لله مش اضطرابات نوم.... بس تفريغ شحنات سلبيه شكله :)

مجموعه حياه

حبتك العافيه يا رب :)

كل الشباب طلعو هيك :)
بس اخوكي تخصص كره قدم انا اخوي سلّه ههههههههه

امين يارب
نورتي ام المييس

Tha2ir

Shooo ya man 2ala2etna 3aleak :S

Thanks and inshallah I will :D
If i change my job it is going to be my 3rd job, after teaching in a collage for 4 months and my current job and it is the time to change it :D

dayman 6amenna 3aleak :)

 

والله هاي مسكلة اللي بحكي وهوه نايم . أنا دايما كنت اخاف منها مع انه عمرها ما صارت معي ..

بالتوفيق بالشغل الجديد .. بس يا خوفي بكره تحكي امسك منحوسك بلاش يجيك أنحس منه

ان شاء الله خير

 

Amjad Wadi

اسأل اللي بنام معك بالغرفه...بركي بتحكي وانت مش عارف :)

لا ان شاء الله اكتر من هالمنحوس ما بشوف ما اعتقد في انحس من هيك :)
امين يا رب

 

منيح انو مو دايما او انها مش صفة دائمة فيكي
يعني يمكن لما تكون نفسيتك تعبانة او في حدث معين مأثر عليكي و بتفكري فيه
اما انا معك .من جهة فضيحة فهي فضيحة والله

الله يجيبلك اللي فيه الخير ..وان شاء الله تتيسر امور الشغل الجديد و تكوني مرتاحة


هامش : انا عطول برد متأخر لاني بفوت بالليل .. يعني على نظام يبعتلي الحج والناس راجعة
فـ معلش بعرف انو بكون بضارب عالبوست الجديد :$

 

انا عرفت وين المشكلة - تخت اخوكي - فما ترجعي تنامي عليه مرة تانية

عن جد ضحكتيني
ما بعرف شو قصة هالمدرا و كيف اصلا بصيروا مدرا

قال بفهموا قال ؟؟؟؟

 

همسة
لاا الحمد لله وضع لحظي طلع :$

هههههههههههه انا انصدمت بس قريبتنا حكتلي :")

امين يا رب تسلمي يا قمر
مش مشكله يا قمر المهم انك بتنورنيني :)

Jafra

ههههههه هاد نفس رأي نور كمان :)
بصيرو مدرا علشا يخربو علينا الدنيا ويسمو بدنا

همه والتفكير اعدااااااااااء