Things I Like To Whisper About

Would You Hear Me Whispering

اشياء تلفت النظر



*
بس تتعامل منيح مع الناس بفكروك ضعيف و بصيرو يحكو معك بالعالي و بنسو انهم همه اللي بدهم خدمه منك, وبصيرو يتعاملو كأنك انت رايح عندهم مش همه اللي جايين لعندك!!!!


* عمرك ما خبيت اشي و دايما واضح وصريح, وبس تكون بدك تتشطر و تخبي اشي عن العالم كل امه لا اله الا الله بتعرف !!!!

* قبل بيوم او بنفس اليوم من اعلان ارتفاع اسعار اشي , بتصير مصيبه كبيره, حادث, اختطاف , تسمم,تلوث ... بلتهو الناس فيها عن موضوع ارتفاع الاسعار!!!!!

* السوق بكون مليان شنط وكنادر كل الالوان وانت مش بحاجه لاي اشي جديد, وبس تكوني بدك لون معين فجأه بختفي من السوق اللون اللي بدك اياه, و الالوان النادره الوجود بتكون موجوده !!!!


* دايما بس يحطو صوره واحد من المسؤولين لما يكتبو عنه خبر مش ولا بد, بحطو صورته وهو بحلف اليمن؟؟؟ يا ترى بذكروه انو حلف يمين, ويلا علشان احنا نتأكد انه لما حلف اليمين كان حاطط ايده عالكتاب المقدس ويلا لأ او نشوف اذا عامل كروس باصابعه ورا ظهره - انه هالكزبه كزبه بيضا يا رب-

* الناس الخطأ بدخلو بحياتنا بالوقت المناسب و الناس الصح بيجو على حياتنا بالوقت الغلط!!!

* بس يكون في ارتفاع اسعار للمواد التموينيه بزيد استهلاك الناس الها وبس ترتفع مشتقات البترول بتلاقي محطات البنزين مليانه اكتر من دايما!!!

* حسب ما بسمع - ومن اكتر من ناس سمعت - ان احنا الشعب الوحيد - اردني من اصل فلسطيني او اردني من اصل اردني - اللي بنكره بعض في بلاد الغربه, وما بتلاقي عدو الك بالشغل هناك غير الي من بلدك, كل الجنسيات بتتجمع بالغربه الا احنا بنكون اعداء.

* دايما اصحاب المناصب واللي بياخدو القرارات بتكون عندهم صفه السماع من الناس و التصديق من دون التأكد من صحه الكلام والتصرف الفوري بناءا على الكلام اللي بسمعوه!!!!


18 التعليقات :

Mazboot :)

bas the fact that enno ibn baladak aktar wa7ed bi3adik bel gherbeh applies to everyone I guess .. I hear the same statements fron deferent nationlities .. so wade3kon tabi3i :)

 

صباحو

النقطة قبل الاخيره هي مش مزبوطه تماما لأني كنت بره وبعرف
المصريين مثلا بيحاربوا بعض كمان نوعا ما واكتر الجاليات تلاحما-ويمكن تستغربي-هم السودانيين؛ بحياتي ما شفت زيهم!!!

الناس بره بيحاربوا بعض على كل المستويات لأنو ما في عشائر ولا عائلات والناس كلها رايحه لهدف واحد يعني ماخدين راحتهم

هلأ الناس اللي بتفوت على حياتنا سواء صح أو غلط؛ مش عارفه انا بحس فوتت الانسان الكويس حتى لو كان وقتها مش مناسب وراها شيء حتى لو ما عرفنا الحكمه من وراه

وبعدين شو هالافكار اللي عالصبح؟ معلش مش شاربه قهوه ولا مفطره لسا:)

 

ويسبر
معك حق فيهم كلهم حتى انا هيك بفكر دايما
بس اخر كمن نقطة
فعلا حقائق موجعة
بتضرب فينا كلنا ونحنا يلي بنعملها بحالنا
:S

مش حابة تكون نضرتي سلبية للدنيا .. بس دايما الواحد بحاول يطنش ويضل ماشي مع الماشيين .. بس لايمتى
لحد ما نوقع كلنا على وجهونا بنفس الوقت

بصراحة كل النقط اللي ذكرتيها بنتميز فيها كتير
ويمكن ما نلاقيهاببلد تاني بالحدة الموجودة عنا

 

Gardenia
LOOOOL
I think u r right :S Mayyasi said the same

Thanks for passing by :D

مياسي


يا صباح ومسا الورد يا قمر
انا فكرت حالي ظالمتنا طلع الكلام صح بس بكل الجنسيات :$

بس مرات بتقهر لانها مش بوقتها, و خصوصي بس تكون بعد ناس غلط كانو بحياتنا:$
بتخافي تكون احكامك غلط لانها تحت تأثير الفتره اللي قبلها

على اخر الليل اجت هالافكار....و انا بعجبك بس افكر...بدمر الدنيا وما بنام :)

 

eNAS

يا صباح ومسا الفل
للاسف احنا اللي بنعملها بحالنا :(

بنطنش بس من وقت لوقت لازم تعبري علشان ترتاحي شوي :)

لااا الحمد لله احنا مميزيييييييين :)

 

hi 7yatooo :)
i loved most of the points w kteeeer mnhom sa7e7een mlayar bl 100 !!!
7bet el point tb3t el shopping w kman tb3t el nas el 3'ala6 bl wa2t el sa7 w bl3aks LOOL :)

 

لك كيفو مش عم شوفو....

والله اشتقتلك عنجد : ) ،، أنا بل ويك اند بختفي عن الساحه...

ما بعرف شو عم يصير هون.. بس في معلومه بيقولوها الناس غلط أو بالأحرى،، غيره وكييييد.. إنو الأردني أو الفلسطيني بكرهو بعض بالغربه،، نوب نوب نوب جبيلي ياه أشلعلك دينيه يلي بئلف من عندو.. ما بعرف إزا هوي مكروه أو بيكره الناس..

عنجد عم بحكي. هيوستن كتير كبيره وفيها عرب من كل بلدان الدني، الجمعيه أو المركز يلي بيعمل حفلات وسهرات وجمعيات خيريه وكل شي مفيد المركز العربي ،، المعروف إنو بمجلس الإدارة في من كل بلد واحد مسؤول ..
بس أكتر الدعم و يلي بشاركو بكلشي وبحبو اللمه >> الأردنين ول فلسطينيين.
هي الموقع لا يلي بحب يتفلسف! قصدي ياخد فكره عن المكان!!!!
http://www.acchouston.org/

الأمر ما بيخلى طبعاً في ناس حاله خاصة ، بحبو المشاكل فا هيك صار يا عزيزتي وسبر
هلأ انتي في سابع نومه.. نوم الهنا تقبريني

 

صح لسانك يا ويسبر :D

وشغلة الغربة اكتر اشي بسمع انها بتصير للاسف

 

والله معك حق
اغلبهم بأكدلك عليهم من تجارب شخصية
" * السوق بكون مليان شنط وكنادر كل الالوان وانت مش بحاجه لاي اشي جديد, وبس تكوني بدك لون معين فجأه بختفي من السوق اللون اللي بدك اياه, و الالوان النادره الوجود بتكون موجوده !!!!"
هي فظيعة .. بشكل عام الشغلة بتكون قدامك وين ما التفتي .. ولما بدك ياها بتختفي !!

في كتير امور وتناقضات و مفارقات بتصير مع الواحد ..فعلا بشكل ملفت للنظر

 

Maroo

ahlan ya amara :D
LOOOL....this is our life :S

Jumana
اولا احلى عربي ام الجووووج :)

كتير بحب هالاغنيه عفكره ...اشتاقتلك العافيه يا رب, واحنا اشتقنالك يا قمر

شكله انتو المحظوظين بهيوستن لانها حاله نادره...او يمكن بالدول الغربيه هيك بكون اما بالدول العربيه و الخليج خاصه ما بطيقو بعض العالم :$

لاااا لسا بكيييييييير عالنوم :)
الله يهنيكي و يرضيكي يا قمره

 

SimSim

الله يسعدك يا رب :)
كتير ناس حكولي عنها هالشغله :$
بس هي جوجو بتحكي انها مش موجوده عندهم والحمد لله :)

همسة

صح معظم الاشياء بس تحتاجيها بتختفي :$
مع انك بتكوني زهقانه منها و طول الوقت قدامك

 

مرحبا همسه
شكلك مش شاربه قهوة او مش نايمه منيح
شوفي من ناحية الغربه والناس ولحمتها لما تدخل الماديات في اي علاقه بتخربها والماديه ممكن تكون من خلال عمل او مصلحه بس وبصراحه انا تعاملت مع ناس اجوا من الاردن وفلسطين كمان كانوا ولا احلى من هيك لانه العلاقه واضحه فش فيها كسب ولا فيها مصلحه وكانت علاقه الحمدلله ناجحه ولهلا مستمره
اما من ناحية انك تتعاملي مع الناس بطيبه هاي لازم تخففي منها لانه الطيبه في عصر الوحوش الي احنا فيه ما بتنفع
فتحت مواجع يا همسه

 

سوزان

اهلا يا قمر
الحمد لله ان تجربتك كانت منيحه, لانه اشي كتير بحبط و خصوصا بالبلاد الغربيه ما بتصدقي تشوفي حد عربي ...هيك بحكولي اللي بكندا :)

معك حق لاني كل مره بنصدم و بنقهر

لاااا انسي ...هي فضفضه علشان نستمر :)

 

"حسب ما بسمع - ومن اكتر من ناس سمعت - ان احنا الشعب الوحيد - اردني من اصل فلسطيني او اردني من اصل اردني - اللي بنكره بعض في بلاد الغربه, وما بتلاقي عدو الك بالشغل هناك غير الي من بلدك, كل الجنسيات بتتجمع بالغربه الا احنا بنكون اعداء."

 

"حسب ما بسمع - ومن اكتر من ناس سمعت - ان احنا الشعب الوحيد - اردني من اصل فلسطيني او اردني من اصل اردني - اللي بنكره بعض في بلاد الغربه, وما بتلاقي عدو الك بالشغل هناك غير الي من بلدك, كل الجنسيات بتتجمع بالغربه الا احنا بنكون اعداء.
"
مزبوط 100 % في حالة ما بعرفوا بعض من الأردن .. أما إذا بعرفوا بعض من الأردن في احتمال يصيروا اعداء 50% لوول..

 

Ahmad Merie

عجبتني اذا بعرفو بعض من الاردن احتمال يصيرو اعداء 50% ههههههههههه

مش عارفه كتبت هالشي من قبل ويلا لأ

مره اخوي اجنبيه و مديرها المباشر اردني, كان ملاك معها و بس عرف انها تزوجت اردني قلب 180 درجه وصار يدقق عليها بكل شي لحتى استقالت من كتر ما زهقها :$

بنموووووت ببعض برّه احنا :(

جد انبسطت انك معلق هون...يعني افهم من هيك انك قرأت معظم المدونه :)
بتمنى تكون عجبتك

 

LoooL bejoz kan 7atet 3eeno 3aleha:P

Wallah 3ajabtne taree2tek fel ketabeh o hayne MOSTAMER fel qera2a kol ma ysa7elle wa2t ahrob bahrob 3ala ur blog.. Really kteer nice o akeed 3ajbtne:))

 

LOOOL wallah mesh b3edeh :S

ya meet 2ahlan w sahlan feek da2eman :)