Things I Like To Whisper About

Would You Hear Me Whispering

قريبا ...وبس عقصص طرمه...WeWe

بما اني مش مرتاحه بشغلي و راتبي مش مكفيني و بدور على شغل جديد ومش لاقيه ...فانا قررت اصير مطربه :)

اي نعم صوتي مش حلو, واي نعم اني محجبه, واي نعم اني من عائله محافظه,واي نعم ان السوق هالفتره ما بمشي فيه الا اشياءات بتجيب التار ولا العار بس لازم اتحدى الملل...

فلزوم التخفي و الحرص و المحافظه على حياتي اولا, وسمعه العائله ثانيا فقررت ما هو اتي:-

1-
انزل السوق باسم "وي وي" اختصار ل ويسبر

whisper <----- WeWe

-2
الصوت ما راح اعمل عليه اي تعديلات بس بلوء تمي بكم كلمه مع اصدار الكلام من المناخير, و لفظ بعض الكلمات متل اللي عمرها سنوات.

3-
اللحن برضه مش مشكله, الكل بسرق الحان اجت علي انا يعني, بجمعلي الحان مقدمه اغنيه لعمرو دياب مع اغنيه لتامر حسني مع كم لحن تركي على اسباني وما حد بعرف اشي.


4-
الشكل .... لا عمليات تجميل و لا شفط ولا نفخ ولا اضافات ولاااااااااااا اشي

بستخدم الانيميشن :)
اه... بجبلي واحد بعمل جرافيكس على فوتو شوب على جافا على اوراكل على شويه
.net
و بطلع اشي من الاخر :)

5-
عنوان الاغنيه.... طقو موتو وي وي كوتوموتو :)
بكرر الكلمه 100 مره كل مره بلفظها بشكل وما حد بحس بالموضوع.


6-
التمويل.....انا بس انزل البوستر بالصوره و عنوان الاغنيه التمويل راح يجي لحالو...او ببعتها لجاد شويري وهو بتبناني - حلوه يتبناني ونعم الاب راح يكون - و بعملي احلى فيديو كليب وبعد فتره بصير صحبه مع سيمون اسمر و بنقطع بعض بالبرامج الفنيه الهابطه على
LBC


-7
بعد ما اصير مليونيره اهلي بسامحوني و بابا بصير مدير اعمالي و يخترلي اللبس بنفسه :)

8-........

خلص خلص باااي ماما بتناديني بدي اقوم اساعدها بجلي العشا :)

بترككم مع ملهمتي وقدوتي لهالافكار البنّاءه



28 التعليقات :

من الآآآآآآآآآآآآآآآخر

فكرتك رح تحكي انك تركتي الشغل

بس صح ما حطيتي عن بارت الرقاصه وينه؟

الله يهد شيطانك ضحكت من قلبي انتي نهفه جد:)

 

I think you thought about it well... it could work, I loved the name of the first song...

Creative!!
LOL

 

lah lah ya WeWe HAY akhertha..!!!

bs bt3rfi lab2lek l2shat el akhdar :D tale3 Tage3333333 mn el akher..
leki `7arbani `7rbani..`7breni eza bdk ra2asa .. LoooooL :D

y3dmni el el a3daaaaaaaa2!!
nhfat abl enooooom hay :)

Nice post ya amar ;)

 

يعني على هيك رح نسمع فن اشي من الاخر
فايع
لا طولي بالك مش هيكك الدنيا
عن جد ضحكتيني
شو رايك بما انو انا كمان بدور على شغل لانو شغلي جنني عل الاخر
نعمل انا و اياكي فرقة


عن جد ضحكتيني

 

ما بانفع موديل وي وي بيصير اسمي سوسو اسم موسيقي بس محسوبتك صوتها والاعدام بس يلى ان كانت هيفا عملتها ليش مش انا كمان يلا بلكي اقدرت انزل ع الاردن خلينين معك همسه اوبس وي وي :)

 

Well, well. This means that you're thinking what I was thinking too, I was also considering a singing career myself. maybe we can do a duet in the future, once we're both rich and famous!

 

ما بدك حد للدويتو اذا فكرتي فيه مستقبلا خلينا في البال لاني فزيع فزيع بكلمة موتو موتو بضل اعيدها بدون كلل و ملل
الله يخليكي خليني اكسر الملل

 

ما بدك حد للدويتو اذا فكرتي فيه مستقبلا خلينا في البال لاني فزيع فزيع بكلمة موتو موتو بضل اعيدها بدون كلل و ملل
الله يخليكي خليني اكسر الملل

 

w hakazaa ya sadaa ya keram I will change my Graduation project fromStatistical Translator to Animated Video-clips

Yaai :D New idea . I will call my partner now, to tell her about the new Inspired Idea by Creative Whisper ;)

Yaaai kolo Yaaai lool ;D

 

مياسي

ان شاء الله عن قريب بتسمعي هالخبر...بس المدير يحرك ايدو و يبدا يوقع القرارات :)

الرقاصهّ!!! لا يختي بتاخد هي الاضواء ما في رقاصات
ممكن اخليهم بالانيميشن يعملو كم حركه من روبي و ماريا و خلصت خلصنا :)
ان شاء الله على طول تضلك بتضحكي و مبتسمه

Ala' JA

yeah it's my future man I have to, heak heak ma65o5een :D
wella 2e7na bnel3ab yaba ....kullo m7soob 7sabo :D

Jumana

LOOOOL la hay mesh 2ana...hay qodwaty mathaly el2a3laa y3nee :D

laaa 2a3oz bellah r2asah!!! 7araaaaaam :")

 

Jafra

فكره والله...ازا لسا ما بديت وبدت تنهال علي العروض شو بدو يصير بكره

دحنا حنلعب بالفلوس لعب
ههههههههههههه

سوسو

مين حكالك ان صوتي حساس
انسي الموضوع , حكيتلكم قبل ان بس ابدا اغني بالسياره بابا بشغل المسجل و بعلي الصوت, انه شو رايك تسكتي بس بالعقل :(
اهااااا الكل بغني اجت علينا احنا
بستناكي يا سوسو
:: ضحكه خليعه::
هههههه

Tha2er
laaa u too!!!

U know what...It's a good idea I have to sing mix song English 3ala Arabic mnee7a hal fekra, it's now in my schedule 5alas :D

 

Anonymous

بما انك "فزيع" خلص طبعا راح نعمل دويتو :)

ولا يهمك اساسا الفيديو كليب من غيرك ما راح يزبط...علشان نستقطب كل العالم

eNAS

ya allah ma 2a7sanny...I gave u an "A" project idea

sooo 5alas dmenet el video clip :D

yaaaai jad yaaaai 3ala heak friendat bejannon :")

 

hey whisper ,check this out :D
http://alghad.jo/index.php?article=13790&sub#msg
you're my partner in that project :D

 

هههههههههههههههه عجبني اسم الاغنية

طقو موتو وي وي كوتوموتو هههههههه

صدقيني بتكسحي السوق واذا بدك مساعدة كاونت مي ان هههههههههههه

 

NasEr

yaay soo he read ur post :D
2aywa ya 3am meen 2addak

but he didn't wrote that u wrote the name of the writer when u found it out :S

any way I feel excited :D

SimSim

عفكره اسم الاغنيه وليد اللحظه ومن غير تفكير...هيك الايام هاي اذا فكرتي بالاشي ببطل فايع و واااو ويااااي :)

امممم ممكن تساعديني بالتسويق بس تطلع الفيزا ان شاء الله :)
شو رايك!!

 

ترى انا بلمت وصرت أتأ تأ يمكن كتبت جمله عشر مرات وارد اصيعها بأسلوب تاني!!

حتى بدي اكتب اصيغها رحت كاتب اصيعها

!!!!!!!!!!!

والله احكيلك مش غلط بس هلأ البنت لما تتطفر فورا راح تنفذ فكرتك
اما الشب شو يسوي؟؟
بدنا بوست عليها ..الله يرضى عليكي

 

hahahahahaha nahfeeee :D

bs bte3rafe sho,lazem had il post ykon ma7mi bi 7oqoq fekreyye,halla2 bay5dolek il fekrah 3ala bared il mestree7b w enti betroo7 3aleki il malayeen ya 7ilweeeeh :))

yaaaaaay ma afza3ha hal o3'neyyeh,da5elo ana il animation :P

 

Anas

هههههههه زي ما بحكو كلمه الحق بتطلع اول هي بهالموقف اصيعها ازبط :)

نفس الفكره, وهي الاخ المناضل جاد شويري اكبر مثل :)

لااا هاي الك انت ادرى بحيثيات الموقف
ما الها دخل الجمله بس جديد متعلمتها وحبيت استخدمها :")

Ashwaq

ahaaa ma5a6ratly elfekraa :S

lah lah lah el2esem ra7 we kalemat el song ra7oo :(

bs keef :D men el2a5er sa7 :D

 

ما شاء الله عليكو..كلكو مش فاهمين كيف هالأغاني و هالأشكال بتنجح..أي ما لحقت ويسبر تحكي كلمة ..إلا كلكو ناطين بدكو تشاركو معها :D
عالعموم.. الله يوفئكُن كِلكُن ;)

 

ما شاء الله عليكو..كلكو مش فاهمين كيف هالأغاني و هالأشكال بتنجح..أي ما لحقت ويسبر تحكي كلمة ..إلا كلكو ناطين بدكو تشاركو معها :D
عالعموم.. الله يوفئكُن كِلكُن ;)

 

Dreamy Villager

شكله الفكره كاينه عند الكل بس ما حد صرح فيها الا انا :)

بس يا خوفي تنسرق زي ما حكت
SimSim :S

 

والله ضحكتيني مع اني من زمان ما ضحكت ... شكرا همسة ...
قصدي "وي وي"ههههههههه

 

Ahmad

اهلا وسهلا باحمد
ان شاء الله دايما تضلك مبتسم وبتضحك

 

منو العوض و عليه العوض! منيح إني كنت مختفي بهالسنوات

شو هالإبداع يا عمتو ويسبر

خخخخخخخخخ

 

راجع فقرة اسم الاغنيه

طقو موتو وي وي كوتوموتو :)

انت مقهور اني سبقتك للفكره...و ما بتقدر تسرقها مني هلأ :)

 

راجع فقرة اسم الاغنيه

طقو موتو وي وي كوتوموتو :)

انت مقهور اني سبقتك للفكره...و ما بتقدر تسرقها مني هلأ :)

 

تصحيح: أنا فرفور مش مقهور (الاسم الفني للموهبة التي ستكتسح الأسواق قريبًا)

 

هههههههههههههههههههههههههههه
مش قادرة اوقف ضحك على فرفور
ههههههههههههههههههههه

انقضى على مستقبل العيال من غير شر