Things I Like To Whisper About

Would You Hear Me Whispering

الكذب ملح الرجال





انا بعرف ان الرجل كلمه , بس ما كنت اعرف انه هالكلمه مشكوك فيها اذا كانت صادقه او كاذبه
معقول هلأ الكذب يكون اشي منيح ؟؟؟؟ اساسا بضل الرجل رجل اذا كذب؟؟؟
هل بتقدر تحترم رجل بكذب؟؟ او اي انسان رجل او ست بكذبو ..بتقدر تحترمهم؟؟؟

انا بكره الكذب و بعرف ان معظمنا اذا مش كلنا بكرهو الكذب, بس في اشي بقسمنا مجموعتين.

اللي بكرهو الكذب زي عيونهم و بكذبو....بتعرفو كذبه بيضه على رأيهم
معقول ما بحسو بالتناقض بداخلهم؟؟؟
ايش ما كانت مكانته بالحياه, اب او اخ او مدير او زوج كيف بتوقع ان اللي بالمقابل يحترمه او يعتبره قدوته او يرفع راسه فيه اذا ما كانت اقواله وبالتالي افعاله كاذبه؟؟؟

واللي بكرهو الكذب وما بكذبو
انا بشوف الكذب كله اسود وما بشوف اله الوان ..لا ابيض و لا اخضر ولا بنفسجي
كله كذب, ابسط اشي بالحياه و ابسط موقف لا يمكن اكذب فيه, و مع المجتمع اللي انا عايشه فيه بالشغل الوضع كتير صعب
بكره الكذب عموما و بكرهو بزياده من شخص بيتخبى وراء الدين ليكتسب مصداقيه لكلامه.
يعني بكون شخص بصلي وبصوم ما بقطع فرض ما شاء الله عليه بس بكذب وبلف وبدور, وبدور على مصلحته اولا وثانيا ..ومليونا
انا عن نفسي بحكم انه هالشخص بمثّل نفسه وحاش لله انه يمثل الملتزمين او المتدينين او الدين نفسه. كل شخص تصرفاته بتمثل نفسه بشخصيته و بطريقه تفكيره, ببيئته و بامراضه النفسيه.
بس في ناس ضعاف ايمان او ناس اعداء للايمان بنتهزوها فرصه يعممو على الجميع.

من هاد كله انا بقترح انا نغير هالمثل لاشي تاني " الكذب سخام الرجال".... " الكذب مسح الرجال"....

* كان نفسي احط صوره مديري بس منعا للمسائله القانونيه حطيت هاي الصوره :)






6 التعليقات :

شكلو مديرك كان معطيها كذبة كبيرة اليوم فكتبتي على هالموضوع(:D), فعلا انها بتقهر لما تشوفي واحد متدين و ملتزم بس بقضيها يكذب بكل شي وبالذات لما يكون تاجر بس طبعا اكيد ما بصير الواحد يعمم لما بشوف هيك واحد وللأسف في ناس اكثر مما نتصور بتعمم اول ما تشوف هيك واحد وتصير تحكيلك يا زلمة كل هالشيوخ سرسرية و نصابين

 

احمد

ومن الحجم الكبير كمان, ما بعرف كيف بقدر يعمل هيك؟؟؟

للاسف كتير ناس بتعمم الاشياء السيئه بس :-\

 

والله يا همسه ضحكتيني بس وحياتك اللي بيحكيلك انه الرجل كلمه كذب فيها يمكن لانه رجل هههههههههههه
مثل ما في الكذابه في الكذاب يعني حتى في هاي الهم ريشه

 

Sozan
لااا ما تقولي...حتى هاي كزبه طلعت :"(

 

ليش الملح شي حلو حتى يكون الكدب ملح الرجال بعدين البنات في منهم بكدبو ليش ما يطلعو عليهم الكدب جلاكسي النسوان - جلاكسي نوع من انواع الشوكولا :) و طبعا هدا مو تشجيع للكدب - طبعا الكدب مقبول في جميع الاحوال - بس السؤال برايكم هل اذا كان الكدب للاصلاح ما بين طرفين يعنى بدل ما نحكى اسمعت شو بحكى عنك فلان و هم اصلا متمشكلين مع بعض بروح احكى جد ما بجيب سيرة الا بالخير و بمدح فيك و انه اللى صار لحضة غضب فهل الكدب هون جائز ولا ابطل هالعاده

 

انا ما كان قصدي رجال او ست
اكيد الكزب للكل مش منيح
بس الحكي كان عن مديري اللي بكزب عادي زي قوله مرحبا - على رأي العالم-
في مقالات كتيره بعنوان الكزب ملح الرجل وسكر المرأه يعني قريب عالجلاكسي :)

اكيد قصدك طبعا الكزب مش مقبول في جميع الاحوال...صح!!!

انا مره قرأت ان الكزب للاصلاح زي هالموقف اللي حكيته او للاصلاح بين الزوجين او مثلا لو سأل واحد منهم التاني بتحبني....فلو كزب علشان تمشي الحياه وما يتأزم الموقف والله اعلم مش حرام.