Things I Like To Whisper About

Would You Hear Me Whispering

استطلاع الرأي




دائما بنقرأ بالصحف او بنسمع بالتلفزيون ان الجهه الفلانيه قامت بدراسه, او بعمل استطلاع لاراء الشارع, و طلع 90 % من العالم بأيدو المشروع الفلاني, او 54% من العالم ما بحبو البطيخ, او 45.0006% من العالم ما بسمعو لفريد الاطرش... وغيرها كتير من الاستطلاعات و اراء العالم المهمه.

انا شخصيا عمري ما حد اخد رأيي او استطلع عن رأيي بشي, وكل مره بقرأ هيك خبر بسأل قرايبي و صاحباتي بالشغل و بسألهم يا جماعه في حد منكم او من قرايبكم انسأل عن هالموضوع, الكل بجاوبني انه لأ

طيب من وين جابو هالارقام؟؟؟ و دراسات مهمه زي هاي معقول يسألو مجموعه و يقدرو الباقي تقدير؟؟ يعني مدام بصير يقدرو , ليه بحكو استطلاع واراء الشارع؟؟؟ يمكن في الها عمليه حسابيه معينه وانا ما بعرفها!!


حتى الاستطلاعات اللي بتكون محطوطه على المواقع الاخباريه عالنت, مع ان ما اعتقد ان نسبه كبيره من الشعب الاردني بشبك عالنت و ببدي رأيه بهالاستفتاءات, ويلا بحسبوهم عاساس عدد اللي زارو الموقع وصوتو!!! اذا هيك ... ليش بحكور أي الشارع او المواطنين وما بحددو انهم زوار الموقع لحالهم!!!

فيا جماعه اذا حد منكم قبل هالمره شارك باستطلاع يحكيلي...بركي بس انا واللي حوالي همه المستثنيين و المقدره ارائهم !!!
او اذا بعرف كيف بعملو هالدراسات وبطلعو هالارقام بدون ما يسألو العالم برضه يحكيلي


22 التعليقات :

لووول ذكرتني لما مره عملت احصائيه عن راديو جديد بالبلد (جد على فكره مش مزحه هاي)

رحت على موقع شركة الاحصاءات وضليت ساعتين اسمع اغاني واحكي رأيي فيهم بس بالاخر شو

حكيت للزلمه ملاحظاتي انو كتير اشيا ناقصه حسيتو انصدم

هلأ انا ما بعرف كيف بعملوهم بس بعرف انو اقل دراسه بتكلف شي 25 الف وهاد الرقم من حد اشتغل معاهم فشو رايك نشتغل بهالحركه احنا كمان؟ بلا برمجه بلا هم:)

 

they usually survey a limited number of people (called sample) to determine the overall attitude of the the whole (called population). The sample must be as random as possible in an effort to reflect the make up of the population. For example, you can't ask Druze whether or not they like Farid, because the answers would lopsided in favor his favor due to bias. Also, surveys usually estimate this bias by assigning a margin of error to the outcome percentage. However, these statistical methods of surveys have shown to be prone to manipulation as some clever tweaking can sometimes be used to show the prevalence of one side over the other despite the true feelings of the sample. That's why the phrase "Lies, damned lies, and statistics" is very popular!

 

أنا بحياتي ما انسألت ولا بعرف حدا انسأل..واذا فيه ناس بيوخذوا باعتبارهم لما يعملوا دراسة الأشياء اللي حكاها mab3oos فأكيد انهم ما بهتموش فيها بالأردن..أساسا احصائياتنا بهالبلد غريبة عن جد..شوفي الوصلة لأبو محجوب
http://www.youtube.com/watch?v=r1LxPur3gyc

 

It's as mab3oos said, they take some random people and ask them and based on them they calculate. On the Internet is's a different story it depends on number of voters but the proplem is that you can delete the cookies or use a proxy and vote again

 

Do you know something? I hadn't any question too.. LOOOL! I wish someone to ask me something one day.

 

صباح الخير هموسة , كيفك يا حلو :)
انا كثير مشتاقة , من زمان ما مريت , لعندك , بس اكيد ما راح عللي اشي لاني رجعت وقرات كل شي :D

وانبسطت بالبوست اللي قبل هاد !

يا ستي لا , ما عمرو صار هيك شي معي , وكمان بأكدلك انو الناس اللي بعرفهم حولي كمان ما صار معهم هيك شي !!

واكيد رح اسال الناس ولما اداوم بدي اسال اكتر ناس .

بس متل ما حكو الشباب , انه بتكون عينة
يعني متلا بتخيلهم زي اللي بعملو عليهم تجارب
:D
مياسي شو هالاستفتاء الحلو .. اغاني مرة وحدة .يااي , طيب خديني معك المرة الجاي :)
بس جد عرفو مين ياخدو
وطبعا بده ينصدم,يعني متغلب وبنقي أغاني , وبالاخر تحكيله هيك,كان جبرتي بخاطره
;D

 

Forget to tell you sth dear Hamsaa

Mubarak the new theme I really like it , this color reflect the highness, its Amber, right ?!
and as they said Previously its GIRLY :D, but that what make it more cute and curious ;)

 

انا انا شاركت باستطلاع
كان ابوي لما ياخدنا مشوار يحكيلنا
اللي بده نروح على الطازج يرفع ايده
واللي بحب لبناني سناك يرفع ايده
واللي بحب نروح ناكل بالبيت يرفع ايده
اخر اشي بطنش الكل وبياخدنا على جبري

مبروووك اللوك الجديد صحيح
:)

 

معقول اللي عم تحكيه؟

انا شاركت باستطلاعات كتيرة .. غير اللي ع النت ... كانت تتصل فيي مرة شركة زين ... ومرة امنية ... وقبل فترة ... وانا بالامتحانات .. اتصلت وحدة معي من "ابصر شو للدراسات" بس كان علي امتحانات ومش فاضي ... ووعدتني بأنو ترجع تتصل ... بس ما رجعت اتصلت

 

مياسي

والله والله يا ميسو مشاركه باستفتاءات اغاني كمان!!! :)

25000 ...انا موافقه ...بلا برمجه بلاهم على رأيك :)

Maf3oos

This USUAL way of surveys is not applied...

Sooooo it's unreal numbers, and reflect a specific point of view is biased in advance...
Lies...Lies...Lies as u said :S

 

Dreamy Villager

المشكله انهم بعتمدو عليها بكتير من مشاكل المواطنين و بمقالات بتخص المواطنين :(

هههههههه جد تحشيش لفيديو..وعالوجع جاي :)

Ahmad Hamdan

so maybe it is also not right !!!
ya salam :S

Mohammed Badi

Join the club :D
me toooooo :"(

I want to use the word " fe alwaqe3" and " fe al7aqeqa" at least once in my life :$

 

eNAS 1

يا ريت تسأليلي نفسي اعرف حد عمل استفتاء..

شفتي ميسو ...مش قليله طلعت البنت :)

eNAS 2
شكرا يا قمر و كتير مبسوطه انه عجبك :)

Anas

ههههههههه جد ضحكتني
انا حكيت الشب بحكي انا وبعنف ازا اكيد عامل استفتاءات بلاوي
هيك الاباء عاده دكتاتوريين بديمقراطيه بحته :)


الله يبارك فيك :)

 

Mohammad Al_Mahrouq
اه والله يا مان
ولا حد سألني

بس واضح ان تلفونك مع دائره الاستطلاعات العامه وعلى طول بتصلو فيك :)

 

همسه

شو بدنا نعمل؟ ياختي انا دايمن مرصوده للناس الغريبين والاشياء الغريبه قسمه:) وازيدك من الشعر بيت طلعلي من ورا الاستفتاء كوبون بـ 30 دينار ورحت فيهم على كوزمو لوول :)

 

إيناس

ما هو كمان طلع الاستفتاء بيعملوه شركه امريكيه وبيروح على امريكا اون لاين مباشره زي التوفل

وجد بحكي كمان مره :)

 

مفكرتيني بمزح؟ والله بحكي جد

 

mmmmmm...
ma 3omro 7ada sa2alni 3n eshi :-)

 

مياسي

الله بعين يا قمر...شو تعملي اذا انت مميزه و بتلفتي نظرهم :)

ومدام في شوبنج من ورا الموضوع فالوضع ممتاز اذا :)

احمد

لااا بعرف انك بتحكي جد
نيالك يا سيدي...انا ما حد بياخد رأيي بشي :(

 

Naryat

kulna belhawa sawa...kulna 6le3at 2ara2na toqaddar :(

 

أعتقد أن مركز الدراسات الأستراتيجيه بالجامعه الاردنيه هو الجهة الوحيده التي تقدم دراسات قريبه من الواقع ..

أظن فيما تبقي .. كلامك صحيح .. أغلبها إما دراسات غير علميه .. أو واحد قاعد بعبي أرقام

 

Side comment:
Links on your top banner are broken:
home link1 link2

they point to nowhere .. you can fix them

 

Amjad 1

اه سمعت عنه قبل, بس ممكن دراساته بتكون متخصصه بامور معينه مش عامه

مش دراسات توقعات او تنبؤات هاي وحسب مزاج ومذهب وتوجه السياسي للي بعملها

Amjad 2

I know...I tried 100 times to change the links but I couldn't find out from where to change them :(