Things I Like To Whisper About

Would You Hear Me Whispering

اختلاف معايير

اليوم كنت بحوار عن موضوع مقارنه تصرفات الشب مع تصرفات البنت
يعني القصه اللي انطرحت ان في شب جايب بنت تتعرف على امه لانه بحبها وبده يخطبها
اهل الشب شايفين ان الموضوع عادي وبما ان الشب جايبها ازا فعلا قصده اشي منيح

انا من وجهه نظري ما بدي اخالف او اعارض بس لو ان اخت الشب راحت مع واحد بده يخطبها على بيت اهله شو بكون موقفه ساعتها؟؟؟


قصه تانيه صارت مع اخوي, وهو بدور على عروس راح شاف بنت و خلال نفس الجلسه اعطو لبعض ارقام موبايلاتهم, والبنت صارت تبعتله مسجات ان انت الشب اللي طول عمري بحلم فيه , وكل شوي مسج, وانا اسعد بنت بالدنيها وهالقصص, اهلي شافو هالشي نوع من تمسك البنت باخوي, وصارو يقنعوه بالبنت, انا سألتهم لو انا اجا واحد عالمكتب عريس المفروض و اخدت رقمه و صرت ابعتله مسجات شو بكون رأيكم, ماما حكتلي لا انت ما بتعمليها , انت تربايتي!!!

طيب هل هاد بعني ان تصرف البنت صح ويلا غلط؟؟

القصد ان دايما بمجتمعنا راح نضل نشوف تصرفات الشب و اي شي بخصه الها تبرير برئ جدا
اما تصرفات البنت اللي بتخصهم لازم تكون مدروسه و اي تصرف بدها تتحاسب على ادق ادق تفاصيله



25 التعليقات :

بصراحة غريب جواب أمك ..أو حتى رأيهم بالموضوع..اللي دايما بشوفه وبسمعه انه أهل العريس بدهم لابنهم وحدة ما عليها الحكي ( مش قصدي اشي عالبنت اللي أخوكِ شافها بس أنا ضد اللي عملته)..بس شكله أخوكِ مغلب أهلك وبدهم يجوزوه ويرتاحوا :)
يا ستي الله يتمم عخير

 

مرحبا
هو الناس بيرضوا مرات الغلط على الاخرين و ما بيرضوه على حالهم

بس مش دايماً المجتمع بينظر للشب انه هو الصح يعني على سبيل المثال لو في اثنين متزوجين اتطلقوا، الشب صعب يرد يتزوج لأنه الناس ما رح تقتنع انه هو كان الملاك البريء و انه المشكلة من الزوجة فقط

 

للاسف عنا المجتمع بوجهين, مع الشاب وجه ومع البنت وجه اخر , اذا غلطت بنت فحسابها عسير غير النظرة السيئة اللي بتتعرضلها اما اذا غلط شاب فشي عادي , انشالله انو مع مرور الايام بتغير اسلوب هالتفكير السئ, نصير نحاسب الواحد غلطوا شو ما كان جنسو

 

Isnt that weird??
Especially when it is supposed to be the other way around!!

 

kalamek kteeeeer mazboot o wejhet nazarik sa7ee7a...
Dayman nazretna lalbanat elli men barra betkun 3'eer.. Ebenna betla3lo el benet tet3ala2 feyyo... o bekun 3adi to3od teb3atlo messegat o beseer bent el 3alam t7eb 2ebenna... bs bentna, laaaa ya 3ammi!! Bentna ma betru7 la3end el nas, el nas beju la3endha! bentna ma bet7eb eben el nas, eben el nas be7ebha... ma bteb3at messegat lalnas, el nas bteb3atelha...
2eeeh...
es2alini eli 3n had el mawdoo3 :-)

 

والله الغريب - ليش الشب بصحلو و ليش البنت ما بصحلها

لمتى هالسؤال جد شي مخزي ليش البنت و ليش الشب

البنت بنت و الشاب شاب

اذا البنت ما بترضى ع حالها هالكلام متطلع من جكاية ليش البنت و ليش الشب خلصونا من هالقصة ولا شو رايكم نقعد في البيت و انت تشتغلو و تصرفو علينا و بالمرة تصيرو تشوفو ولاد العالم و ترحو ع بيتهم تدورو ع ابن الحلال

اللى بحكى كلمه يحسبها و يوزنها قبل لا يحكى

بتاسف اذا اسات الكلام و انفعلت بس اللى ايمان و دين ما بتقارن خالها بالشب

بعتذر من جديد

 

نظرة متخلفة من المجتمع ...مش عارفة ليش و مش عارفة كيف افسرها .. مهو الغلط غلط سواء عملته حوا ولا ادم ..بس ليه حوا مجرمة و ادم دايما معزور ما بعرف !!!؟؟
عنجد هاي مشكلة كبيرة و ضروري المجتمع يتغير

 

Dreamy Villager

شفتي بالله, لكن بعدها اقتنعت بكلامي

اخوي زي ما حكيتي كان كتير مغلبهم بالموضوع و كانت اول بنت بتعجبه فماما بدها تمشي بالموضوع
ما صار نصيب مع البنت واخوي هلأ متزوج و عنده اولاد :)

Allouh

اهلا محمد
بالعكس انا بحس ان الشب بس يطلق كتير عادي و بتصير ولكن البنت هي اللي بتصير عليها زي نقطه سودا, وشو بدك بوجع هالراس و شو بدك فيها ومن هالحكي
اما الشب فما بعيبه اشي...هيك المعظم بفكر و قلّه قليله اللي ما بفكرو هيك

 

Dear Wisper,

I didnt see any thing wrong by what did they do i think that the girls have the right to do wat ever they want if it is not against the relegion, as you knw khdiga ashed profit mohamad (sala allah aleh wasalm)to marry her, soooo whats wrong?????

Zaid

 

Ahmad Hamdan

للاسف المعظم هيك...ان شاء الله تتغير مع انه واضح انها ما راح تتغير :)

Ala' JA

They said because he introduce her to his family so he means good.
I'm thinking what if he is not a good guy and there is no one at home what will happen to the girl!!!!


Naryat

unfortunately this what happened in most of the familys
I'm not against all that, there is thing we "BOTH" - boys and girls- shouldn't do

allah be3eeen :D

 

صباحوا ... إزايك ؟؟؟
ممم ، اه هلأ الشب إزا كان حابب اهلوا بيحكوا ريحنا الشب و مو بحاجة ندورلوا على عروس و الكل بينبسط ..
بس البنت !!! إنه له ليه .... و أي تصرف محسوب عليها ...
الله يتوب على البنات ...
الشب من حقه يعيش حياته .. و لو ..
بالنسبة لرأي إمك , إنه إلي ما بترضاه على بنتها ما أظن إنه لازم ترضى لبنات الناس و البنت برأيي ما تصرفت غلط ... أو بجوز تسرعت ..
بالنسبة البنت تروح تشوف أهل الشب ,, أنا ضد هاي الفكرة تماما .. و ما بأييد .. هادا الشي ....
بتعرفوا عليها بس يجوا يخطبوها ... .أحسن :)

 

ازدواجيه والفيه وزفتنة معايير

لا اذا اتجوزتي بتخلصي ولا اذا حبيتي بتخلصي ولا اذا كذبتي بتخلصي القرف لاحقك وين ما رحتي!!!

اشي بيخزي وعيشه ممله!!!

 

Anonymous 1

انا ما بحكي ليش الشب يصحلو وليش لأ
انا اساسا مش مع خزعبلات مساواه الرجل بالمرأه وهالحكي لان زي ما حكيت الشب شب والبنت بنت

ما حد بقدر ينكر ان هالايام الزوج و الزوجه بصرفو عالبيت التنين سوا وراتب واحد ما بكفيهم, فما حد راح يقعد بالبيت :)

انت فهمت الموضوع غلط

القصد هو ان الغلط غلط بغض النظر مين بعمله
فكره ان البنت تروح مع شب على بيته غلط ومرفوضه مش بنات العالم مش مهم يجو عنا بس بنتي بقتلها اذا عملت هالعمله.
الدين وضّح حقوق و واجبات الطرفين وهاي ما بنختلف عليها
والدين واضح يا حلال يا حرام...وما في اشي حلال للشب وحرام للبنت الا الامور الموضحه بالقرأن و الكل بعرفها..تعدد الزوجات, النسب بالميراث...
هاد القصد وبالعكس كتير اسعدني تعليقك واهلا وسهلا فيك دائما :)

 

Maroo

بالزبط عليكي نور هاد اللي بقصده :)
ان شاء الله تتغير هالنظره

Zaid

What if the man was not that good and he toke the girl to an empty house!!!

About the SMS, maybe because I don't do such a thing I consider it wrong :$ maybe for some people it's not wrong

you r right there is a lot of things people don't approve but it's not wrong and not against religion and it's some thing wrong.

 

رزان

صباح الفل
ماما حبيبتي تسرعت لانها بدها تخلص من اخوي اللي غلبها وهو بدور على عروس, بس برضه المفروض الواحد يكيل بمكيال واحد
والبنت اللي بدها تيجي بدها تصير بنتها

بقدر يتعرف عليها بشغلها اذا مش حابب يزور اهلها و مش متأكد انها اللي بدو اياها بس انها تروح على بيته كتير غلط

مياسي

زي ما حكى المعظم هو لو اتطبق الدين الصح ما بنواجه اي ازدواجيه ولا اي مشكله.

ههههههه مالك يا بنت ليش عصبتي :)

 

انداري!!!

عايفه حالي بصراحه احكي لي شو في اشي ما بيعصب بالله؟

واي دين يا همسه واللي يرحم والديكي؟ مش تالناس ينتبهولو بالأول؟!!!

 

مياسي

الله بعين يا قمر..وربنا بفرجها عالجميع
انت هالماستر هو اللي مزهقك يلااا هانت وان شاء الله بتخلصيه على خير

مهون مشكلتنا ان العالم ناسيه الدين بحياتها

 

مرحبا مرة ثانية
انا حكيت رأيي بناء على تجارب شاهدتها و تجارب اخرى كانوا اصحابي يحكولي عنها

 

Mohammad

ما بنكر ان في ناس كتير تفكيرهم بهالموضوع بكون نوع من العناد البحت وبعيد تماما عن الموضوعيه

وجهه نظرك كتير بتسعدني
وهاد هدف المدونه انه يعرض اكتر من وجهه نظر للموضوع

اهلا وسهلا فيك دائما

 

مرحبا همسه
هاد هو اصل الغلط لانه دايما من برر للشب كل تصرفاته حتى الزنا في حين البنت ماسكين السكين على راسها وعلى الدقه تخلف وحياتك وهاي التصرفات تذهب و نربي اطفالنا تربيه فيها نوع من العداله الالهيه اللي فيها تساوى حواء وآدم في العقاب

 

اهلا سوزان

في كلمه بضلهم الناس يكرروها
هو شب ما بعيبه اشي...كيف يعني ما بعيبه اشي؟؟؟

صح سبحان الله اول مره بنتبه... ان العقاب كان بعداله لادم وحواء معا :)

 

شو عم يصير هون.. أصواتكون طالعة.. هيهيهيهي

هيدي العادات مستحيل تنمحى من مجتمعنا العربي هلأ في شغلات سلبيه وفي ايجابيه.
بس يلي بدي قولو إنو إزا كل شي بمعرفة الأهل فا ما كتير غلط إزا البنت أخدت الرقم وبعتت مسجات، لان هدفون انون يتعرفو على بعض بس بل معقول يعني ما تزودا البنت ولا الشب.

و إزا أجاكي عريس عل مكتب وعلى أساس بدو يتأهل إحكيلو بوشك على بيت بيي،، إزا عجبك خدي معك بنفس ال يوم :) عنجدددد..

بنهايه اهلنا ومنعرفون ال بنت بنت ول شب شب.... :S
ويا ويلك ياااا ويلك إزا بسمع موبايلك رن رنه وفصل ..هيهيهي!!

 

Jumana

هههههه لااااا احنا بنتناقش بس بدفاشه شوي :)

اذا الاهل عندهم علم بتكون هيك البنت مش عامله اشي غلط اكيد

وخير الامور الوسط...مع اني بميل للجديه الزياده بحياتي ما بعرف غلط ويلا لأ!!!

ههههههههه او تيجيكي مسج عاخر الليل يا سلاااااااااااام :)

 

والله يا همسه الموضوع صار الواحد كل يوم يقرأ عنه

أول اشي ما بصير الاشي ألي محرم أصلا .. نحكي إنه مقبول من الشب ومرفوض من البنت .. التصرف الغلط غلط

ثاني اشي .. لازم نراعي إنه فكره المساواة المطلقه بين الشب والبنت غير وارده .. وفيها إجحاف وظلم بحق البنت وبحق طبيعتها وأنوثتها

ثالث اشي .. إذا قبلنا بأنه لازم يكون هناك فيه اختلاف بين الشب والفتاة .. بترتب على هالكلام أشياء قد يكون هناك بعد السلوكيات - السلوكيات وليس التجاوزات - المقبوله من أحد الطرفين والغير مقبوله من الطرف الآخر

 

امجد
انا اللي بحكي عنه هي اول نقطه بكلامك
الاشي الحرام مش مقبول من الجميع

موضوع المساواه المطلقه انا ما بقتنع فيها, وانا مش حاسه ان لو اتطبق الدين صح ممكن تكون البنت بحاجه لقانون او اي حد يعطيها حقوقها ويجبرها تقوم بواجباتها.