Things I Like To Whisper About

Would You Hear Me Whispering

كيف يعني؟؟

اذا بكره اشي بالدنيا - بالاضافه لل 100اشي اللي صرت ذاكرتهم قبل - بكره اللي بحاول يتلاعب بالكلام عاساس انه فيلسوف عصره و انه معبر من الدرجه الاولى.

الخبر بجريده الغد عن 3 اطفال انفقدو و اهلهم خافو عليهم ,مع انه تفاصيل الخبر بتدل على ان اهلهم مش سائلين عنهم اساسا...
خافو الاهل تتكرر مأساه ورد بس الحمد لله - الذي لا يحمد على مكروه سواه - لقو الاولاد واحد نايم على سطوح بيتهم, و واحد ماسكينه مكافحه التسول و الثالث نايم مع صحابه بعد ما شمو غرا ويلا بنزين.

الموضوع مأساوي باختفائهم و باسباب اختفائهم
وين المشكله؟؟
المشكله بعنوان الخبر
" 3 اطفال يختفون ليوم واحد يثيرون كوميديا الذعر"

بدي حد لو سمحتو يفهمني شو يعني كوميديا الذعر؟؟؟ ومن ايمتا الذعر و اختفاء الاطفال صار كوميديا؟؟؟

يعني عالم فقدو اولادهم - بغض النظر عن موقفنا من الاهل بهالقصه - وين الكوميديا؟؟؟
بس تذكر قصه ورد و تذكر قصه او اشاعه على رأي الكاتب عن انتشار العصابات اللي بتاجر بالاعضاء البشريه , وين التشبيه الكوميدي بالموضوع؟؟؟

يا ريت بلاش نتلاعب بالكلمات و نحاول نتفزلك, ويا ريت نركز على حيثيات الخبر نفسه.

الخبر في جريده الغد


*اخبارطازه بتجنن O_o

- نسبه ارتفاع اسعار المحروقات 20%

- مقاله مثيره للفتنه و النعرات للكاتب المبدع بهذا المجال ناهض حتر في موقع عمون
و اعجبني التعليق التالي على المقاله


مواطن اردني فلسطيني فلسطيني اردني

"اخي حتر
كثير حكي ابتكتبه ما بفهم منه اشي
يمكن لاني بسيط كثير
يمكن انتوا الكتاب مختصين ودارسيت وبتقروا جرايد وكتب كثير
ويمك في اشياء ابتعملوها وبتفصدوها احنا مش فدها
او ما ابنفهم فيها
بس بقدر احكيلك اشي واحد
حطه حلقة في ذانك
( انا اصلي فلسطيني لانه ابوي ولد في فلسطين اما انا ولدت في الزرقا .. اتجوزت اردنية من اربد .. اولادي جدهم اردني وجدهم التاني فلسطيني .. عمهم اللي بلعبهم وبموت فيهم وفي محبتهم اردني بحب فلسطين وخالهم فلسطيني بحب الاردن .. انا واولادي وجدهم الاردني وجدهم الفلسطيني وعمهم وخالهم بنحب فلسطين وبنعشق الاردن وملك الاردن .. ,,وبنكون في الصف الاول دفاعا عن الاردن وفلسطين )
حبيت احكيلك هالشي لانه هالشي هوه اللي بفهم فيه انا واولادي وما يفهم في حكي التنظير اللي التحكوا فيه"

13 التعليقات :

صبااح الخير ...

واحد نايم على السط و التاني ببيت صاحبه و التالت ممسوك .... لووول... و إختفاااء ....
هادا إهمال الأهل .... بدهم يخلفوا بدهم يديروا بالهم على أولادهم ....و حتى ورد .. حدا بيبعت ولد عمره 5 سنوات لحاله ....
و كوميديا .. ليه هوة فيلم ,,, !!!!
لا حول و لا قوة إلا بالله

 

صباح الورد رزان

شفتي يا اختي الله يعين العالم :(

لا حول ولا قوه الا بالله :)

 

اول مرة اسمع فيها هاي كوميديا الذعر , اما بالنسبة لناهض حتر فهو بس بدو ينظر و يسوي حالو فهمان و التعليق اللي ذكرتي افضل جواب عليه, من متى اصل الشخص بحكم مين هو؟؟؟؟

 

Dearest Whisper,
I have no comments regarding the first issue of children missing, allah y3een il kul and i am sure that they had reasons, oo allah yir7am il jamee3 b ra7mito..

However, regarding the Jordanien-Palestenien issue, its something I-on behlaf of myself- is very ashamed of, let me remind people trying to make a certain type of discrimnation that this was once the same country, wil 7aki ma sarlo kteer!! 3aib il 7aki had... we have bigger problems to deal with, wether in palestine or in Jordan!! those people trying to discriminate and y3milo fitne must be punished... e7na mush na2seen!!! ya riet il nas tifham inno ma dam il nas heik bitfakker...3umerna ma ra7 yseer wi7de, the thing that we should all care about!!! sorry for the long comment but this is something ridiculous and really gets on my nerves....

 

سلام
شكلو اللي كاتب الخبر بيحضر افلام هيتشكوك كثير

بالنسبة لناهض : بالعادة بيحاول يكتب الحقيقة المجردة اللي الكل ما بيحب يحكيها بس باخر فترة صار القارئ بدو مفسر ليشرحله شو بيقصد ناهض

 

مرحبا
التعليق المرفق بعبر عن الواقع أكثر من كل المقالات إلي كتبتها الجرايد و البرامج إلي عملتها محطات التلفزيون ...


على فكره ألي من أول حزيران بنام عالسطح وأنا مش عارف اني عامل كوميديا ذعر لأهلي
:)

 

Ahmad Hamdan
ولهلأ مش فاهمه شو كان قصده لكاتب المقاله بهالكلمه !!

من التعليقات وللاسف ببين ان في ناس كتير بحملو نفس الافكار الهدّامه و اللي ما بتحل مشكله بل بتخلقها

Ala' JA
I know...Allah ye3een el3alam
You say it all....thanks Ala'

Allouh

اهلا محمد :)

ما فهمت؟؟؟ يعني انت مع رأي ناهض حتر ويلا لأ؟؟

امجد
وانا كمان ...هو التعليق اللي لقيته الرد المناسب على المقاله

هههههههه طيب بالله تسألهم عن شعورهم بالزبط ...لاني لهلأ مش فاهمه شو قصد الكاتب :$

 

hiii =)
well, hae mo awal mara bynfe2ed atfal be jordan!! fa kelo ta2 7anak..

wel mo3ale2 3ala hl ma5al, kan asdo eshr7lo la hl katb el mobde3 inno fe nesbe kberei ma 3ndoon 3nsoreeh ben falastene w ordoni!!w a3tah mesel 3ala 7alo..

nas fadeeh lel 3lak w ta2 el 7anak!!!

she bynza3 el mara2 ya!!!

 

Ahlan Jumana
kefek ya amar??

Allah ye3een el3alam

about the comment it's a common situation here in Jordan to have this


I'm from Jaffa and my brother's wife from Irbid,the two families are one now :D

 

سلام
بصراحة انا بشوف انه في عنده وجهة نظر باللي بكتبه و مش كل اللي مقالاته غلط بس احنا عنا مشكلة بالقراءة و فهم اللي بيقصده ما بين السطور

 

اهلا محمد

مع اني حاولت اطلّع اي شي من بين السطور غير الاشي الواضح اللي بقصده الكاتب ما لقيت :)

وجهه نظرك واكيد بحترمها :)

 

توضيح:
الزلمة بشر مرات بخطئ و مرات بصيب،
انا ما بقصد هاي المقالة بقصد كتاباته بشكل عام

و على فكرة تقريباً وضعي زي وضعك ،
النا معارف و نسايب كثير اصولهم من اربد و عمان و حتى الكرك

 

Allouh

انا معك بانه الكاتب انسان ومش معصوم من الخطأ

شكله الكل نفس الوضع :)