Things I Like To Whisper About

Would You Hear Me Whispering

سلسله عرسان - الحلقه التاسعه




القصه اليوم مش عني...القصه سمعتها من صاحبتها اللي طلبت مني اكتبها هون

البنت من عيله عندها شرط اساسي ان البنات يتزوجو بالترتيب حسب العمر, وبرفضو البنت الصغيره تتزوج قبل الكبيره, العيله كان فيها 6 بنات , صاحبه القصه رقم 4 بالبنات , البنات الكبار ال 3 تزوجو و هلأ صار دورها.

العيله من اللي بزوجو بناتهم بعمر صغير يعني بتخلص البنت توجيهي و بتزوج فورا و الاخت اللي ترتيبها 2 بالبنات بعتبروها تزوجت كبيره لانها تزوجت بعمر ال 20 يعني قعدت سنتين بالبيت ...

عمر البنات ال3 الصغار متقارب جدا, و كان يجي عرسان ممتازين للبنتين الصغار و ما يجيها عرسان زي العالم, وطبعا الاهل يرفضو العرسان لان الكبيره لسا ما تزوجت, مع انها كانت تحكي لاهلها انها ما عندها اي مشكله لو اخت من او التنتين تزوجو قبلها, بس الاهل كانو رافضين الموضوع تماما.

وهي بعمر ال 21 تقدملها عريس وكانت مواصفاته ممتازه بالنسبه لعيلتها , صاحب مصلحه و من بلد معينه - لانهم برفضو عرسان من مدن معينه و من عائلات معينه - المهم الشب مواصفاته كانت مناسبه , والموافقه كانت من الطرفين, واتفقو على كل التفاصيل والمقدم و المؤخر و هالامور, اتفقو المقدم 3 الاف و المؤخر 5 الاف, و بعد عده زيارات المفروض انهم اتفقو على كل اشي, اجو اهل العريس و حكو ان الشب مشغول كتير بشغله و انهم مضطرين يأجلو الخطبه لفتره لحتى يخلص شغله, اهل البنت ما مانعو بس اكدولهم اهل العريس ان الفتره ما راح تزيد عن شهر, وبعدها غاب العريس و اهله وما بينو بالمره, و ابوها حكالها انه لو اجا عرسان بدك تشوفيهم وتنسي الشب وهاد اللي صار, و بهالوقت كان يجي عرسان للبنات الصغار و برضه الاهل يرفضو الموضوع لتتزوج اختهم الكبيره.

مرت سنه عالموضوع وبيوم من الايام اتصلت ام العريس و احنا اسفين والله انشغلنا و توفى مش عارفه مين و الدنيا اخدتنا و احنا حابين نيجي نزوركم و احنا حبيناكم و حبينا البنت ومن هالحكي. المهم اجا العريس و اهله و المفروض انه خلص بدهم يحددو موعد حفله الخطبه, ابو البنت حكا بنضلنا على اتفاقنا الاولاني, 3 الاف متقدم و 5 متأخر, رد ابو العريس لا يا ابو فلان لا تنسى ان البنت الها سنه قاعده, الفين مقدم بكفو......

سكت ابو البنت, وقام فتح باب البيت و حكالهم الله معكم ما عنا بنات للزواج, صار الاب يعتذر ومش القصد و بالعكس البنت بتتقل بالذهب, الاب رجع حكالهم نفس الجمله " الله معكم وما عنا بنات للزواج"

البنت هلأ متزوجه وعندها 3 ولاد , زوجها شخص رائع و بستاهلها و بقدرها و بحبها كتير, و خواتها متزوجين من العرسان اللي كانو يتقدمولهم قبل , كل وحده كان في عريس يضل كل فتره يجي يخطبها و الحمد لله ربنا يسرلهم احسن الازواج, يعني اللي كاتبه ربنا هو اللي شافوه وبوقته .

غريبين بعض الناس كيف بعتبرو البنت زي غرض معروض بمحل و السنه التانيه بدو يصير عليها تنزيلات لانه صار في موديلات جديده بالاسواق و لازم يخلصو من القديم..... و غريبين الاهل اللي لسا متمسكين بان البنت الكبيره هي اللي لازم تتزوج....الحمد لله ما عندي خوات كان اكلو هوا وهمه بستنو فيي :)




ملاحظه: اي تشابه بالاسماء او بالاحداث فهو من محض الصدفه البحته, والاحداث جميعها من وحل الواقع

الحلقات السابقه

15 التعليقات :

همسة هاي كلو نتيجة الجهل و العادات الوسخة اللي مفكرينها صح و هي كلها غلط, التفكير الوسخ اللي بفكر انو البنت هي سلعة تباع و تشترى في اسواق النخاسة, انشالله انو هالتفكير حينتهي من مجتمعاتنا على مر الايام

 

طيب خدي عندك هالقصه
بعرف بنت مهندسه زي حالاتنا ومعها ماستر وعيلتهم كان لازم تتجوزي حد من عيلتك ما دام متوفر

يعني هم 7 بنات في العيله وفي 20 شب ولازم تختاري واحد منهم!!!
كانت خاطبه واحد غريب مش من العيله وبعدين فسخوا لانو اهلها واهله مش طايقين بعض بالمره!!

وبالاخر اتجوزت من عيلتها واحد ما معاه يا دوب توجيهي بس لانو هيك بيصير فشو رأيك؟ (اللي بعرفه انها مبسوطه معاه)

بالنسبه للجماعه تاعون التسعيره واضح انهم اتزكروها للبنت بالاخر؛ يمكن ما زبط معاهم شي تاني يعني

وبالزواج بتسمعي قصص غريبه عجيبه جد

 

I really hope that jobs arent the same with those people, ma ana sarle saneh ga3ed, fa mumken badal 350 aw 300, baseer 'astahal' 200 aw laish, 50 layra, oo kteer 3alay kaman!!!

sometimes I really would like to understand how certain people think, but yet again, no thanks, I am happy with my way of thinking :D

 

Hi sweeti...
I've been reading your blog for quite a month now... and cannot hide my admiration for the blog and the owner :-)
This is my first time to comment...
To be honest, the "Selselet 3ersan" is the thing that attracted me to your blog, I hit one of the episodes during some web search, and from that time and on I became a loyal reader of you ;-)
May be the thing that attracted me most is the similar experiences between you and myself, and the very similar attitude towards marriage... I guess we all, girls who are not so young (I mean crossed 23 :-p) educated with high self-esteem and are careful about whome to spend the rest of our lives with, we all have a special bond between us :-)
Or that's what I feel!
Any ways, will be more than glad to receive you in my place ;-)
Saba7ek foll dear...

 

Ahmad

للاسف ان لسا في ناس متمسكين بهالمعتقدات لهلأ...و الافكار الباليه مش راضيه تروح من عقلهم


مياسي

الله يهنيها.... بس يعني حتى الاسلام بنادي بتغريب النكاح, وهاد دليل انه احسن للناس من كل النواحي, صحيا و حتى على مستوى المشاكل بين العيله.

الله يعينا شو بدنا نعمل...بدنا نتحمل :)

 

Ala' JA

LOOOL imagen that !!!
No need to understand such a thing :S

Naryat

ya saba7 elward :D
WOW thanks for your sweet words ::blushing::
this is a common problem we girls face, and after start writing this I found out that men do suffer too :D

I've been there this morning and I really love your blog, and I'll be there again for sure :D

 

مرحبا
صراحة قصة غريبة .. انا مرة بعقد و كنت صغير .. لما بلشوا يحكوا .. ابو العروس حكا .. زي ما راحوا زميلاتها


بس عجبني ابوها كيف رد عليهم مع انه مش لازم يستقبلهم

بالنسبه لوضوع الترتيب .. بصراحة المفروض المنطق و العقل ما بتفرق .. خصوصا اذا كانت البنت مش اولوية عندها الزواج و مشغولة بالدراسة

 

تغريب النكاح ..مزبووط و هادا إلي أنا بنادي في ...
و إنت أدرى ....

أنا بصراحة .. و لا أحكيلك بلاها ..
:)

ع فكرة بعتلك مسج تانية

 

امجد

اهلها كتير بسيطين و بدهم اياها تتزوج لانها بنظرهم كبرت و خواتها كبرو...كتير عائلات للاسف بفكرو هيك :)

رزان

مسا الورد يا قمر
احنا عنا بالعيله معلنينها لا بناخد ولا بنعطي قرايب...هيك احسن :)

وصلتني و رديت عليها يا قمر :)

 

مرحبا همسه
الموضوع مش غريب بس بالنسبه انه الصغيره ما تتزوج قبل الكبيره الها حكمه انه الخوات ما ينجرحوا من الموقف وانا باحكي من شي شفته
اما التسعيره انا بتذكر انه لما رحت على المحكمه لكتب الكتاب كان هناك بنت بدها تتزوج من شب عربي امريكي الا انه العيلتين اختلفوا على التسعيره او المهر اب وام العروس يحكوا انه بناتنا سعرهم 30 الف وهمه كانوا متفقين على 2 الف والشب اجا على البنت وحكى اذا انت بدك ال30 انا باعطيهم اياكي بس شو رأيك وهي كانت تحكي انا مع اهلي واذا طلعت على وجهها تعرفي انها مش راضيه على الشي يعني وفي النهايه القصص من الطرفين ودايما في كثير من الاحيان بيؤذوا اولادهم

 

اهلا سوزان

في منه بس زي ما حكا امجد هالايام البنت بدها تشتغل او تكمل دراستها وبتكون مش مفكره بالزواج اساسا فبهيك وضع حرام البنت الصغيره اللي يمكن هالامور ما بتهمها انها تضلها مرتبطه حياتها بزواج اختها

يا الله هالموضوع شو بكرهه....دايما الاهل بفكرو انه هالامور اهم شي مع انه بما انك وثقت بالشب انه بستاهل بنتك خلص اي فلوس ما الها معنى

 

يالله شو خفت أبوها يعطيهم بنته...كوّنت عنه فكرة غلط من ورا انه بزوّج البنات بالترتيب...بس الحمدلله.
بعدين شو "الوقاحة" هاي: "البنت الها سنه قاعده, الفين مقدم بكفو " ؟!؟!
هي من ورا مين الها سنه قاعدة .. ولا واقفة ..

والله كويسة هاي السلسلة، الواحد بتعلم.

 

Dreamy Villager

لا الحمد لله بس هاي عادات بتكون ما بعرف ليش مقتنعين فيها
جد وقاحه ....يعني بضاعه السنه الماضيه صارت البنت

جد كويسه؟؟؟ الهدف انه البنات يعرفو ان هالقصص اللي بتصير مع الكل, و الشباب يعرفو شو ما يعملو :)

 

LooooooooooooooooooooooL hahahahha 3ajabtne sarelha saneh ga3deh.. 5elsat el kafaleh ya3ne? looooooooooooooooooooool

 

LOOOOOL kafaleh :D

ma bte3raf keef befakro b3d elnaaaaas :S