Things I Like To Whisper About

Would You Hear Me Whispering

حشرااااات



امبارح بالليل في حد ضلو يحكيلي عن الصراصير مع اني معلنيتها اني بكره الحشرات عموما, بس الصراصير بالذات بتعملي حاله هستيريه, جد بتقزز , ما بعرف شو اللي حكيته ونرفزهم لهالعام - او بعرف بس بدي اطول بالي و اعمل حالي مش عارفه - وبعد كل هاد الكلام عن الصراصير, طبعا صابتني حاله تخيلات طول السهره, كل شوي كأني بلمح اشي بمشي, واذاني تحكني, و طبيعي اني بس نمت حلمت بالصراصير :"(



النا اسبوع بنعاني من النمل على البرنده, مش عارفين من وين بالزبط بيجي, حاولنا انتابع اكتر من نمله انا نشوفها بتدخل بحفره او بمكان مش عارفين, فجأه اختفو والحمد لله بس تاني يوم رجعو .
مسكت وحده من النملات و ضليت اسألها " ولك وين خواتك احكيلي" وهي ولا هي هون و ما اعترفت باشي ...-.ماما بتحكيلي وك من وين جايبه خفه هالدم :) بحكيلها انا جديد اكتشفتها :$ -المهم سكرنا باب البرنده امبارح و رشت ماما مبيد و اليوم نظفناها والحمد لله لهلأ ما بين اشي, شكلنا قضينا عليهم.


القارص....يعني انا مع القارصه, بدك تقرصي ماشي حقك ما اختلفنا بدك تعيشي, بس انك تقرصيني باماكن حقيره ما بعرف احكها كتيير, يعني على عقده الاصبع, على قاع الرجل, على عيني و افيق الصبح بمنظر واروح عالشغل بهالمنظر !!! عيب يعني
بعدين نفسي اعرف شو شعورها للقارصه لو مسكتها من جناحينها و حددت موقع دانها بالزبط و ضليت طول الليل احكيلها " زززززززززززززززززززززززززززز" بدانها شو بدها تعمل؟؟؟ يعني جد لازم نعملها فيها لتعرف انه هالحركه كتير عاطله منها, يا اختي اقرصيني انا موافقه بس تضلك تزني بداني هاي ما عجبتني منك.



10 التعليقات :

أي شو هالادب مع القارصه هاد؟!!! :)

 

LOL, oo shartek , its only in the summer!! lamma il wa7ad mush tayeg il gha6a... the only thing I hate about summer is this!!!ZZZZZZZZZZZZZZZZZZZZZZZZZZZZZZZZZZZZZZ, hateful indeed!!

 

صباااح الورد :)

حطي مروحة بالغرفة و شوفي إنه و لا قارصة راح تقرب عليكِ :)

و نهارك سعيد

 

مياسي
كتير صح...خلص لازم ابدا اصير شريره مش ماشي الوضع هيك :$

Ala' JA

y3nny it's hot and ma sadda2 elwa7ad y3'faa....and the problem that they become clever and hid well :(

 

رزان
صباح الفل
والله فكره...منها الواحد ببورد و كمان بستفيد ان القارص يبعد عنه

خلص الليله بدي اجربها :)

 

Post 3al wajaaaaaaaaaa3 !!! :(
la tet5ayyali adeh ana ba3ani men 2ars il namos,ya3ni ana ma2rosa ferejli 2arsa daba7atni mesh 3am ba3raf at7arrak wallahi,wel Fenistil (dawa lal 2ars) sha3'al 3ala madar il sa3a,bte3rafi shekol a7san ajeeb hay il namoseyyehw 2a3ale2ha,sar aswa2 she fel 7aya eno il wa7ad yenam !!

3ala fekra sha3'elt il 7aki ma3 namel bardo saret ma3i,w ana meqten3a eno il namel befham 3alena ;)

 

Ashwaq
ahlan wa sahlan ya amar....shooo shaklek safartee zamaan ma bayanty , 2esht2nalek :D

I tried what Razan told me ...the fan WOW really I didn't wake up at all last night
Thanks Razan :D
try it :)

 

فايقه ورايقه كثير بس الي زمان عن هالحشرات زززززززززززززز

 

:$ شايقه بالله
الحمد لله بدكيش هالزنننننن :)

 

هههههههههه


لوما شوي فكرت أنا اللي قززتك ههههههههههه