Things I Like To Whisper About

Would You Hear Me Whispering

ايام الامتحانات



بتذكر ايام امتحانات اخر السنه وانا بالمدرسه كنت احب ادرس عند باب الترس, كنا بالبيت القديم وكان في ترس كبيير و الدنيا عاده زي هالايام شوب و الواحد مش طايق حاله.

بتذكر اني كنت ادرس نص ساعه بالكتير و بعدين ابدا اصفن بالسما -اللي بغير ايام الامتحانات ما كنت اتطلع عليها - و اتفرج عاسراب الحمام وهمه طايرين, و اصفن ساعه ساعتين بايش و بمين مش عارفه, وبصير اسأل حالي انا ليش ما بتطلع عالسما و بسرح فيها بالايام العاديه؟؟؟ خلص اول ما اخلص الامتحانات بدي اقعد نفس القعده و اضل اتطلع عالسما والحمام و الطيارات الورقيه اللي بطيروها اولاد الجيران من اساطيح البيوت, وطبعا ما برجع لهلموقع الا بعد سنه بامتحانات نهايه السنه للصف الللي وراه.

ليش بايام الامتحانات كل شي بصير حلو؟؟؟ بتصير قرأه الجريده اللي عمرنا ما عملناها اشي ممتع عنا, وحتى برنامج افاق علميه اللي بنطنشه و بنوطي الصوت لحتى نشوف بس تبدا افلام الكرتون بعده طول ايام السنه, بنصير بدنا نحضره والثقافه بتصير مقطعه بعضها.

ليش اول ما امسك الكتاب ولو كنت هلأ فايقه من النوم بصير مش قادره افتح عيوني؟؟؟

ايام الجامعه بس يكون عندي امتحان تاني يوم, بصير اتفرج عالعالم بالباصات و المجمعات و بصير احسد كل واحد على انه بكره ما عنده امتحانات, حتى صديقنا كنترول الباص كنت احسده هو والشوفير , ما في وراهم اشي, ولا دراسه ولا هم ولا دكاتره مقرفين, وبس اخلص فتره الامتحانات ارجع لعقلي و احس بالندم, واتهم حالي اني انانيه و العالم اللي فيها مكفيها ....

هالايام خلصنا والحمد لله الدراسه, بعرف ان في نوعيه من الناس اللي بتضل تحب تتعلم لاخر لحظه, مثل اخوي الله يسهل عليه , متعته يقرأ كتاب عن التيارات الكهربائيه المش عارفه شو وتأثيرها بالضغط العالي المتكهرب, شو بدك يا اخي, ما بنكر ان الواحد لازم يضل مواكب التطور بس انا مش من اللي بواكبو التطور بالكتب, انا بحب الفيديوهات و البرامج العلميه التي لا تتعدى الساعه, بعديها بقلب ما بقدر استوعب بعد هالساعه, مع اني بحب القرأه كتير بس مش هالنوعيه من الكتب, ولا نوعيه كتب بابا , فلسفه وعلم اجتماع وعلم نفس, ما بحب الرمزيه انا , حطلي الموضوع قدامي كامل علشان انبسط وانا بفهم.

اللي زكرني بهالحكي ان اليوم مريت على بيت خالتي لقيت بنت خالتي الصغيره بتدرس و خواتها اللي بعمري وبشتغلو مدرّسات يا بكتبو اسأله امتحانات او بصلحو ورق, روحت عالبيت و رحت عالبرنده و نمت عالكنبايه و ضليت ساعتين بس اتطلع عالسما , جد شعور جميل :)



13 التعليقات :

والله هاي النظرية مش قادرة أفهمها...عن جد بالامتحانات بكون التلفزيون أحلى منه ما فيه وبجيبولك كل الأفلام الجديدة والمسلسلات الممتعة... وبس الواحد يخلص آخر امتحان ويرجع عالبيت يفتح التلفزيون(عأساس انه انحرم منه بالامتحانات) بلاقي كل البرامج يا قديمة يا بايخة يا تحليلات سياسية وطبية واقتصادية.
طبعا أنا ما كنت أدرس غير قبل الامتحان بليلة...وأضيع نص الليلة وانا أحضر جو دراسي مميز...وما أدرس صفحتين إلا أبلش أفكر إنه هاي آخر مرة بأجل الدراسة ولازم أنظم وقتي وما بعرفش شو...وخلص بروح بنام وللامتحان الجاي بنظم وقتي :)

 

نفس الحالة عند معظم العالم , يمكن لانو الدراسة شغلة متعبة فالواحد لا شعوريا بصير يهتم بشغلات ما كان يسأل فيها بالايام العادية لانها بتصير لجظتها بتبسطو وبتريحو من الهم اللي هوا فيهو, التلفزيون بصير احلى شي ايام الامتحانات, الحمدلله هلا مرتاحين من الامتحانات و همها

 

you reminded me of the days of my first tawjihi, I used to spend more than about 2 hours planning the days and hours for each course and i never sticked to it.. not only that, i always convinced myself that studying after a cup of tea is better... so i made a jug of tea and then went to sleep, I miss those days..they were fun, ma3 kul il nakad illy feeo,

thanks for reminding me :)

 

يا حرام ... عم بكتشف انو كانا زي بعض !! كنت اقول دايما حتى المسلسل ىالبدوي بيحلا بالامتحانات و بنصير بدنا نشوف ازا ضرغام حيتجوزها لوطفه او لأ هاهاهاهاها :)

 

Dreamy Villager

اهلا وسهلا فيكي , من زمان ما نورتيني!! :)

انا باعتقد انه احنا اللي كنا نشوف كل شي ممتع حتى البرامج الوثائقيه :$

ومين سمعك انا كنت هيك لو خصصت يومين لماده اول يوم بدرس درس و تاني يوم باقي الكتاب :)

Ahmad Hamdan

الحمد لله الف مره انّا خلصنا هالهم :$
هو لانا بنحبش النكد احنا بنضل نحاول نرفّه عن نفسنا :)

Ala' JA

You remind me with my brother, he used to study only at night, he said he concentrated more when no bodies with him, and I don't know who convinced him that studding while the radio on is gonna be very good for him, each morning we used to find a lot of papers with the name of songs and the lyrics of song he heard the night before :D LOOOL

 

يا صباح الورد مروى

شايفه كلنا زي بعض طلعنا :)

واذا خلصنا امتحانات قبل ما يخلص المسلسل ما بعرف شو صار بالنهايه لانا بنبطل نحضره ههههههههه :)

 

جد ذكرتينا بهالايام كلام 100% بس بالنهاية اختصرت الموضوع و بطلت اتعب حالي و صرت ادرس بس قبل الامتحان بساعتين و همه الساعتين الوحيدات اللى بعرف ادرس فيهم و بعرف عن شو كان الدكتور يحكى طول الفصل

 

ههههههههه شكله كلنا بالهوا سوا :)

 

تصادف ما كتبته عن زمن الامتحانات
مع مقال كنت قد كتبته و ضمنته رسالة
سياسية

جميلة هي الذاكرة
جميلة هي الأدراج التي توصلنا اليها

وهاد المقال
http://rebdawi.maktoobblog.com/1226611/ذكريات-مدرسيه/

 

تصادف مقالك هذا
مع ما كتبته من
ذكريات مدرسيه
وتتوارد الخواطر دوما

 

و تتوارد الأفكار
دوما كلعبة انهيار الأحجار
فحجر يدفع زميله ويدفع زميله

كتبت عن هذا قبل حين
تحت اسم
ذكريات مدرسيه
موجود هنا...

الذكريات المدرسيه ... لنتواصل

http://rebdawi.maktoobblog.com/

 

LOOOOOOOOOOOOOOOL,
I had the same problems, I only studied math and physics only if there is a radio around!!!!
at my tawjihi i used to listen to radio sawa!! akhbar il sa3a kul nisf sa3a!!!
LOOOOOOOOOL

 

سيف الدين خالد
اهلا وسهلا فيك بمدونتي
قرأت مدونتك عن الذكريات المدرسه و فعلا رائعه خصوصا "يا رب النجاح في كل صباح " ههههههههه جد رجعتني لايام زمااان :)

و واضح ان مدونتك ثريه بالبوستات الجميله وان شاء الله راح امر عليهم كلهم :)
شكرا لمرورك و لتعليقك :)

Ala' JA

LOOOL,7fezet el news y3nee :D
He used to listen to Monte Carlo Radio station