Things I Like To Whisper About

Would You Hear Me Whispering

يا بيرقنا العالي

بتزكر يوم ما اجا الملك حسين الله يرحمه من السفر و نزلنا كلنا عالشوارع نستقبله
كانت اول مره بشوف فيها الملك شخصيا...حسيت كأنه في نور حوالين الملك
و كتير انبسطت بالثواني اللي شفته فيها بعد وقفه ساعات وما حست انها ضاعت عالفاضي

تاني مره شفت الملك حسين الله يرحمه شخصيا يوم ما اجا افتتح الجامعه الهاشميه
كنت انا وصاحباتي قاعدين بالسكوير المربع و لما اجا الملك سكرو كل الابواب
ومر الملك و صار يأشرلنا من ورا الباب الزجاجي و احنا مش مصدقين حالنا و نأشرله
الله يرحمه و يسكنه فسيح جنانه
ويخليلنا خير خلف لخير سلف
.
.
.
.
بحب هاي الاغنيه كتير...بتزكرني بايام حلوه وذكريات احلى

بتمنى تعجبكم


11 التعليقات :

عنجد انا بحس انو الملك حسين الله يرحمه كان كتييييييييير محبوب من الشعب .. و حتى من العالم .. بتتزكري وقت جنازته ما ضل رئيس ما اجا , اشي بنعرفه و اشي ما بنعرفه !!!!

وحتى الملك عبدالله ماشي على نفس الطريق .. الحمدلله على نعمة الأمن و الامان

 

Maroo
فعلا الله يرحمه الكل كان وما زال بحبه

الحمد لله على نعمه الامن والامان...لانه ما بقدرهم الا المحروم منهم

 

الله يرحمه

ذكرتيني لما توفى وابوي ضل يبكي قدام التلفزيون-كنا بالامارات-وانا مش فاهمه ايش في!!!

الملك كان عندو كاريزما لا تنكر

وانا كمان هاي الاغنيه بحبها كتير انا واختي :)

 

مياسي

الله يرحمه كان من الاشخاص اللي بتركو اثر باي شخص يعرفهم

شكله كل الناس بتحبها من الصبح ما وقفت ,مشغلينها بحدائق الحسين شكله :)

 

أنا كنت بحبه للملك حسين الله يرحمه .

حبيتها هاي الأغنية :)

 

yup, allah yr7amo ya rab :) haydek ayem ma fena nenseha.. el malk 3bdalla adha w 2dood ;)

nice post :)

 

رزان و جمانه
الله يرحمه يا رب
و يسدد خطا الملك عبد الله للابد :)

شكرا يا قمرات :)

 

مبارح زوجي بالصدفة كان بالمكان الي رح يمر فيه الموكب و شاف الملم عبد الله
بحكيلي عن جد انه عل الطبيعه غير يعني عن جد حلو الشعور بتحسيه كتير احلى من لمن تشوفيه بالتلفزيون و هيك ببتسم للكل حسيته انه كان مبسوط بشوفته
كان مبارح جد يوم مميز من ايام الاردن الحبيب

 

غير معرفه :)
اهلا وسهلا فيكي

جد بكون غير...يعني انا بتزكر لمل شفت الملك حسين الله يرحمه جد انبسطت بشوفته :)

ان شاء الله على طول تضلها ايام الاردن مميزه :)

 

يا الله شو كنت احبه ونفس اشوفه الملك حسين ... الله يرحمه

انا بحبها كتير هاي الاغنية كمان بس انا حطيتها فيديو تاني

:D

 

SimSim

الله يرحمه

شكله كلنا بنحب هالاغنيه :)