Things I Like To Whisper About

Would You Hear Me Whispering

سلسله عرسان - الحلقه الثامنه

العريس هاد اجا من طرف موظف عنا بالشغل, انا الموظف ما بستلطفه نهائيا فكونت فكره عن الشب من قبل ما يجي, وهاد طبعا غلط.

الشب كان دمه خفيف جدا و شخصيته رائعه, ضلو يسألني اسأله و كل شوي يسكت يفكر و يحكي....يا ترى شو كمان ممكن تسألني امي ...يا ترى شو كمان ممكن تسألني امي... و من كلامه فهمت انه عايش لحاله بعمان و واهله عايشين بمدينه تانيه, وبروح يقضي عندهم اخر كل اسبوع.

الشب بصراحه كان اكتر من رائع, كانت من المرات القليله جدا اللي بكون على راحتي تماما و انا قاعده مع عريس
حكينا بكل اشي, وحكينا باشياء كأنا بنعرف بعض من قبل, وجهه مبتسم على طول.

حكالي انه ناوي يسكن بعمان و وهو ناوي يشتري بيت بمدينه اهله نقضي فيه الاجازات - برضه كالعاده بصير العريس يحكي كأنا خلص صرنا مع بعض بس هالمره ما ازعجني الموضوع - و بدنا و بدنا....

انا وصاحبتي صرنا نفكر باسأله ممكن والدته تسأله عنها, لانه بحكي لو سألتني امي سؤال وحكيتلها ما بعرف راح تقتلني - طبعا بتخوت الشب -وكانت الجلسه كتير لطيفه, معظمها خفه دم واضحه من جميع الاطراف.

انا قبلها باسبوع كان جاي العريس اللي حكيتلكم عنه قبل - بالحلقه الرابعه - اللي كان عاجبني, وكان الهم اسبوع مش حاكيين فقررت انسى موضوعه, يوم ما اجا الشب هاد روحت عالبيت لقيت والده الشب هداك حاكيه مع ماما انهم بدهم يجو....طبعا كتير عيب انا نستقبل عريسين بنفس الوقت, هيك اهلي وهيك انا مقتنعه انه ما بيصر تتفق مع شخصين بنفس الوقت, مع ان كتير اهل عرسان بمرو على عروستين او 3 بنفس اليوم مرات بس هالشي مرفوض عنا, فماما حكتلي بدك تختاري شب منهم تكملي معه الموضوع لنشوف شو ربنا بيسر, انا اخترت الشب الاولاني بعد ما استخرت.

تاني يوم سألتني موظفه باعتها الموظف اللي عنا تسألني عن رأي وتاخد رقم تلفون البيت علشان والدته تحكي مع ماما, حكيتلها للاسف ما في نصيب.


وطبعا تبين انه ربنا مش كاتبلي نصيب ولا مع واحد من الشبين مع ان التنين كانو عاجبيني و ما في بشخصياتهم ولا عيب - طبعا الشب الاولاني حكيتلكم مشكلته اللي بينت بالحلقه الرابعه قبل- هيك ربنا كاتب, والحمد لله ان هالمواضيع بايد ربنا لان الواحد ما بعرف شو ممكن كان يصير واذا لا سمح الله في اشياء مش منيحه وما بينت هلأ وكان ممكن تبين بعديها.

يعني اللي بدي احكيه ان مرات الفليح بكون فالح بس ربنا ما بيسر الموضوع :)


ملاحظه: اي تشابه بالاسماء او بالاحداث فهو من محض الصدفه البحته, والاحداث جميعها من وحل الواقع

الحلقات السابقه

12 التعليقات :

كيفك ....
:) ...
ممم ، بتعرفي هادا الشي إلي بيزعج إنه يعجبك الشب متلا و بعديها ما يرجع .... يعني مش مريح الوضع ,,
يا ستي كل شي بإيد الله :) و الله بيخترلنا الأفضل ... :)

 

رزان

معك حق مزعج الموضوع....

بس انا بحكي عن المرات اللي بتضطري تحكي فيها ما في نصيب مع ان الشب عاجبك, وهالموقف صار معي اكتر من مره لانه بكون في موضوع مع ناس تانيين و ما بنفع تشبكي حالك باكتر من موضوع بنفس الوقت :)

امين يا رب :)
كله مكتوب...وما راح نشوفه الا بوقته

 

:)
bde erja3 e2rahoun 7l2Et el 3rsan :D 3JBNI EL 3NWEEN :)

habibi allah ejeb el `7air. kl she naseeb. bs lazem lazem tst`7ere hyada she akeed.. w ta`7di wa2t m3on abel ma yseer ay ertbat rasmi:D
W LAYKI la t2oli ma beseer n2abel nas bzet el wa2t NO hayda `3alat.. ablyoun b`3er youm wloo.. w a`7r she enti ele bt2oli hayda aw hayda!!


ro7i inchallah alla byb3tlek ebn 7alal.. eli b7bo albek :D W 3NDO A`7 ZAEEO kmen :p 3shan nseer salafet :p LoooL!

 

قدر الله و ما شاء فعل وانشاء الله انو بحققلك اللي بدك اياه

 

انا ما قرأتلك السلسلة من اول ..بس شكلها مواضيع شيقة !!

المهم , انا ما فهمت كتير الموضوع لآني مش عارف الحلقة الاولى من الرابعة ... وانتي عم تحكي عن مين بالضبط !!

 

ما بقدر احكي غير كلو نصيب

مع اني بيني وبينك انقهرت شوي!!!

 

Jumana
Ok ya amar 2eqra2ehom w 2e7kelee ra2yek :$
el7amdolellah ana dayman basta5eer w batwakal 3ala allah w met2akdeh 2eno kullo naseeb men 3end allah :D
jad, ana b7es 2eno ma beseer 2amshee bemawdo3een sawa :S

Ameeeeen ya rab w la kul elbanaaat ya rab :D
yaaay ta5ayally nseer salafaat LOOOOL allah y3enhom 3alena :D

Ahmad Hamdan

امين يا رب...وربنا يجيب الك كل الخير كمان
شكرا احمد

Ahmad

ان شاء الله, هاي سلسله لقصص عن العرسان بس عاده بتكون عن تصرفاتهم الغبيه بس هالمره انه منيح كان العريس :)
اقرأهم وان شاء الله يعجبوك و يفيدوك :)

مياسي

لا تنقهري ولا على بالك...بتصير عادي

واكيد كله نصيب :)

 

msh b2olk e7na el bnat bn7zen :(
w 3njad mafee azna5 n eno el 7ad ykoon 3ajbek w 2ntee 3ajbteeh w mt2kdeh mn hllmwdoo3 bs faj2a tnsha2 el2ard w tbla3o !!
:) stee bl25er rabna b5trllna el 5er akeed ...

 

سؤال :
ليه ما بتستقبلي أكتر من حدا بنفس الوقت و إختاري .. يمكن الإختيار بكون صعب ,, بس هم الشباب بلفوا على 100 بيت و بنقوا و بيختاروا .,,!!!!!!!!!!!!!

 

Maroo

Allah be3een shoo bedna
n3mel...bedna net7ammal :(
mahoo law rabna katebelna naseeb ma be5tafee 2asasan :D
welne3em bellah

رزان

ما بعرف بحس انه ما بصير, يعني زي خطبه فوق خطبه ...ما بعرف ممكن غلط هالشي :\
اللي بتحكيه صح بلفو على 5 بيوت بنفس اليوم و بكون بستنى جواب من اكتر من بنت :(

 

هي المره يا همسه انتي الغلطانه ... كان لازم الموضوع انحسم مع الشب الاول (ح ٤) بصوره أسرع ... وحتى لو كان مش محسوم لما صار الحكي إلي بتحكي عنه هون .. من حقك انك تحكي للشب يعطيك فرصه من الوقت .. يعني مش سنه .. بس مكن أسبوع تشوفي شو بصير معك

بالنهايه كل شي نصيب وربنا كاتبلك الأفضل انشالله

 

امجد
هو زي ما حكيت اللي ربنا كاتبه افضل شي

بس شكله لازم اغيرها هالفكره, يعني رزان و جمانه و انت حكيتو نفس الحكي فممكن اكون غلطانه بهالفكره :$

المشكله ان الموضوع ما بتقدر تاخد فيه قرارات سريعه و بتكون كتير متردد بهيك مواقف :(