Things I Like To Whisper About

Would You Hear Me Whispering

على جناح يمامه



يا ريت حد يحكيلي
هو احنا لحالنا بالعيله بنعاني من هالمشكله ويلا موجوده بكل العائلات
مشكلتنا بتنحصر بان بابا و اخواني اذا بالغلط وانت بتقلب على المحطات لمحو فيلم عربي من ايام اتسعينات و خصوصا لعادل امام , محمود عبد العزيز, نور الشريف.... - افلام متل الكيف, سواق الاتوبيس وهالقصص- بيصرّو يحضروه ولو للمره ال 100 بعد المليون.
يعني بكونو حافظين الفيلم عن غيب و بقدرو يحكو الحوار كامل وبرضه بحضروه :(

مع انهم ما بكملوه للاخر بس بيضيعو نص ساعه بيكون الاشي اللي بدك تحضريه بادي و انا بكره احضر اشي مش من بدايته :$ ما بنسجم :), وما بدي احكي اذا كانت مباره كره قدم او سله.....خلص انسى السهره كلها :(

امبارح مثلا كان فيلم محمود عبد العزيز "على جناح يمامه" حضرو نص ساعه منه كالعاده وغيرنا القناه.
بس بعد هالنص ساعه ضلينا ساعتين واحنا نحكي عن هالمشهد, بصراحه نرفزتني الاخت....انا بكره الست او الزلمه النكد, كل اشي اله وقته, يعني كل انسان بتنكد من اشي ما اختلفنا وانا اولهم بس في اوقات غلط كتير الواحد يقعد يتنكد فيها.
اتركم مع المشهد وانتو احكمو :)



9 التعليقات :

لا مش بس عندكم وعنا كمان بس مش على المسرحيات , والدتي من الناس اللي بتعشق السمرحيات الكويتية القديمة وحتي لو شايفيتها قبل بتروح تشوفها وانا بكون بستنا بدي اشوف المسلسل اللي بتابعوا بس بالاخر بشوف اللي بدي ومن الاول كمان

 

انبسطت بالبدايه لان خالتو بتاخد حقنا منكم...بس بالاخر انت اللي بتنتصر طلعت :(
ههههههههه...لا بمزح ...يعني اشي حافظينه عن غيب ليش نضل نعيد فيه؟؟
مع ان في كم فيلم اجنبي بحب احضر الاعاده :$
Brave heart, Notting hill,a walk in the cloud
وفي غير افلام...شكله جد مش بس عنا :$

 

طيب
احنا بنحضر بريزن بريك شي 5000 مره

وزيهم بوسطن ليجيل؛ غير أفلام قناة أكشن

وخالتي حفظتنا أفلام تامر حسني كل ما ينعادو بنحضرهم اجباري-يعني من الأول للآخر!!!

وبالآخر عزيزتي ما إلك إلا تستقلي بتلفزيونك الخاص أصفى لك راس :)

 

هاي هيك لما يكون بيت عيلة
اهون بمية مرة من اللي بصير بسكنات الشباب العزابية
هو انا من قليل بطلت اتابع تلفزيون!!!

 

Lol ana fe ashay2 kaman lw tn3ad lal mra el 11 barod a7drhaa :p

 

احكيلك اشي يا همسه بصراحه الفن تبع زمان احلى واله رساله يمكن يكون فيه مشاهد يعني بس والله كان الواحد يقعد يحكي بالفيلم مليون مره لكن افلامنا هلا كلها اكشن وجيمس بوند ما الها نكهه انا من الانصار لهاي الافلام شو باعشق مسرحيات عادل امام ويونس الشلبي وفوازير شريهان ونيللي عمالقه هلا كلهم اغراء وقرف وحياتك كله اصطناعي

 

مياسي
انا حسيت الموضوع غلط...كنت بدي اجكي عن اخواني اكتشفت ان الكل هيك وانا اولهم :)
ماما ما بتحب هالحكي...بتقول كلنا 4 بالبيت وكل واحد ملهي بشغله او بدراسته وما في غير وقت الاكل و التلفزيون لنقعد مع بعض .

محمد
اه صح والله...الله يعينكم يمكن ما بتتفقو على اشي كل واحد مزاج شكل :S


unknown
kulna 6le3na heak loool :D

سوزان
معك حق والله...افلام اليوم ما بتنحضر الا افلام احمد حلمي و ككريم عد العزيز بتحضريهم و انتي متطمنه عالاخر و جد دمهم خفيف :)

 

هاهاها من وين جبتي هالفكره ... بس بصراحه ملاحظه دقيقه ورائعه ... احنا فيه حلقان من مثلث عباس الأبيض إنحظرت ٢٠ مره عندنا

وبالنسبه للافلام نفس إلي بصير عندكو بصير بمعظم البيوت ... فيه أولاد عمي حافضين كل أفلام عادل إمام عن غيب ... ومستعدين يحظروا أيا فلم أله حتا لو للمره الألف

 

زي اخوي الصغير...بكون بحكي الحوار قبل ما يحكوه و برضه ما بده ايانا نغير القناه :S
بس فعلا طلعت بتصير بكل البيوت :)