Things I Like To Whisper About

Would You Hear Me Whispering

اعترافات وخزعبلات


اليوم بدي اعترف بكم من شغله عني

انا حكيت قبل اني بكره البسس

للمره الخامسه بكون بدي اطلع الصبح على الشغل و بتكون بسه واقفه على باب البيت بدها تدخل لان مش عارفه مين مطعميها بالبيت و لزقّت الاخت, ولاني بكررررررررررهم و بصراحه بخاف منهم :$ , بضطر انزل عالكراج واطلع من الكراج والف الدنيا لاوصل لسيارتي اللي مصفوفه قدام باب البيت :"(

اشي تاني.... بس اسمع كلمه وتعجبني تلقائيا بكتبها باصبعي بالهوا او على اشي قدامي :) ما بعرف ليش ومن انا صغيره عندي هالعاده ......و حتى بالانجليزي بكتبها مشلبكه :$



بكررررررره حد يضله يحط ايده علي و هو بحكي,او بتعرفو اللي بنص الحكي بتحط ايدها على ركبتك فتره بتستحضر فيها باقي القصه....بحس اشي من جوا جسمي بنفس النقطه اللي محطوطه فيها بسخن شوي شوي وبحس حالي بدي انخنق وكل تفكيري بصير بهالبقعه....و بكون شوي وبدي الطش ايدها.


بقهروني اللي يكونو بحكو قصه و بصيرو يحكو ببطىء ويصفنو بين الحكي و يغمضو عيونهم وهمه بحكو....يا بااااااااييييييييه بكون بدي اموت انا, ونفسي اصرخ عليه...خلّصنا احكي وخلّصنا

اممممم ايش كمان...اااه بحب اعدّ الاشياء, مثلا قاعدين بصاله, بصير اعد الاضواء جوا الصاله...وبعدّهم بضمير و بحفظ العدد كأنه في حد بده يمتحني بالعدد :$
بعدّ الدرجات... بعدّ الشبابيك بعماره...بعدّ ورقات الورد :)

خلص بكفي فضايح صح :$

8 التعليقات :

عادي يا همسة كل واحد فينا فيهو عادة معينة وبالعكس ما بتكون فضيحة هي مجرد طبيعتو للانسان, بس حلو توافق الافكار تبع الخزعبلات

 

لااا اكيد مش فضايح :)
نشرت الموضوع وبين عندي انك حطيت بوست جديد , لقيته بحكي عن الخزعبلات برضه :)

 

مرحبا بك في دنيا الوسواس القهري:)

 

haaahhahahah :) wlk 3asal ente :) ana 3ndee 3adeh ene 3ala 6ool bt5yal f2na knt a2ra w2t5yal (w2d7ak) hahahah :)
bene w benek el bessas ma bn7boo !!
wbnsbeh lnas ele btsfon w hee bt7kee btrekha w bseer afkr b mwdoo3 tanee ,, bt3rafee 3ad 3ktr el action ele bt7keeh lazm ndal mshdoodeen !!

 

بتخافي من القطط يعنى جريئة شوي بس في ناس بتخاف من النمل طبعا مو انا - بس جد من وين الك طولة البال لحتى تعدي هالامور هههههه الله يجازي بلايشك ع قولت سمعه - اما بالنسبة للقصص السكوت بكون في تفكير بنوعية البهارات اللى بدو يضيفها لحتى يجذب المستمع و تسكير العيون يكون حس حالو زاد البهارات شوي فبده يعدل فبمسك ركبتك لحتى يشتتك و ينسيكى النكه القديمة و بستخدم نوع اخر من البهارات بس ما تكون كاري

 

صبااااح الخير :)

لا مش خزعبلات ..
كل حدا عنده عادة بدل يعملها ... لووووووووووووووووول :) ...........
بتمنالك نهار سعيد :)

 

مياسي

:"( وسواس قهري !!
فكرك بعطوني اجازه مرضيه على هيك وضع؟؟؟


Maroo

ente elzooo2 ya amar :)
LOOOL had 2eshe 7elow....5ayalek wase3 ynee :D
2ah wallah ma ben7abboo :(
fikra wallah, 2aseer 2afaker be2eshee tanee :D

 

(---)
لا ما بخاف من النمل , قويه انا :)
المفروض مع الخبره بسرعه يختار البهار, يعني نص ساعه بفكر شو يضيف, والعالم اللي بتسمعه شو يصير فيها.
المشكله كمان انهم بختارو نوع بهارات غلط :(

رزااان

صباح الفل يا قمر :)
هي عادات بس مرات بتكون غريبه ههههه
ونهارك اسعد يا رب :)