Things I Like To Whisper About

Would You Hear Me Whispering

للكمبوطرجيه :)





كتيييييييييييييييييييييير حبيته للفيديو.....مصطلحات كمبوطرجيه من الاخر و بمكانها صح :)


الفيديو هاد زكرني ببعض الموظفين اللي عنا بالشغل, بس يتعاملو مع المدراء بصيرو يدخلو كم مصطلح انجليزي كمبيوطرجي على كلامهم ما الهم دخل باللي بنحكي فيه و المدير بصير يهز براسي زي الهبيله انه فاهم كل اشي ومقتنع 100% وبالاخر بحكيله خلص انت فاهم شغلك منيح فاعمل اللي بدك اياه

"مهو ال Routers بس تعمللهم Ping عال Modem بصير ال TCP\IP يبعت signal و بستقبله ال Application server و بحوله لترددات تلفون و بنبعت عن طريق الlase line و لانه Fiber بتوصل المعلومات كتير سريع"
طبعا انا بس اسمع هالكلام مع كل تخبيصه بتزداد عدد الرمشات عندي - زي اللي بسمع صوت تكسير زجاج- بكون بحرب جسوره مع نفسي " اسكتي يا بنت, ما الك دخل خليهم الله لا يردهم, لا تحكي, ما الك دخل, هسسسسسسسسسسس"
واللي بسمعه كل ما يسمع مصطلح انجليزي جديد بتتوسع الابتسامه على وجهه و بتزيد ثقته بنفسه انه يا زين ما اختار لرئاسه قسم الصيانه.

مش حلو ءاسفن بالشب بس لما يجي و يحكي معي هالحكي , بفش قلبي وبحكي كل اشي, شو دخل , وشو اللي بتحكي عنه, الشب خريخ ال 1900 من امريكا دارس رياضيات و عادلو شهادته بالاردن كمبيوتر....ليش و كيف مش عارفه و الشب لا يفقه شي بالكمبيوتر, يعني بس اشي يعطل لازم يضل راح جاي عندي عالمكتب لحتى اقوم و اشوف شو المشكله وادله شو يعمل, هالشي بالبدايه كان من دواعي سروري, كنت جديده ومتحمسه وما بعرف ان الكل بكزب و بنسب الشغل لنفسه, يعني كنت اضل طول اليوم اساعده بتعريف الاجهزه عالشبكه و تنزيل البرامج وبالاخر يروح عند المدير ويحكيله خلصت شغلي, طيب وانا !! ولا يجيب سيرتي
فصرت اذّل كل اللي بقربوله لحتى اقوم اساعده و احكيله المشكله والحل بالقطّاره, وبس يكون فقي شهود موجودين احل المشكله.

صار يكرهني!!! عادي , سنين وانا بكرهه و هو ما عندو مشاكل :)
هلأ صرنا فاهمين على بعض من اولها يحكي اني ساعدته او راح اساعده علشان نخلّص الشغل بسرعه



13 التعليقات :

ma 2deret ashuf el vedioo :(
3 fekra el emotions ely bt7oteehum ma bytla3oo 3andy brdoo !!

bas 7abeet el post ,,,la esfeen wala shy ,, heeek el shogol beddu el wa7ad ykoon 2ad 7aloo w ellaaaa btrooo7 3aly ,, :D

Have a nice EVENING :D

 

6ab why???
men 6alasem el video

this is the URL

http://www.jeeran.com/videos/player/jeeran_player_external_e.swf?file=http://flv.bc.jncdn.com/001a1c8341c5ccdd8c02dd78b4afe4b0.flv

i rewrite the code hope it'd working now :(

el emotions heak la7alha marat btbaien w marat la2 el code 2a5adto men elnet 2akeed feh 2eshe 3'ala6 :$ bs ana ma b3raf 2azabtoo LOOOL

wallah m3ake 7a2 el kull 2a3da2 belshoghol

same to you ya amar

 

hehehehe
had el video kol ma ashofoh bad7ak

3la fikra .. i7na a5ertna heik

 

sa7ee7 ... keef momken ninazil video me el youtube aw ikbis aw ay shi tani?

 

heheheheheh, thats a funny one, thanx

 

heheheheheh, thats a funny one, thanx

 

Ahmad
laaaa shoo 2a5ertna heak, ma bnetfarmat 2e7na :)

you can add videos to your blog by adding the Embed code , it is written next the video in youtube you copy the code and past it in the HTML tab where you are writing your post

Hope you got it ,I'm usually a bad teacher I know :(

Ahmad

Happy you liked it man :D

 

ههههههههههههههههه
سلامتنا من الهسهس

جد نهفه ضحكت من قلبي
خصوصا على داير من بورتال لبورتال
عجبتني

الله يفرفح عن قلبك بسطتيني جد:)

 

مياسي
ان شاء الله على طول بتضلها الضحكه و بضل قلبك مفرفح يا قمر

لانك كمبوطرجيه فهمتيها :)

 

انا كتير بكرها هالعادة لو تشوفو هون المصطلحات يا ويلي ع اساس الماما اليزابيث و البابا اوباما ما بيعرف يحكى عربي و المشكله فعلا لما يناقش واحد بهالاسلوب الشخص المقابل بقتنع ع اساس انه فهمان - طبعا انا بستخدمها مع الناس اللى بستخدموها من باب المسخرة مش اكتر مع تطبيش اللغة و بلورتها من جديد و كانها لغة جديدية- اما قصت نكران الجميل فشي طبيعي الكل بحب يمسح ---- للمدراء بس المشكلة عندي العكس انه لما تصير مشكله شي انه انا ليش ما بغتهم يتصرفو قبل لا يصير شي مع اني بكون مبلغ الا انه بنكرو اني حكيت و بختصر النقاش مع المدير و بحمل المسؤولية - الله يعينها ع هالستين سنه (----)

 

(---)

بالامارات يمكن بضطر الواحد يحكي انجليزي بزياده من كتر الجنسيات الاخرى وخصوصا الهنود اللي بتتعامل معهم بالشغل, صح؟؟

احنا عنا اسلوب كتابه الكتب الرسميه, انقرصت 10 الاف مره وبعديها اي حركه بعملها لازم تكون موثقه بالكتب

 

ما بعرف ليش حسيت حالي عم براجع مادة شبكات 1 في تخصصي .. لوووول
انو عنا هون لما الواحد يسمع كلمة او جملة ما بفهمها بيستحوا يسالو ال يعني عيب شو بدهم يقولوا عني هلئ؟ غبي؟
وهاد اللي مخلينا هيك...
لو هاد المدير الفلتة "بحسدكم عليه" كل كلمة سمعها بحث عنها في جوجل كان عرف كل شي وكان اكتشف انها ما بدها شطارة.. بس شو تعملي...
شي تاني، انانية الشغل هاي موجودة حتى عالمريخ، في المدرسة الجامعة والشغل وحتى الاسرة ...
ما بعرف ليش

 

Mohammad
ما انا علشان هيك نوّهت انها للكمبوطرجيه, لانا بنفهم على بعض

معك حق, هاي من المشاكل اللي بنواجهها انا بنستحي نسأل.

بتحسدنا عليه!!! خده...بالله عليك لتاخده :)
ال بحث عجوجل ال
شكلك مش متابع كتاباتي السابقه عن مديري
في بوست اسمه انا بكره مديري بلخص فيه كل مشاعري :)
بس علشان احطك بالصوره جديد...جديد علمنا مديري كيف يشغّل جهاز الكمبوطر و ان الماوس مش ريموت ولازم يضل عالماوس باد وانت بتشتغل :"(