Things I Like To Whisper About

Would You Hear Me Whispering

ذكاء خاااااااارق

بحياتنا في لوحات مرور كتيره بنشوفها, و الحمد لله اشي العالم بتلتزم فيه واشي ما بتلتزم فيه, اشي بدل على ذكاء خارق و اشي بدل على....ذكاء خارق بس هالمره الذكاء اللي بقهرك


اول شي بدي احكي عن لوحات التحويل اللي على طريق المطار, يعني انا رحت اوصل قريبه النا عمرج الحمام و طلعت من عندهم بدي اروح عالدوار السابع, مش عارفه وين اروح, في اشاره بتحكي الدوار السابع لقدام, كتير حلو مشيت ومشيت ومشيت ......و اني الاقي اي اشاره تانيه تحكيلي وين اروح ابدا, بالاخر بتلاقي بصباحك اشاره عاول الجسر ان السابع من هون, تلحق تطلع عالجسر ما تلحق مشكلتك ما الهم دخل الجماعه, يعني حاطين اششششششااااااررررتتتييييين بينهم 100 كيلو وانت ما انتبهت!!! مشكلتك شو دخلهم همه.....هاي من اللوحات اللي بتدل على ذكاء خارق بقهر.

اللوحه التانيه , بصراحه هاي بتدل على ذكاء خارق و ان في عالم لسا بتفهم وبتعمل اشي للبلد
اللوحه بكراج السيارات اللي عند شارع الوكالات
ما بدي احكي اكتر,صوره اللوحه بتحكي كل اشي :)






اللوحه الثالثه من لوحات الذكاء الخارق مش اللي بقهر...اللي بجلط بعيد عنكم
كلكم شفتو الاماكن الخاصه لاعلان الزفاف و العزاء اللي معلقينها الامانه مشكوره على اعمده الكهربا, جد انها خطوه رائعه لمحاوله التنظيم والتجميل والرقي بمستوى الناس, بس اكيد في ناس كتيييير مزوئين وما بلتزمو بهالشي متل ما فرجانا خالد السعود بالبوست و الفيديو في مدونته.







شوفو بالله عليكم هالاعلان






جد اشي بخزي, وحاطينه على باب حديد و ملزقينه على بوكسه بندوره , يعني والله عيب, شو هالطريقه بالاعلان , وكيف بتتوقعو الناس تيجي على محل موزع اعلاناته بهالشكل....عيب والله عيب.

14 التعليقات :

ما حكيت لك تعالي اشتغلي معانا بالفيديو

انتي مش راضيه :) اشي من الاخر خاصه شكر اصحاب الاراضي هاد!!!

 

اه نسيت احكيلك:
"بالنسبه للأمانه؛ اللي ببلاش كتر منو" وسلامتك وتعيشي سعيده:)

 

hahaha wlk nahfeh ente ..
mn wenn la26eehom hdool ??!!

 

Yeah, I saw the one at Wakalat street, it's a really clever one, and mainly to stop those who try to charge people for parking in that place

 

كيفك ويسبر
زمان عنك
والله انشغلت شوي الأسبوع الماضي
شكله مواضيع كثير راحت علي .. ان شاء الله بمر عليهم على رواق

انا نفسي أتفضي يوم وأطلع بس هيك جولة تصوير لهاي الاشارات اللي بتحكي عنها
اشي ينم عن عدم ذوق شعبي ... و المشكله بس ينعمل اشي مرتب .. ما بظل يومين

 

لمن انزلت بالاجازة ع عمان دوخت السبع دوخات عشان اروح من مكان لمكان و فعلا اشارة التعريفية لقيت بس وحدة بدل ع المكان اللى بدي روحو - و لما انزلت ع جبل عمان قبل النفق بكيلو كاتبين جبل عمان و عند النفق ولا شي - فرق هون جد وين ما اتروح اشارات تعرفة بتعرف وين رايح او جاي - بلدية امانة عمان رافعه شعار ضيعو يا بشر و عبو بترول و حركو الاقتصاد (----)

 

لمن انزلت بالاجازة ع عمان دوخت السبع دوخات عشان اروح من مكان لمكان و فعلا اشارة التعريفية لقيت بس وحدة بدل ع المكان اللى بدي روحو - و لما انزلت ع جبل عمان قبل النفق بكيلو كاتبين جبل عمان و عند النفق ولا شي - فرق هون جد وين ما اتروح اشارات تعرفة بتعرف وين رايح او جاي - بلدية امانة عمان رافعه شعار ضيعو يا بشر و عبو بترول و حركو الاقتصاد (----)

 

صباح الخير ..
ويسبر لا تنقهري ولا على بالك ..
لسه بدنا كتير كتير حتى نصير بني آدميين ..
ومش شاطرين الا نستعرض باللبس والموديلات ..

 

مياسي

لااا انا شغل هاويين مش محترفين زيكم :$
ههههههه صح هو هاد المبدأ اللي ماشيين عليه, اللي ببلاش كتّر منه :)

Maroo
lool 25wanee bedallo y7koly katran tasweerek lal2ashyaa2 :)
bs 7elween sa7 :)

Tha2er
Specially that most of the places you go you have to pay for parking

 

امجد

اهلا اهلا, الله يعطيك العافيه
المفروض الاهتمام بهالمواضيع اكتر من الامانه, ومراقبه متل هالاشارات اكتر

اذا يلاا بنستنى الصور :)

(---)

انا ما حسيت الوضع عنا مزري الا بس رحت عالامارات, يعني بصراحه جهود رائعه بالاهتمام بهالمواضيع بالامارات, ما في مجال لا تضيع ولا يروح عليك مخرج كله واضح و مع ذكر المسافات المتبقيه للمخارج.

خالد

صباح الورد
مهاد اللي بقهر, ان اشي بسيط زي هيك مش مهتمين فيه, وبس شاطرين يدفعو عالمطبات اللي بتهلك السيارات

 

الاشششششااااااااارتييييييين ال بعاد -شوي- لآنه 100 متر مو محرزة ينحكى فيها , موجودات ليزيدوا قدرتك ع الانتباه والتركيز
وعشان ما يخلوكي تهملي دماغك ويجيكي كل اشي ع البارد المستريح ...

بدل ما تشكريهم هيك بتعامليهم؟

 

شايف بالله, يعني لايمتا راح نضل اكّالين نكّارين مش عارفه انا....

من كتر ما ركزت كنت راح انجلط و دماغي شرّت, هدفهم مش نبيل الجماعه :)

 

لسى في اسو من هيك بكتيييييير..
ازا على صندوق بندورة لسى اهون.. بس و الله فكرة اعلانية رهيبة، رغم انها "بتخزي" بالخط العريض

 

محمد

المشكله ان اول مره الامانه بتعمل اشي منيح, وبتلاقي العالم نفسها ما بدها تتحضّر ولا تتقدم :(