Things I Like To Whisper About

Would You Hear Me Whispering

قبل ان تتكلم...



في الي ابن عمّه من هو صغير قرر يترك المدرسه و يشتغل ميكانيكي, هيك عندهم بالعيله معظم الاولادة اتجهو لهالاتجاه وهو حب يعمل زي الباقيين.

اشتغل بكراج بالاول , و بعد فتره فتح كراج خاص فيه و بصراحه تعب كتير لكوّن نفسه, بالبدايه تزوج و سكن مع اهله بنفس البيت, و شوي شوي ربنا اكرمه و جمع فلوس و زبط وضعو و حاليا ما شاء الله عنده معرض سيارات و كراج كبير و مش عارفه شو بالحرّه, و درّس كل ولاده بالجامعه و زوجهم.

في يوم من الايام راح عنده عالكراج واحد من العيله هو وابنه, وكان ابن عمتي بشتغل بتزبيط سياره و كله زيت و شحمه, الاب بحكي لابنه اللي بالصف العاشر....شايف بابا اللي ما بكمل دراسته شو بصير فيه؟؟؟

طبعا ابن عمتي صار بدو يضربه و يمسح فيه الارض على هالموقف...بس الابن حكا اشي خلى ابن عمتي يسكت,
الابن حكا لابوه: اه شايف بصير غني ومعه فلوس :)
ابن عمتي ما قدر يمسك حاله من الضحك و الاب ما عرف شو يحكي.

انا ما بدي احكي ان الشهاده مهمه ويلا لأ, ولا بدي احكي عن الفلوس هي مهمه بالحياه ويلا لأ, اللي بدي احكيه هون عن تعليقات و اضافات بعض الناس اللي ما بكون الها معنى و واضح انها صادره بدون تفكير و لا تركيز. وياما جرحنا ناس كتير , وناس كتير جرحونا بتصرفات متل هيك.

فيا ريت نفكر كتييير مش شوي قبل ما تطلع منا الكلمه و نندم عليها للابد!!!

13 التعليقات :

قصه حلوه وفيها عبره

جد لازم نفكر بالأول بس هاتي عاللي بيفكر تا يحكي بالأول

وأنا أولهم على فكره كتير بحكي حكي ما إله معنى:)

 

شيء صحيح ميه بالميه لكن بالك الناس رح تفهم هالحكي ؟؟؟

 

"اطلبو العلم ولو بالصين " المال والغنى مش كل شي سيدو الله يرحمو ترك الدراسه وهوا اصغير كان عمرو 9 سنين كان يطلع كل يوم يفلح الارض بالطريه من الساعه 4 الفجر لغايه الساعه 8 المسا مع العلم كان متفوق بالدراسه بس زمان ما كان العلم باكل عيش وستي الله يرحمها ما دخله مدرسه وما اتعلمه قرايه وكتابه بس سبحان الله الاشي الوحيد الي بتعرف تقراه القران الكريم بتشتغل بالبيت وبتطبخ وبتكنس ولهلوبه وعلمه 9 اولاد :)

انا ما بحب الدراسه بس يعني كنت امشيه حالي مش كسلانه كتير ولا شاطره اكتير وسط من وانا اصغيره كنت لمن ازور سيدو احكيلو سيدو ماما بتبعتني على المدرسه في مكان انا ما بحبو كان يضحك ويحكيلي والله يا جدي انتي بدك ضرب بالعكاز الخيزران الي بايدي بس لو اصيدك احكيلو طيب انتى هيك ما اتعلمه ليش انا اروح المدرسه يحكيلي ااااخ منك يا مقصوفه الرقبه ويضحك يحكيلي انا زمان كنت اسوق بقره بس الحين ما بصير اسوق بقرم لازم اسوق سياره لانو يا جدي الزمن اتغير عشان اتكوني قد حالك لازم تتعلمي واتجيب اعلى شهاده عشان ايكون احترامك بالمجتمع موجود وتثبتي حالك

زمن جدي ولى راح الحين زمن الشهاده حتى لو اولادنا ما بدهم يدرسو لازم اندرسهم غصبن عنهم ابن عمتك شاطر بس اولاد ابن عمتك ما حيكونو زيو بالكار من غير شهاده
نظره الاب كانت سطحيه ازا هيك فكر وابنو لانو ابوه معيشو على قل يعني "مش مشبعو" ازا وهوا مفعوص بعرف ايش يعني غني وايش يعني فقير ولعلمك ابن عمتك ما حيرضاها للاولادو وانا متاكده هوا ضحى عشان اولادو بس ما حيخلي اولادو اتضحي عشان الفلوس لانو الفلوس بالنهايه مش كل شي العلم من غير الفلوس في هالوقت ما بيسوي شي والعكس صحيح

اعتزر للاطاله واتمنى ان تتقبلي مروري

:)

 

الانسان الناجح هو الانسان المبدع بالعمل الي بقوم فيه بغض النظر اذا كان العمل بحتاج الى دراسة و شهادات والا لأ

كثير فيه ناس بكافحوا و بتعبوا و ببنوا حالهم من ولا اشي و من غير حتى تعليم .. و هذول بكون عندهم ابداع وقدرات خاصة بمجال عملهم والا ما كانوا وصلوا ... بس للأسف المجتمع بظلم بعظهم

بس ما تنسي يا همسه ... انك حتى بهاي القصة الي سقتيها عن نجاح انسان بدون تعليم .. ارجعتي بالنهاية و قيمتي ذروة انجازاتهبتعليم ابنائه

:)

 
خالد السعود

ويسبر صباح الخير ..
بتعرفي لو الواحد بفكر شوي قبل ما يحكي أو قبل ما يتصرف كان وضعنا بختلف عن هيك بكتير .. بس للأسف الي بوزنه نسبة قليلة جدا.

 

yslm tmmek :)
3njad a7yanan fee t3le2at bay5a w tafha wma 2lha ay m3na ,, bl3aks btsm el badan ...
rbna 5l2lna 3a2el msh mshan nmoot w hoo jdeed wmsh mosta3mal , forsa nsta5deemo !!!

 

مياسي

كلنا بنغلط هيك غلطات بس في ناس بكون كلامهم دبش اكتر من ناس, وانك تتراجع عن اللي حكيتو مش غلط برضه :)

سوزان

للاسف مش كتير ناس راح تغير من هالطبع السيء هاد


ضيفه المدونه

اولا اهلا وسهلا فيكي و اطيلي بالتعليق زي ما بدك :)

الله يرحم امواتنا اجمعين.

انا ما بنكر ان بهالوقت الشهاده مهمه بس ان تكون قد حالك وترسم مسار حياتك وانت صغير برضه اشي مش غلط.

العلم و الفلوس مهمين بالحياه بس مش اساس الحياه.
شكرا واهلا وسهلا فيكي مره تانيه

 

امجد
اصح وانا معك 100% بهالموضوع, وكتير ناس بدرسو اشي ما اله دخل بمجال شغلهم وببدعو بشغلهم.
يعني بابا درس فلسفه وعلم نفس و اشتغل و بنى حاله باشي ما اله دخل بالمره بدراسته.
القصد مش الشهاده, القصد الامكانيات الماديه للشهادات و الزواج :)

خالد
اهلا وسهلا, والله زمان :)
للاسف صح و هاي مشكله ازليه ان شاء الله بنخلص منها عن قريب.

Maroo
laa 2a7san ydallo jdeed....bs ynba3 bekoon 3'alee :)

 

أنا بصراحة مع امجد بكل شي قاله. الإنسان المبدع هو الإنسان الناجح، عمر الشهادات ما صنعت النجاح، خصوصا في هذا الزمن اللي بنعاني فيه من امّية الخرّيجين و حتى اصحاب الشهادات العليا.
التعليم مهم جدا و الشهادة شيء مهم جدا، و بنصح كل انسان انه يحرص عليهم. لكن للأسف الشهادة هاي الأيام مصمّمة بس علشان يعرف الإنسان يتزوّج!
يعني في مثال احسن من بيل جيتس؟ الزلمة ما خلّص جامعة و صار اغنى رجل في العالم في 15 سنة.

 

مسا الخير
عمرها الشهادة او الفلوس لوحدهم بقيموا الانسان

 

قويدر

المشكله ان لو تقدم اي شخص للشغل, بنسو الخبرات العمليه و بركزو على الشهاده العلميه, مع ان الخبرات المفروض هي الاساس.

للاسف صح كتير خريجين جامعات بطلعو من الجامعه زي ما دخلوها.

محمد

بتكون نظرتنا سطحيه كتير ازا كان هاد مقياسنا للانسان اللي قدامنا

 

صباااح الخير :)

كيفك ؟؟

الإنسان هوة إلي بيصنع نفسه بشهادة و بدون شهادة و ما بنكر إنه الشهادة مهمة بهاي الأيام .. بس الخبرات مهمة أكتر و الشخصية و كيفية تعامل الشخص مع محيطه و هيك :) .....

 

رزان

يا صباح/ مسا الفل يا قمر
انا والحمد لله بخير, كيفك انت :)
معك حق...طريقه تعاطي الانسان مع المجتمع اللي حواليه هو الاهم