Things I Like To Whisper About

Would You Hear Me Whispering

Open Day


بتذكر وانا صغيره كان احلى يوم بالسنه الدراسيه خصوصي بعد ما وصلنا للمراحل المتقدمه بالدراسه, مش بالرابع والخامس اللي كنا ناخد 5 حصص منهم حصتين فن وحصه رياضه و حصه رياضيات وحصه عربي.... الله يرحم هديك الايام هلأ مساكين اللي بصف اول ابتدائي باخد طحشه مواد لدرجه ان الام بتقد ترسهم كانهم توجيهي, لا تفهموني غلط!!! انا مع هاد الشي لانه التأسيس هو الاساس و اذا تأسس صح بضل معه لاخر عمره.

المهم نرجع لموضوعنا اكتر يوم كنت احبه هو يوم النشاط المدرسي "Open day" اولا لانا بنروح باواعي مش بالزي المدرسي - خصوصي اني كنت اكره الزي المدرسي وكان نفسي يكون للتوجيهي زي لحاله .

و لإنا بنكون محضرين نشاطات وانا مشاركه بمعظمهم :)

تجارب كيميا, تمثيليات عربي و انجليزي و طبعا رقصات :$ , اكتر اشي بتذكر تنتين منهم بالصف السادس, راح طيّر حمام لراغب علامه, اشي تافه عالاخر بس وقتها كنت حاسه حالي بعمل اشي مهم, بندخل و احنا بنعمل بايدينا زي العصافير, و بعدين بنوقف و بنبدا نشوح بايدينا - كيف بس كنا نغني بابا وماما بحبوني, بالزبط هيك - وكنا كمان على كلمات مبرووك مبرووك وحده توقف و وحده تقعد, لا حركات حركات.
و الرقصه التانيه, على اغنيه "brown girl in the rain" حركات ما الها دخل بس انه ما شاء الله عنا مثقفين :$







اللي ذكرني بهالحكي ان اليوم كان ال "Open day" لمدرسه البنات اللي جنبنا, كأنه يا جماعه تغيرت الدنيا؟؟؟ اصوات صراخ و زغاريت وطبله ....شو بعملو بالزبط؟؟؟
الصبايا وهمه مروحين حبو ينقلو الاجواء للشارع, باخر الزفه لقدرت ابدا اصور, بعد ما خلصت تصوير اكتشفت ان الزووم عندي بالموبايل مش واضح بالمره, فاعذروني على ردائه التصوير , وعلى كتر الحركه :$
اتركم مع الفيديو





5 التعليقات :

lol, what would you expect this is the new generation so they express such days in a new way

 

loool

now u can join us on our video blogging project:)

 

Ahmad
yeah,and they expressed it loudly :D

مياسي
محاولات فاشله ...يلاا هي شوي شوي بنتعلم :)

 

مرحبا
والله انا ببالي من زمان أحكي عن حصة النشاط المدرسي .. و يوم النشاط المدرسي .. بصراحة كان يوم مميز كثير .. و أحلى اشي انه كنا نشوف ناس آخر مكان ممكن يكونوا فيه المدرسة
:) و ناس من اللي كانوا مميزين بالمدرسة بزماناتهم

بس احنا كنا نشتغل أعمال صيانه ساعتين الصبح بعدين الاحتفال

أول ما رجعت السفر كنت بتمنى أنعزم على هاليوم اذا موجود و بعدهم بعملوه .. بس شكلهم بعزموا الدبيكه و اللي بعرفوا يغنوا :)

 

امجد

لما كنت بالمدرسه كنت احكي عمري بحياتي ما راح ارجع ازورها ولا اشتاقلها...بس هلأ جد نفسي ازورها واشوف معلماتي, يا ريت بعملو عنا زي بالدول الاجنبيه
"re union" للخريجين...