Things I Like To Whisper About

Would You Hear Me Whispering

Lovely days :D

الايام الماضيه كانت من الايام اللي ما راح انساهم بحياتي
من قبل ما يجي اخوي من السفر بعتتلي مرة اخوي ايميل انها ناويه تعمل مفاجأه لاخوي بعيد ميلاده و تحجز بالعقبه, وحكتلي انها حابه كلنا نروح انا و اخوي الصغير و اختها و زوج اختها و بناتهم و هي و اخوي الكبير :)
بالبدايه ترددت انه شو بالنسبه للملل...وحده عامله مفاجأه لزوجها ليش كلنا نلزقلهم....بس هي اقنعتني انها فرصه و بننبسط و لما حسيت انها فعلا بدها ايانا نروح وافقت و زوج اختها حجزلنا بالراديسون ساس و رحنا وكانت من اجمل ايام حياتي.
الفندق بجنن, و البحر بياخد العقل و الجو مش كتير شوب,و احلى اشي ان اخوي رجعلي الفلوس اللي دافعتهم :) يااااااااااهههوووووووو :$

زوج اختها لمره اخوي بكون ابن خالي و مرته بتكون بنت خاله عم ابو زوج عمتي :).......مين حكا البطيخه!!!! مش حزوره , هو بس ابن خالي, وهومن ضمن شغله تنسيق رحلات للبترا و العقبه فتقريبا على رأيه حافظها رمله رمله :) فكان هو المنسق لكل النشاطات و الرحله عباره عن يومين مليااااااااااااااااانه نشاطات.

انا اخدت معي لبس السباحه الشرعي, طبعا ولا شرعي ولا اله دخل اول ما تنزلي بالمي بيصير بدله غوص ما شاء الله :$ بس الحمد لله سبحت انا واخواني ولما اجيت اطلع من البحر فاخواني ماشاء الله كل واحد منهم طول بعرض اعطوني المنشفه و ربنا ستر علينا :)
افطرنا الصبح بالاستراحه بناءا على طلب الشباب و احنا البنات اكلنا المعجنات اللي عملتنلنا اياهم ماما و بالفندق بس وصلنا كملنا على المعجنات و نزلنا عالبحر فباليل كنا كتير جوعانين و اخدنا ابن خالي على ال " Tche Tche" كنا كتييييييييييير جوعانين, و الاكل كان بجنن, بحب الوجبات الشامله انا اللي زي هيك, بعدها ضلينا نلفلف بالعقبه و بعدين رجعنا قعدنا جنب البحر لل 2 بالليل.


رحنا عالسوق الشعبي و اشترينا مكسرات طبعا, رحنا عالمولات اللي هناك ولفلفنا بكل مكان.

نسيت احكيلكم ان الفندق كان معه وجبه فطور, اشي فاخر عالاخر البوفيه فيه كل الانواع اللي ممكن تخطر ببالكم....بعرف اني حكيت كتير عن الاكل بس انا بالنسبه الي رحله يعني بدك تخرب الرجيم و تخرب كل برامجك و تاكل اللي بخطر ببالك :)

بكفي حكي, اتركم مع الصور و الصور اهداء خاص لمتابع المدونه ما بعرف شو اسمه اللي بالسعوديه و كان يشتغل بالعقبه :)




















20 التعليقات :

whisper ma tzkrini fi tche tche el 3a2abe kan baiti el tani ayma ma knt asht3'l hnak ayam knt arw7 mn el sho3'ol 3ndo direct...wala ayam 7elwe kant... good for you enk enbsti o hav fun in ur life always u deserve that

 

whisper ma tzkrini fi tche tche el 3a2abe kan baiti el tani ayma ma knt asht3'l hnak ayam knt arw7 mn el sho3'ol 3ndo direct...wala ayam 7elwe kant... good for you enk enbsti o hav fun in ur life always u deserve that

 

Ahlan yaaa....I'll name you "Aqaba guy " :D
al7amdolellah I enjoyed every single minute there :D
thanks for your nice word and for visiting my blog

 

عااااااااااا

الصور خلوني أتحسر أكتر بعدين مع هالعقبه اللي مش صاحلّي أزورها:(

بس مع هيك انبسطت لك؛ وأنا بحكي البنت صارلها يومين غايبه ولا بوست ولا خبر:) أتاريك دايره عالشط ومع الرملات

 

SALAM
I went to Aqaba one day but it was not like what you described :).. it was a one day visit though

I will switch to arabic even though i don't have arabic keyboard.

هسة انتي خربتي علينا ... أنا كنت بد احكيلك شو هي الحزيريه ...

كويس انك خربتي الرجيم ... أنا اليوم ضليت أمشي ساعة بالجيم والعبت رياضه ٤٥ دقيقه وبس روحت كان إبن عمي عازمني على مشاوي أكلت قد قرده والده وبعدين بيبسي وكنافه ... مع اني مع بشرب ببسي ولا بوكل حلو ...

الصور كثير حلوين خصوصاً المسبح
الحمد الله على السلامه

 

ميسووو
لا تبكي يا قمر بكره باخدك :)

لا جد قريب لازم تروحي قبل ما تصير كتير شوب الدنيا.
الله يسعدك انا حكيت ما حد فقدني :"(

امجد
رحله اليوم بحبها انا مع انها كتير تعب بس تجربه جميله, بس بعد ما جربت المبيت و بفندق بجنن خربت اخلاقي و بطلت احب الروحه ليوم :$

انا متأكده انكم راح تحزروها فجاوبت انا :)

احلى اشي بالدنيا الاكل و خصوصي اللي على غفله :$
الرحلات ما بتحلى الا بالشيبس و المكسرات والاكل اللي ما اله معنى.
صحتين عالعزومه و الله يسلمك...عقبالك :)

 

أمجد

لول@ قرده والده جد تحشيييش
ساعة مشي؟ الله أكبر لشو كل هاد؟

ويسبر

طبعا بدي أفقدك؛ مش أختي وطالعه عالعقبه من غير ما تحكي؟!!:)

 

هههههههه انا انتبهت للكلمه بس اول مره بسمعها, لكني فهمت انه كتير يعني :)

شفتي هالاخت مش انها تعزم مش انها تحكي تعالي معي....الله يعينك على هالاخت

امجد
ما بعرف هو في مشكله بالتعليق و يلا شو بدي اعلق على صوره والدك و والدتك بضل يطلعلي error فيااا اما في مشكله او انا الهبوله ما بعرف اكتب تعليق :$

المهم الله يخليك اياهم و يخليهم لبعض :)

 

هاي كلمة الفلاحين بيستخدموها كتير
الله يسهل عليكي يا أمي

بتحكيها كتير:) بس أول مره بسمعها من شب:) جد نهفه

 

صح كلامك .. أنا ما بقاوم الأكل خصوصا الوجبات الدسمة :) .. مشان هيك بحب أطلع مشاوير مشي على الالسهول أو ألعب رياضة

مياسي : أولا بحب المشي بعدين ما بحب انصح ... يعني شفتي صورة أبوي وأمي :) و أنا على نفس الهيئه

 

aqaba guy i like it my name a7mad i always here checking ur blog daily saaaa7 ma b3ml comments kter bs always 2a3dlek hoon!!!
i like ur blog so much especially ur so easy language and accent.... thx whisper and keep going girl o ma t2t3ina fi el makatib!!!

 

همسة .. الحمد لله على السلامة ... مين إلي ما إفتقدك ... له له ... و أنا بحكي غريب إنه همسة مو منزلة بوست .. ! تعودت إني أشيك مدونتك كل يوم الصبح قبل ما أعمل أي شي :) ...........

الصور حلويييين و العقبة بتجنن :) ...
الحمد لله إنك إنبسطي :) ....

 

مياسي
على راسي الطيبين كلهم , الله يسهل على جميع مغتربينا يا رب

بس حلوه الكلمه و معبره :)

امجد
انا بحب المشي كتييييييييير بغير النفسيه.
خليك على نفس المنوال و نفس الهيئه :)

Ahmad
ahlan wa sahlan feek da2eman , happy that you like my post w inshallah dayman y3gebak elly ra7 2aktobo :D


رزان
الله يسلمك يا رب, اهلا وسهلا فيكي دائما, و بيسعدني وبشرفني زيارتك يا قمر, وانت كمان طولتي علينا بالبوستات اللي بتجنن يلاااا بدنا اشي جديد

 

شو حلوين الصور !!! و الله أنا لازم أنزل على العقبه خلص عيييييييب !!!
بس هداك اليوم مع الوكيل جابو سيرة العقبة و إنو ممكن بحق الروحه تروحي فيها على لبنان أو شرم الشيخ, مزبوط هالحكي يا ويسبر ؟؟!

 

ashwaq
لازم تروحي وقريب قبل ما يبدا الشوب.
بصراحه في منو هالحكي, احنا كان غالي الفندق بس لانه كان موسم عيد الايستر يعني ممكن بغير ايام يكون ارخص, انا صاحباتي ضلو يقنعوني ان روحي علبنان او الشام احسنلك بس هيك صار الترتيب و استغليت الفرصه :)

 

مم ...
إن شاء الله ,.,, بنزل شي جديد ....
الأفكار محبوسة :(

 

أمجد

وأنا كمان بحب أمشي كتير؛ بس زمان ما مشيت:(

طيب كويس خليك على نفس الهيئه؛ أخف وأريح:)

 

wow seems that u had fun ... yea i told u b4 guys in aqaba especailly if u were in a 5 starts hotel u feel the true luxury :)
yalla wish u da best w 2keed 3'yrtee jaw :)

 

مياسي و ويسبر
عجبكو المثال :) ... كانوا يحكولي بتسولف سوالف عجايز

بالنسبه للوزن أنا كل واحد بشوفني بحكيلي ليش ما تنصح شوي :) .. مع إنه ال MBI عندي 22.2

ويسبر
أنا قرأت تعليقك هناك على الصوره وشكرا لاهتمامك ... بس ما اتكوني سبيتي علي أذا كتبتي اشي وضاع مع ال- error :)
لأنه لما ايصير معي اشي هيك .. رده فعلي بتكون يا بكسر اشي يا بسكر الكمبيوتر وبقوم بضرب راسي بالحيط ليش ما اعملت copy
:)
اشي كثيييير بقهر خصوصا لما أيكون ايميل طويل .. ومستحيل يرجع يطلع نفس الكلام إلي انكتب أول مره

 

mmmmm good inik embasati w '3ayarti jaw
mart akhoki mnee7a :P
ba3deen why i cant comment using my blogger account :S
Heba Hadad