Things I Like To Whisper About

Would You Hear Me Whispering

براءه



امبارح كنا طالعين على سيتي مول , وكان معنا 3 بنات , بنت اخوي "فرح" عمرها 4 شهور و بنات خالتها وحده 4 سنوات " جود" و وحده سنه ونص "جنا".

المهم لفلفنا بالمحلات و من الاشياء اللي شتريناها باللون و لعبه لجود , اتفقت امها انهم الها ولاختها الصغيره, وبعد اللفلفه و كالعاده بس نروح على أي مول بتواجد فيه سينابون لازم نقعد وناكل :$

واحنا قاعدين " ام جود" اعطت "جنا" البللون علشان تلتهي فيه لحتى ناكل, طبعا وكعاده الاطفال "جود" واللي بتلعب باللعبه انجنت " هاد الي انا, ما بدي اياها تلعب فيه" مع بدايه تنكد, ابوها حكالها اوك اذا هاتي اللعبه تلعب فيها مش احنا اتفقنا انها بالنص الك ولاختك, سكتت شوي وبعدين حكت لا لا خليها تلعب بالبللون.

بعد شوي "ام جود" قامت شوي شوي و حملت بنت اخوي "فرح" و راحت بعيد علشان "جنا" ما تشوفها لان من يوم ما اجت فرح و هي مش طايقتها .

بتسألنا جود" ليش ماما هيك عملت, حكتلها مره اخوي علشان "جنا" ما تغار....سألتنا شو يعني تغار؟؟؟

طبعا هاي المره المليون اللي بتسأل هالسؤال قدامي, حكيتلها انا بحكيلك.

انا: هلأ معقول ماما تحب حد اكتر منك؟

جود : لأ طبعا.

انا: بالزبط, ماما لا يمكن تحب حد اكتر منك, بس انت كبيره و بتفهمي هالحكي, بس جنا لساتها زغنونه و يادوبها بتمشي و يا دوب بتحكي بابا, ما بتفهم هالشي, تخيلي انها بتفكر ماما بتحب فرح اكتر منها لانها بتلعبها.

سكتت شوي انها بتستوعب بعدين حكتلي: اااااه يعني زي لما انا زعلت لما اعطو البلون لجنا و كانو بدهم يعطوها لعبتي, انا غرت وقتها!! :)

حكالها ابوها بالزبط...مثال واضح و صريح ومباااااااااااششششششششششششرررر, وال ايش مش فاهمه شو يعني تغار.


ههههههههه الله يعينهم الصغار على هالمشاعر اللي بتصير عندهم بس يجي أي بيبي جديد عالعيله, بس لازم الاهل يستوعبو هالشي وما يتجاهلوه دايما يراعو مشاعر البيبي اللي بكون صغير اساسا بس لما يجي بيبي جديد بفكروه صار سنه تانيه جامعه عاقل وبفهم و واعي وكبير.

4 التعليقات :

are assuming that people who are seneh tanyeh jam3a are 3a2lin w wa3in...I hope so :)

 

اذا الي عندهم أولاد بكونوا بغاروا يعني بمواقف مشابهه .. كيف الأطفال اللي 3 سنين

 

Gardenia
Welcome to my blog :)
at that age people should be ykono 3a2leen, but It's a word I use in such a situation :)
and I use the word "saf tanee baa" when people treat me as a child or acting like one :)

Amjad

ما بكون وقتها براءه... بكون كيد و بلى بعيد عنك :)

 

الصورة اللي حاطيتها جنان الولد اللي فيها عامل زي ابني لما يزعل ويضرب شرط
صحيح وهاي المشكله صارت عندي لما جبت عبوده لكن الحمدلله لولو تجاوزتها وتفهمت الوضع احيانا تظهر اذا اظهرت حب لواحد دون الآخر