Things I Like To Whisper About

Would You Hear Me Whispering

ذكريات

اليوم وانا برتب باغراضي لقيت دفتر زكرياتي

بديت اكتب فيه واخلي صاحباتي يكتبولي فيه بعيد ميلادي بال 91 يعني من زمااااااااااااااااان

في صفحات كاتبه التاريخ و كاتبه كلمات , كلمه على كل سطر,اشي تذكرت شو يعني واشياء كتيره ما تزكرتها

كاتبه اشياء باول ايام التوجيهي و كل صاحبه من صاحباتي كاتبه موقف صار معنا, هديك الايام بتزكرها بادق التفاصيل.

و قرأت اللي كاتبينه صاحباتي , يا الله كيف كان تفكيرنا صح كتيير ابسط من هلأ بس فيها شويه حركات صغار زي ما بحكو, بحبك وما بحبك و مقاتلات وعتب ههههههههه جد ضحكت من كل قلبي.

في خرابيش من اخوي ورسمه المفروض انها عصفور وهو بالصف الاول.

وخرابيش من بنت عمي وكاتبه ان عمرها سنه J

و في جزء كاتبه فيه اغاني

اغنيه "متى ستعرف كم اهواك" لنجاه الصغيره كاتبتها مرتين و بنت خالتي كاتبتلي اياها مره , ابصر شو اللي كان شاغلني وقتها مع اني لا ازكر ان كان الي هالحركات, صح كان في ناس توقف على باب المدرسه وتضلها ماشيه وراي لاوصل البيت , وبايام الشتا كانو يضلو واقفين لادخل المدرسه, بس انا ولا كأني هون لولا صاحبتي اللي كنا نروح ونيجي مع بعض انها نبهتني مره ويلا انا مش شايفه حد, وحتى بعد ما نبهتني صرت اطنش اكتر,من انا وصغيره و انا تفكيري اكبر من عمري ما شاء الله علّي.

وفي اغاني لدليدا رحمه....يا الله وين ايامها هالمطربه من زمان ما سمعت عنها.

وفي صفحات ملزقه فيهم ورد من مناسبات كتيره وكاتبه التاريخ و شو المناسبه.

والله كاينه فايقه ورايقه وانا مش عارفه.

وفي ورقه مكتوب فيها كلمات دعايات من صاحبتي وكاتبه انها بالحصه السادسه يوم السبت 13/3/93

والله كانت ايام جد ما بتتعوض.






هاي ذكرى تانيه كاتبها اخوي بال 93


جزء من الدعايات اللي كتبتهم صاحبتي
يا الله ....ايام بتجنن






3 التعليقات :

لول

والله كاينات فايقات ورايقات
بتكتبوا الدعايات كمان؟

هاديك الأيام بتكون هبله صح بس حلوه كتير مع هيك:)

انبسطت انا:)

 

واحد سلام عليكم أختي الأردنية الرقيقة
^^
الذكريات ..
مع التقدم في العمر يحس بعض الناس أنهم كانوا أذكى في طفولتهم ، والحياة أكثر بساطة
ربما يكون صحيحاً وأمراً طبيعياً للغاية..
ومثلك لدي دفتر من المرحلة الاخيرةمن الابتدائية وجزء من الاعدادية به ماخططته لي صديقاتي وزميلاتي من أفكار وتمنيات وصور وقصائد وهيك شئ.
شئ لا يعوض ، هذا الدفنر الخاص هو صلتي المادية بالماضي الجميل.
ولدي كراسة أكثر أناقة خاصة جداً
لأني في السنة الاخيرة من الاعدادي
خصصتها لاساتذتي ..
كتبوا لي فيها الكثير من النصائح والتشجيعات والأفكار المميزة جداً
التي تجعلني مميزة بأني كنت يوماً تلميذة لدى كل منهم.

الذكريات أحياناً ترفعنا للسما السابعة ، تحلق بنا وتجعل لنا اجنحة
وأحياناً تهبط بنا الارض السابعة ،تكشفنا أمام أنفسنا
ماذا يا ترى صنعنا بحياتنا حتى اليوم!
ماذا؟

كعادتك أختي في الله
تدويناتك تلمس أعماقنا

 

صديقتي و اختي المغربيه الغاليه
وعليكم السلام ورحمة الله وبركاته

اهلا وسهلا فيكي دائما... و ما بتتخيلي
سعادتي بتعليقاتك وكلماتك الحلوه :)

ما بنكر ان الطفوله فيها بساطه كبيره, لكن بحي ان طفولتنا ابسط من طفولة الجيل الجديد, ممكن تقدم الحياه فرضت عليهم اشياء

يعني طلعنا بنشبه بعض في دفاتر الذكريات, كان عندي دفاتر غيره وانا صغيره وعليه كتابات من معلماتي, لكن شكلي ما كنت احافظ عاغراضي منيح وقتها والله اعلم وينه هلأ

الحمد لله على ذكرياتنا الحلوه, فعلا في ناس ذكرياتهم وطفولتهم مش زكره لطيفه ابدا

ان شاء الله انّا نكون عملنا اشي و احدثنا فرق بحياتنا وحياة اللي حوالنا

شكرا لزياراتك المبهجه :)