Things I Like To Whisper About

Would You Hear Me Whispering

اختراع

ليش ما في بالسيارات اختراع, جهاز من كبسات بتخزن على كل كبسه جمله صغيره, ويكون هالجهاز موصول بلوحه عرض فوق السياره بالالوان وبتضوي وتطفي علشان الكل ينتبهلها , ولما تحتاج تحكي لحد هالجمله وانت بالسياره بس تكبس عالزر, زي بس يجي واحد من شارع فرعي و انت طالع من تحت النفق بالسياره و بدو يجي بالخاوا على مسربك و اشاره اعطي الاولويه قد راسه قدامه و يصير يزمر و يأشر بايده, مثلا انا بكون نفسي احكيله " بالله عليك ...طب كيف حالك انت!!"

او بس امشي جنب تكسي و ازمرله و يجي يمشي جنبي زي الصاروخ ويقرب عالسياره و يصير يزمر , نفسي احكيله " ارحم حالك :) "

يعني جد برتاح الواحد و بروح التعصيب بس يعرف انه اللي بأشره وبحكيه من ورا شباك السياره و بكون شكله مسخره وهو كأنه بقاتل دبان وجهه او اللي معه بالسياره ,بوصل للناس وللشخص اللي بدك توصله التعصيبه

اكيد لازم يكون في قوانين للاستخدام, يعني بعض الالفاظ و المسبات بالزات ممنوع تستخدم,افراد العائله وخصوصا البنات منهم ممنوع منعا باتا ينذكرو :$


حلوه الفكره صح؟؟؟

انا شخصيا عجبتني D:


13 التعليقات :

الفكرة حلوة وعنجد بس انت كتير حنونة بالكلمات .. يعني لازم تكون شوي بتفش الغل ...
أو مثلا يتصنع ذراع للسيارة مشان يضرب حدا كف او شلوت ..
او يخترعوا اشي يضرب احذية وهيك بكون احسن

 

مهو ازمة بصراحه ... لانو مرات الواحد بتفقع مرارتو وبببلش يرمي حكي ... ويقصف عشوائي ... يعني ممكن انتي بدك تضربي واحد كلمة بتيجي بواحد تاني وبصير ضحايا مدنين ... وبتتازم الامور
الاسهل الزمور
لانو الو نغمة بتبين الي بدك تقولو وبتفش القلب وكل واحد بفهمها بطريقتو

عفكرة انا بعارض الفكرة لانو انا بطبعي بحب اعارض :D

 

حلوة الفكرة ....

نسيتِ تحكي إنو لما يشوفوا بنت بتسوق السيارة و تجاوزت عنهم أو هيك إنه بستغربوا !!! و إنه إزا إنتِ قدامهم ما بهونلهم بحالهم ,,,
و عن عدم إعطاء الأولوية عنج الدوار كمان ,,
بس في نقطة مهمة .. دائماًو أبداً التكاسي و الباصات لهم الأولوية بكل شي :) لووووووووووووووووووووول

 

Mayyasi

This blond girl picture you have; following every move one makes, make reading your blog very annoying. I can’t continue reading your words from under this picture as it keeps moving as I read.
The rest of the so called new look means nothing to me. When reading someone blog, it’s what is written that count not the pictures and colors. I do enjoy reading your blog, when I am in the mood to be annoyed 
Have a great day. And please get rid of the picture, or post it elsewhere so it does not follow as one is reading your thoughts, which I hope it’s more important to you than showing the picture.

 

Whisper

I apologize deeply, the comment I sent earlier was meant to Mayyasi, I was reading your last post, and loving it so much, that I wrote my comment to Mayyasi in your blog 

Your post idea, and the way you write is so lovely

 

خالد
هههههههه ليش الحكي, فكرتك بتفش القلب اكتر :)

Ammar

اهااا صح والله كيف بدك تعرّف اللي بتحكي معه.
هاي بتعمل ازمه عصبيه و كره بين الناس اكتر :$
لازم نلاقي حل للموضوع.

Vagueraz

ييييي هاي عقده البنت اللي بتسوق عند سواقين التكاسي بالزات بدها اختراع لحاله
الباصات تروح من اقصى الشمال لاقصى اليمين تلت اربع مسارب فجأه عادي, لانه الاولويه الهم زي ما حكيتي :)

 

Khaled
It's ok , I was up to put your comment at Mayyasi's blog but I found out that you already did :D

Thanks for your visit and nice words :)

 

hahaha nice ideas w3njad ya ret kan fee mnha :) yslmlee el mo5tare3 bas :)

 

هههههههه

والله انك محترمه وبنت عالم وناس
وانا بقرا بحكي لحالي: هلأ بيكون نفسها بكم مسبه لزوم السواقه

بتعرفي كيف لما تكوني بنت وتسوقي
بيجننوكي:)

 

Maroo
keef bas,mo5 mo5 mesh 7ayallah
loooool

مياسي

هو بكون نفسي اعبر اكتر بس اكتر من كلمه حسبي الله ونعم الوكيل
او وك انتبه , ما بطلع معي :$

وخصوصا التريلات الكبيره, بتحسيهم قصدهم يوترونا, بس على مين يابا بطنشهم و ربك بستر :)

 

ليش كل هالعجقة
بامكانك تستخدمي الزامور و الضو الرباعي و تركيباتهم :)

 

hehehehe wilik walahi fasheeti 2lbi, tislamemi bijaah il ha22 :D

 

Allouh
لااا الزامور مع انه بعبّر كتير - كل تزميره الها معنا من توت توت للمرحبا لااا التووووووووووووووووت للمسبه- بس برضه بدك تفش قلبك بالحكي اكتر :)

Nawal
الحكي بفش القلب اكتر مش هيك؟؟
اهلا فيكي