Things I Like To Whisper About

Would You Hear Me Whispering

عادات اردنيه جميلة


إذا بيوم من الأيام حضرت عرس ....ونزلت الشباب عالدبكة وبلش العرق يزرب...وحميت
مع أبواسماعين (رقيب متقاعد) وسحب الكلاشنكوف وطررررررر...بلش طخ عن جنب وطرف
وهو برقص وبدبك
وسقط ثلاث شهداء من جراء القصف العشوائي .......ابتسم أنت في الأردن..انت بتحضر عرس أردني .


إذا تجوزت ..........والناس واقفيتلك عالمسطرة بتستنا أسبوع العسل لما يخلص عشان
يفيعو عليك ويهجموا هجمة رجل واحد..وكل واحد فايت يا جيبلك طقم فناجين
قهوة...ياصينية...وبالآخر بتحوشلك سبعطعش طقم قهوة وحدعش صينية واستنا مناسبات
عشان ترجعها لصحابها...بتكون بتمارس واجباتك الاجتماعية بالأردن...ابتسم


إذا فتت إنت ومرتك أو خطيبتك أو صاحبتك على قهوة وأجتك المنيو...القهوة
بليرة..المليلك شيك أبوفراولة بليرتين..وحضرتك طلبتهم..شو ثلاث ليرات..ولا إشي
ولما أجت الفاتورة ولا هي بقدرة قادر خمس ليرات وثلاثين قرش...كيف ما بتعرف...
ابتسم ...........أنت بتمارس الرفاهية في الأردن....

إذا كنت قاعد على مكتبك بوظيفتك...وكل المراجعين اللي أجوك طلعوا يا قرايبك يا
نسايبك وكل واحد الا بيسألك بتعرف فلان الفلاني...هذا إبن
عم جدتها لبنت عم مرة أخوي اللزم...هاتلك بوسة يا
زلمه...اممممموا...امممممممممممموا ..ابتسم فأنت في الأردن


إذا كنت ماشي بسيارتك مستعجل بدك تلحق موعد..ولا الشارع مليان سيارات عن
اليمين والشمال...إمشي ..إمشي والسير يالله ماشي...فجأة بتشوف هالسيارة
المزينة...وكلها ورد وشبر...والعريس النظوة حاط نيوترال وداحل....وليش السير
واقف..لإنه كل واحد من المحترمين اللي بالفارده بده يوقف خمس دقايق جنب سيارة
العروس وينظر النظرة الأخيرة عالعروس ........هنيال ابوها...إذا صار معك مثل
هالموقف مش تبتسم بس...اضحك واقلب على ظهرك...إنت بالأردن يا عمي


إذا كنت بصلاة الجمعة...كلك إيمان وخشوع بعد الخطبة المؤثرة..والإمام صوته ما
شاء الله..بيدغدغ القلوب...وأول ما يسلم الإيمان وخلصت الصلاة سمعت :
'
أحمر يا زر البندورة...ليرة البوكسه ليره'
'
أصابيع البوبو يا خياااااااااااااااااااااااااااار...أربعه كيلو
بليره...يالله يالله
'
عالسكين يا بطيييييييييييييييييييييييخ....أحمر أحمر يا بو قرعه...ابتسم
وابتسم وخلي طواحينك يبينو...إنت على باب جامع بالأردن

8 التعليقات :

hahahahha :)
3njad 2lbt 3ala dahree mn el de7ek ... y3ne mlyoon blmyeh sa777777 :)

 

هههههههه , المصايب اللي فبلدنا

 

:)
ذكرتيني على سيرة الفناجين

نسيتي تحكي عن الشريه وبناتها:) أكيد عرفتي شو هي:)

 

ههههههههههههههه والله يا همسه صدقتي بس نسيتي شغله بعد اسبوع العسل انه الطالع والنازل بيصير يسأل العروس حامل ولا
بس والله حلوة على قولة مبسو لازم تحفظي حقوق الطبع والتوزيع واحلى اردن عن جد ضحكت من كل قلبي يا الله شو خفيفة دم

 

والله لو يعرف ابو اسماعين انك كاتبة عنه !!
يا ستي هاد واقعنا ..
فا ....
إبتسم انت في الأردن

 

Maroo

hehehe ta7sheesh,mazbooteen 100% :D

Ahmad

مش مصايب, بحسها خفه دم و تلقائيه D:

مياسي

الشريه!!! :$ ما عرفت

بس الفناجين هاي بكل عيله موجودين

 

Suzan

هو صحيح انا اساسا دمي خفيف بس
حقوق الطبع ملطوشه لاني انا لاطشتها اساسا D:

خالد
مهو انا معتمده على انه ما بتابع المدونات $:

 

hhhhhhhhhhh, 3njad ra7 te2 mn el do7ok ya allahhhhhh!!

3njad ta7sheeeeeeeeeeesh
o la tnse fe nas ma bt7b tjeb fnajen ahwe,,, fe nas begebo warbat 3shan yakloha abl ma eraw7o hhhhhhhhhhhh.. aw 3lbet TOFEH mta3ajehhhhhhhh kman 3shan yaklo mnha..

ya allah wala ishta2na la el ordonnnnnnnnnnnn :D :D