Things I Like To Whisper About

Would You Hear Me Whispering

اطلع من راسي ....وشكرا 4



لمديري اللي بدو يجلطني...اذا انت اجبن من انك تواجه حد منا علشان هيك ما اعطيت ولا واحد فينا درجه منيحه ولا تميّز او انك اجبن من انك تاخد قرار وبس كل ما تشوف حد فينا تحكيله انا كتبت اسمك وبالاخر طلعت مش كاتب ولا اسم.......اطلع من راسي وك ايمتا بدك تصير قدّ حالك




لكل اللي بفكرو يتقدمو لبنت و ببعتو اختهم ويلا امهم ويلا جارتهم وما بيجو همه.....اطلعو من راسي عفكرهى هيك بتخسر البنت وما بوصلها غير ان شخصيتك زي الزفت
يا اخي اذا بتفكر انو بدكاش تروح عبيوت العالم علشان ما تنكسف روح عالشغل روح عالبطيخ دبر حالك بس انو رأي الماما هو اللي بقنعك فااااا....اطلع من راسي وسكر الباب بسررررررررررررعه




لاخوي اللي اخد السياره بوعد وتأكيد انه راح يكون على باب الشغل بس يخلص دوامي و مش بس تأخر لأ و رنلي انزله قبل ما يوصل كمان.....اطلع من راسي ....عفكره بحب اضيف انه حاليا السياره معه كمان....اخوي بعرف يضحك علي بسرعه :")



لكل اللي بعلقو دائما على مدونتي ....شكرا دائما بشرفني مروركم



ولكل اللي علقو على قيادتي بالمدونه اللي بعلقو عاده واللي اول مره بعلقو :)......شكرا شكرا شكرا جد اسعدتوني بتعليقاتكم



لابن بنت عمتي اللي عمره 3 سنوات و طول الزياره يغنيلي اغاني عمرو دياب و سامر حسني على رأيه و ياكل نص الكلام ويلحن على مزاجه .....شكرا والله يسعدك يا رب ...جد غيرت مزاجي و ضحكتني من كل قلبي

8 التعليقات :

مسا الخير
اذا متضايقة كثير من الشغل و المدير بنصحك تغيري شغل خصوصاً اذا بتشتغلي بالقطاع العام
اذا اخوكي ما اخذ السيارة منك يعني يوخذ سيارة الغريب :)
اللي بكونوا بخطبوا بهالطريقة تأكدي انهم مش جديين
و طولي بالك بدنا نشوف اشي جديد و حصري من قصص طرمة :)

 

مين سامر حسني؟ قصدك فضل علامة؟ واللا هاني ساهر؟
هي هي ... طيّب مافي بنات يطلعوا من راسك؟ يعني متعنصرة علينا اليوم :(

 

ممم
هادول مش اطلع من راسي full

مش عاجبني هيك البوست شبه رايق:)

تامر حوسني عندكم بالعيله؟ طيب ليش احنا عنا بس طيور الجنه؟

 

انني أرى أن الامور تتطور وهناك إحتمال أن تقومي بعملية انتحارية بحزام نافس على مديرك الذي سوف يهرب وتفشل العملية ثم تنتهي بالنملية

 

Allouh
مساء النور
اولا مبروك المدونه الجديده ولا تطول كتير لتكتب فيها ماشي :)

انا الي فتره بقدم طلبات في شركات تانيه وان شاء الله خير
لااا اخوي بمون بصراحه...اخر العنقود هاد :)

قويدر

هههههه , مش عنصريه بس احنا البنات أمامير وما بنزعل حد :)

مياسي
انت اللي فاهمتيني
شو بدي اعمل بس هيك بقدر احكي :)
انا بحكيله شو حافظ اناشيد قصدي يابابا سناني واوا وهالاشياء
قام صدمني بشريط سامر حسني كامل هههههه

 

Hamede
هههههههههههه
شكرا الك كمان ...جد ضحكتني
لاا ما بتوصل لهدرجه...ممكن اطخّه اضمنلي :)

 

هاهاه ا,,,
إن شاء الله بتلاقي شغل بشركة تانية و بتخلصي من مديرك العجبة .. هاهاهاه ,,,....
و سامر حسني .. يا عيني ...

 

الله يبارك فيكي
تابعونا تجدوا ما يسركم :)