Things I Like To Whisper About

Would You Hear Me Whispering

نيسان دق الباب


اول شي كل سنه وانتو سالمين شكله والله اعلم الربيع بدا رسمي
اي نعم بالليل في نسمه هوا بارده بس اجمالا بالنهار الجو كتير حلو ,و هي بالنشره الجويه بحكو ان نهايه الاسبوع و الاسبوع الجاي درجات الحراره راح تكون فوق ال 30.

تاني شي بدي انبهكم يا جماعه ان بكره 1 ابريل....
يعني بكره في ناس راح تخفف دم و تتناغش وتعمل مقالب سمجه وتسحب افلام عالعالم التانيه فديرو بالكم.


ياما سمعنا عن ناس انفصلو وناس انجلطو وناس ماتو من ورا خفه دم بعض الناس,في قصه كل سنه بواحد ابريل ماما بتحكيلنا اياها علشان تزكرنا ان انتبهو لحد يسحب افلام عليكم اليوم.

القصه ان خالتي بعد 5 بنات جابت الولد -كانو بدهم يسموه بدري بس غيرو رأيهم باخر لحظه :) - المهم طبعا و كأي عائله بتسيطر عليها فكره ان الولد هاد هو اهم انجاز بحياتهم و انه ما شاء الله الوريث الشرعي -على اساس الشركات و المصانع و الاموال اللي بالبنوك معبيه الدنيا - المهم طار عقلهم فيه, زوج خالتي كان يشتغل بالجيش بيوم من الايام اتصل فيه واحد و هو بالشغل و حكاله ان ابنك دعسته سياره ومات -بعيد الشر- طبعا وقتها ما كان في خلويات ولا كان عندهم تلفون بالبيت و برضه ما كان عندهم سياره, و المسكين صار يركض بالشوارع زي المجنون و لوصل البيت كان شوي و بده ينجلط لقى ابنه بلعب وماشاء الله عنه. اتصل فيه النغش و بضحك ال مشيت عليك كزبه نيسان!!!


فيا جماعه ديرو بالكم




4 التعليقات :

هههههههه

ذكرتيني بكره عيد ميلاد خالتي:) جد مش كذبة أبريل؛ خليني أعايد عليها

همسه ممكن تشيلي كمشة الحروف عندك اللي بيعلوني كل ما آجي احط تعليق؟

 

مياسي

كل سنه وهي بالف خير
عيديها عني كمان :)
خلص ولا يهمك بكره بضل انعبش لاعرف كيف بشيلهم :$

 

يا حبيبتي يا همسة
يا ربي شو هاد جد توارد افكار مو طبيعي
:S
بس لا تروح تزعلي لاني جد ما شفت بوستك الحلو :(
والله ما شفته غير هلا لما قرأت تعليقك .. من زمان ما لفيت على المدونات لاني
واجيت هب طاا .. كتبت اشي عن نيسان والربيع :)

جد القصة معبرة مسكين جوز خالتك راح ما يروح فيها الله ستر بس

اسفة واذا بتحبي رح اغير العنوان او شيل البوست من اساسه

بس جد ياربي شو هالصدفة هاي نهاية السنة التانية الي بالتدوين واول مرة بصير معي هيك موقف
:X:X


يسلمو عالفيروزيات
عالوجع
;)

 

eNAS

بالعكس انا كتير مبسوطه بهالصدفه..انا و انوووس نكتب عن نفس الموضوع :)

مره تانيه كل سنه وانت سالمه, وانبسطي بالربيع قبل ما يبدا الصيف وشوبه :)