Things I Like To Whisper About

Would You Hear Me Whispering

تخيلاااات


تخيل لو ان وقت حرب غزه كان القرار بايد الشعب مش بايد الحكام...شو ممكن كان يصير؟؟؟
كان ناس فورا قررو يجاهدو و راحو على غزه؟؟؟
كان عملو اجتماع طارئ و بسرعه قررو مكان الاجتماع و بسرعه اجتمعو؟؟؟
كان طلعو قرارات تنهي على اسرائيل و تنهي وجودها بفلسطين؟؟؟

انا عن نفسي بحكي و بعيدا عن التحليلات النفسيه للشعوب العربيه لانه هاد ممكن يغير اجوبتي فما بدي افكر بالموضوع
لو كان القرار بايدي كان رحت على غزه وكان دعمت اي قرار بحل الأزمه بفلسطين و بنهي على اسرائيل, وبكون عندي يقين بانا بنقدر نعمل اشي.



تخيل تاني بعيد شوي,او بعيد كتير عن الموضوع الاولاني بس بضلني افكر فيه
تخيل ان والدك,اه والدك زي ما هو هيك بافكاره وشخصيته , بعمل شعره سبايكي.
او بلبس عقد, او بنطلون مسحول, او اي مظهر من مظاهر الاباء الجداد اللي بنشوفه بهالايام, شو راح تكون رده فعلك؟؟
بتتخيله اب و صاحب السلطه بالبيت؟؟ بتحترمه و بتسمع كلامه؟؟؟

انا شخصيا بعد ما تخيلت بابا شعره سبايكي مش قادره اوقف ضحك وهههههههههههههههههه
فما راح استمر بالتخيلااااات بتركم انتو تتخيلو على كيفكم :)

2 التعليقات :

رح احكيلك وحدة من تخيلاتي اللي عمري ما بنساها .. مرة وانا بالتوجيهي قمت باليل و فتحت عيوني فجأة و فرطت من الضحك .. طبعا انسي انا لما ابدا اضحك بدي ساعة لأسكت هاهاهاها .. المهز ليه سيادتي كنت اضحك ؟؟ تخيلت صاحبتي صلعة !! هيك من دون اي مقدمات شفت وجهها قدامي هيك !! عنجد يومها كان تحشيش هاهاهاها .. انو معلش معزورة ضغط توجيهي :)

 

Maroo
ههههههههههههههه جد جد ضحكتيني من قلبك

مرات الواحد بيجيلو تخيلات غريبه ومش بوقتها..بس بتخفف الضغط اللي بكون فيه

عجبتني تخيلاتك :)