Things I Like To Whisper About

Would You Hear Me Whispering

تلج تلج...هااا هااا

الدنيا بره بدت تتلج
ادعو معي انها تضلها تتلج و تبني وتبني و نعطل بكره
ازا الدنيا ان شاء الله تلجت
فتلفزيونا الاردني بفيع و بكون يومه
بنزلو المصورين على حديقه التلفزيون وهات تصوير
و المذيعين بلبسو اللي عالحبل
المذيع او المذيعه الاولى
بحكو مع محافظ لواء مش عارفه شو و كيف الوضع و كيف التلج
بيجي المذيع او المذيعه اللي بعدها
بحكو مع نفس محافظ لواء مش عارفه شو وبسالو عن نفس الوضع و عن نفس التلج
بعد ساعتين بتتغير الشفت و برجع المذيع او المذيعه اللي كانو الصبح
و بحكو مع نفس محافظ لواء مش عارفه شو....الخ الخ


ياااااااااااااا رب تتلج و نعطل للسبت الجاي :)
واضح ان عندي انتماء لشغلي ما تحاولو :$




12 التعليقات :

ثلج؟
خيانه

أنا اليوم كنت رايحه على عمان ونزلت من الباص عشان المشوار التغى

خفت لو رحت على عمان انحبس شي اسبوع لأنو هيك صار معي السنه الماضيه

يلا اعمليلك عمو ثلجي بجزره:)

 

ميااااسي
ما عم يمسك التلج :"(
يا رب بالليل تتلج و تصبح الدنيا بيضاااااا
لاعملك احلى عمو تلجي بعيون زرار خضره كمان :)

 

هاهاهاهاها و ما تنسي انهم الضهر بعدما يخلص يوم جديد بحطولنا مدرسة المشاغبين :)
بس مش عارفة ازا وزير التربية الجديد زي طوقان اللي كانت كلمتة الشهيرة "حفاظا على سلامة ابناءنا الطلبة بكرا عطلة "هاهاهاهاها

 

maroo
او العيال كبرت او سك على بناتك
الله يسامحك بنوعو الجماعه...ظلمتيهم :)

 

مسا الخير
لحد هلأ ما في ثلج من اربد لعمان بس ان شاالله تثلج صح في بحر هذا الاسبوع خلينا نعيد عطلة ابو اسبوع !!!

 

طيب ليش عنا بالزرقا غبرة ومرات بتمطر بصير طين

بدنا ثلج بالزرقا ... يا عمي ما بطلعنا الا البرد

استمتعو يا اهل عمان بالثلج ( من ورا قلبي هل حكي )

 

Allouh
مسا الورد
و لهلأ بعمان ما في تلج للاسف
انا معتمده ان الليله تتلج :$

Ammar
مهو بهالحقد الطبقي هاد لا راح تتلج عندكم ولا عنا
فصفي نيتك شوي خلينا نعطل :)

 

come oooooooooooooooonnnnn
NOOOOOOOOO... nyalkonnnnnnnnnnnnn :(((( waaaaaaaaaa n7na ma 3na talj...bs hala2 blshet tmater :) wala el balash :p

inchallah bttloj kaman o kaman o bt3atlo isbo3een

;)

 

ان شاء الله ما تعطلي ... وتضل مطر ومبرد ومايشغلو تدفئة

فمة الحقد الطبقي

 

Jumana
ma fe talj :"(
ma 3am yemsek 3al2ard
shakloo bokran dawaaaam

Ammar
الله يسامحك :)
بدي اكون منيحه بركي تلجت و عطلنا

 

يعني اول ما شفت كلمة تلج قلت لازم ادخل و امسي

تخيلوا احنا عنا بعد ما انفرجت و مطرت نقطتين ونص
فجاة الجو صار اصفر
و غبار
و طينت عنا

انا ما بدي تلج
بدي بس تمطر بس ربع ساعة متواصلة
بس

 

Jafra
اهلا و سهلا فيكي

والله للاسف ما في تلج بس ما شاء الله من الصبح ما وقف الشتا
الله يفرجها و يسقيكم المطر :)