Things I Like To Whisper About

Would You Hear Me Whispering

خليك معايا...انا قلبي عليك

هلأ نرجع للاغاني اللي عن جد بحبها
في اكتر من اغنيه بحبهم لعمرو دياب بس اكتر اشي...تملي معاك و اغنيه خليك معايا

اول مره سمعت اغنيه خليك معايا
كنت محبوسه بالبيت الي فتره و مش طالعه و بحكي لاخوي نفسي اكل اشي حلو فأخدني على عبدون يشربني اشي اسمه "اوريو بليزرد"
من عند Crema Creme

المهم كان الشريط جديد نازل عالسوق واخوي من متابعين عمرو دياب
بحكيلي بدي اسمعك اغنيه من الاخر وحطها
كتييييييييير حبيتها و طول الطلعه واحنا كل ما تخلص نرجعها



اتركم مع الاغنيه







تاني اغنيه كتير بحبها اغنيه انا قلبي عليك لزياد برجي
برضه اخوي اللي دايما بثقفني بكل شي جديد سمعني اياها كنا طالعين رحله احنا و دار خالتي و احنا بكل رحله بعد ما نخلص هش ونش و نشرب الشاي لازم قريب المغرب نضب الاغراض و ننتقل لمنطقه تانيه
بتكون الدنيا ليل بنشغل النار بهالمنقل و كلنا بنقعد حوالين المنقل ولابسين جاكيتاتنا ازا الدنيا برد و بنقعد نشغل اغاني و نحكي نكت و بابا وزوج خالتي يحكولنا قصص ايام طفولتهم
و احنا بهالجو سمعنا اخوي الاغنيه الجديده وكلنا شغلنا البلوتوث و ابعت يا معلم
اتركم مع الاغنيه






2 التعليقات :

عمرو دياب شبهي عشان هيك مابحبو :P
لا بس مزوقة بالاغاني احسن من خاروفي يا خاروفي

 

لاااا راح احط اغاني متل خاروفي خاروفي من وقت لوقت لزوم خفه الدم :)