Things I Like To Whisper About

Would You Hear Me Whispering

الشعب سيشكر الحكومة لاحقا

المقاله باختصار
ان خبير اقتصادي شبه حكومي بيحكي عن الاوضاع المعيشيه اللي راح يعيشها الموظفين والمتقاعدين بعد الزياده الفاحشه " زي ما حكى" بالرواتب اللي راح تكون....احزرو...لا لا جد جد احزرو
اشي ما راح تتوقعوه اشي خيالي ...اللي راح ننسى كل هموم الدنيا ونعيش الرفاهيه الحقيقيه بعدها
من ورا هالزياده
كل موظف او متقاعد راح يشتري سياره وسيارتين اخر موديل
كل موظف او متقاعد راح يحط ولاده باحسن المدارس
كل موظف او متقاعد راح تكون تلاجته مليانه باطايب الاكل والحلويات لاخر الشهر وهو مرتاح
كل موظف او متقاعد راح يضل معه نص الراتب بعد ما يتمصرف و يروح ويجي لاخر الشهر واكلات بره و سهرات ومطاعم وينسى ايمتا اول الشهر من اخره وما حد يتداين من حد
كل موظف او متقاعد راح يقضي اجازه الصيف باي مكان بدو اياه...مهو الواحد برضه لازم يعيش

بس في اشي واحد مزعل الخرّيب الاقتصادي...قصدي الخبّير الاقتصادي انو في تعديل وزاري قبل ما تعم هالزيادات والناس راح تشكر و تدعي للحكومه الجديده وتنسى الجنود المجهولين ورا هالزياده..... فعلا اكّالين نكارين يا اخي

اكيد حزرتو قديش الزياده......تخيلو من الفرحه مش قادره اكتب الرقم...اصابعي عم يرقصو مش عارفه اسيطر عليهم من الفرحه
تخيلو راح تكون الزياده.... من 16 الى 35 دينار "قبل الاقتطاعااااااااااااااااااااات"
تن تن تااااااااااااااااااااااااان


بعرف بعرف انا كمان اغمى علي بس عرفت :$


المصدر




5 التعليقات :

كلهم مع بعض، وللّا الزيادة رح تكون على دفعات؟

 

نعمة!! احسن من البلاش

 

maf3oos
ما بدي احكيلك بلاش تحسدنا P:
:"( قصدي :)

قويدر
هو الحمد لله على كل اشي اكيد
بس هالزياده "شم ولا تدوق "
واحنا زكمنا من الشم بدنا ندوووووووق

"وبحب اضيف انو نورت ال blog :)"

 

دينار أردني ولا عراقي ؟

 

osama
اكلت هواااااااااااا....معقول يضحكو علينا ويعملوها؟؟؟
ويطلع بالاخر موزمبيقي يا سلااااام