Things I Like To Whisper About

Would You Hear Me Whispering

اطلع من راسي....وشكرا 2

قبل فتره كانت الامور مأزمه معي كتير وكتبت اطلع من راسي وشكرا 1 وحسيت حالي ارتحت
اليوم برضه بدي افش قلبي واحكي وكل فتره بس احسها قفلت وسكرت معي بدي اكتب


للموظف اللي بطلب اني انزله داتا على جهازه و بس اروح عنده لازم كل مره يخليني قاعده عنده ربع ساعه على اساس الشغل مقطع بعضه عنده و مش قادر يبعد عن الجهاز ثانيه....اطلع من راسي


لكل مراجع عمره 100 سنه و بس احكيله عمو بيتطلع علي نظره اشمئطاط و بحكيلي مشيلي المعامله انا زي اخوكي...اطلع من راسي

لكل شخص بعرف اني مش من الناس اللي ممكن حد يستغبيهم و بيضللو يتعاملو معي بطريقه هبله و بيخلوني اتعامل معهم بطريقه ما بحبها...اطلعو من راسي

لمديري اللي بيناديني 100000 مره و بيقطعني عن شغلي و بقطع حبل افكاري و تركيزي بالشغل علشان يسالني خلصتي الشغل ويلا لساا...اطلع من راسي "اه هو نفسه اللي علمناه عالماوس"

لكل وحده بتتعامل معي و بتحكيلي حبيبتي بطريقه بتستفزني فيها على اساس اني بصف تاني ب وهي الخالتو اللي بتفهم وما بتغلط...اطلعي من راسي


لإلي....اه لإلي اللي في امور كتير بحياتي لازم اخد فيها قرارات حاسمه بدون اي رجعه و لسا لهلأ مش ماخدتها...اطلعي من راسي...بس لا تطولي لانه في عنا شغل :)

لجارتنا وبناتها اللي كل ما صفيت السياره لازم تحكيلي اترك مكان لبنوتتها واروح اصف بعيد كيلو عن البيت علشان بنتها حرام بترجع بالليل وما بتلاقي مكان تصف فيه......اطلعي من راسي وبعنف....مهو انا طفله الكراج و بنت الحارس و بنتك الليدي فليحه

لقويدر...اللي بعد ما صرت بقويد بلانت صار ناس من فرنسا ومن كوريا يشوفو مدونتي وتعرفت على مدونات جد بتجنن و كتّاب جد موهوبين ...شكرا


لكل شخص وشخصه متابعه لمدونتي المتواضعه وشرفني بتعليقه ....شكرا

واللي ما علق....مره تانيه اطلع من راسي واهلا وسهلا فيكم دايما :)

يلااا ارتحت..خليني اروح انام









20 التعليقات :

كل هاد من "همسة"
لو كان إسم المدونة "صرخة" بنخلصش

و بعدين شو قصة إصص طرمة؟ يا بتكون "سواليف طرمة"‌يا "إصص غليزة" مكس اند ماتش مدني و بدوي بنفعش

 

هاهاهااها ... تحشييييييييييش
انا فكّرت رح ينوبني طرطوشة بالآخر بس الحمد لله ... ربّنا ستر... زي اخوكي انا .. بالله تنزلّيلي شوية داتا على جهازي بس صفّي سيّارتك بالحارة الثانية علشان عرس جارتنا الحِبلة .. و ما بيسوالها تمشي ببدلة العرس
ماشي خالتو؟ :)

بس جد ... حشّاشة! نوم العوافي انشالله

 

maf3oos
هو صحيح همسه...بس صوتي عالي بالهمس :)
وبالنسبه ل اصص طرمه
فلزوم ال اصص لشغلات متل بدي مامااااااااا
و الطرمه لزوم الشغلات متل اطلع من راسي

قويدر
الله يعافيك يا خالتي ويرضى عليك يا رب
تطلع من راسي جارتكم وتنضب, وبعدين ما في احلى من بدله العرس الديرتي
موضه :)

 

لوووووووووووووووووووووووووووووووووووووووووووووووول ... هاهاه ا,.,,
بجد تحشيش ...
يا بنتي العموهات الكبار زي إخوانك ,, هاهاهاا ...
و عجبتني صفي السيارة بعيد شوي ,,
لأ إنت بنت البطة السودا ,,, لووووووووووول
.. هاااهاهاهاها ,,,,

 

طب اذا كل هالعالم راح يطلعوا من راسك شو بدو يضل ! :)
انت بس حاولي تهدي شوي وتطولي بالك وبتمشي الامور .. وماراح توخد وقت ، موضوعك بخلص يعني من 10 لــ 15 سنة و وضعك بصير زنون .

 

vagueraz
اضحكي اضحكي
انا متأكده ان في 5 او 6 نفسك تحكيلهم اطلعو من راسي

خالد
10 ل 15 سنه لاااا كتير متفائل :$
لوقتها بكون طالع اشي احدث من الزنون

 

أنا بس صرت بدي أعرف وين بتشتغلي تا كل المراجعين عندك ختايره؟
بس جد هاي جارتكم من الآخر ؛ ماخده راحتها عالآخر

حاليا بحب أحكي لشغل الدار إطلع من راسي و كمان لأي فكره غبيه رجاء هسه مش وقته:)

يلا ولا يهمك كلها 50 سنه و بتفرج:)

اه كمان لرسالة الماستر : اطلعي من راسي بسرعه رجاء!!

 

مياسي
الله يعطيكي العافيه
كله الا شغل البيت :$ جد يطلع من راسنا كلنا

50 سنه الله يسامحك
وانا بحكي عنك انك اللي بترفعيلي معنوياتي

 

أنا شو بيعرفني هيك بسمعهم بيحكو:)

يعني 50 سنه يا همسه بيكون الواحد ودع و ارتاح خلص:) ع سلامتك طبعا!!

 

مياسي
هو برضه احسن تعطيها فتره كبيره لتتحسن الامور علشان ما نيأس و نضل في امل تتحسن

وبعدين شو ودعنا بنكون لسا صبايا بعز عمرنا يا دوب 100 سنه :)

 

كلمة "حبيبتي" هاي بتجلط ... بتحسيها مسبة وهم يقولوها خصوصي لو مسكوا ايد الواحد وهم يحكوا علشان تنتبهي.

 

Dreamy Villager
معك حق كتير بتنرفزني هالطريقه

 

عنجد كل شي بهالدنيا بدو : " اطلع من راسي"

 

لكل شخص وشخصه متابعه لمدونتي المتواضعه وشرفني بتعليقه ....شكرا

واللي ما علق....مره تانيه اطلع من راسي واهلا وسهلا فيكم دايما :)

هلا انا فكرت بهالجملتين لقيت انه انا متابع لمدونتك فشكرا اللى بس ما ببعت تعليقات فعشان ما اطلع من راسك ههه بعتت هالمرة حلو اسلوب الدواوين ههه كله الا راسك بعدين اعرفت وين بشتغل الحلو في بيت العجزة صح لانه اكتر عملاءه فوق الخمسين هههه.
مع خالص التحيات و الامنيات بمزيد من التقدم و بنستنى جديدك يا قصص طرمه ههه

 

expatriate

اهلا وسهلا فيك دايما وبتمنى ان قصصي الطرمه تكون بتعجبك :)

 

jad loooooooooool whisper ...

 

ahlan bashar ..thanks for the comment

 

shu mahdomeee :)

e2brni el 3asabi ana ;)

 

ولحضرتك كمان إطلعي من راسي وإخلعي الباب وراكي ..

 

sad
له له له طيب شو دخله الباب وليش هالمصاريف
عكلن حاضر :)