Things I Like To Whisper About

Would You Hear Me Whispering

اطلع من راسي...وشكرا

اليوم بدي احكي و بدي افش قلبي

لمديري مدير مديريه الحاسوب اللي امبارح علمناه كيف يشغل الجهاز و ان الماوس مش ريموت كنترول وما ترفعه و خليه عالماوس باد يا معلم.....
اطلع من راسي


للموظف الجديد اللي ما الو اربع شهور و بطالب يصير رئيس قسم و بحكي انا مش جاي اشوف موظفين انا جاي اخد فلووس.....
اطلع من راسي


للمدير العام اللي قززني من الصبح طلبات وااحصائيات وتعديلات و ...و........
اطلع من راسي

لاخوي اللي عرف عن المدونه واكيد راح يقرأها اللي كل ما شبكت عالنت بيجي بدو يشيك ايميلو او بدو يشوف الفيس بوك....اطلع من راسي

لكل موظف او موظفه بكونو واقفين عند باب الشغل وانا مروحه وبيقعدو يجحرو كاني قاتلتهم امهم او ابوهم و يتطلعو من فوق لتحت....اطلعو من راسي


للموظف اللي بضل يحكيلي" لدّي علي جاي" وبحكي اسمي غلط و يتفلسف و هو وانا عارفين ان الواحد بس يحفظ كم من مصطلح انجليزي بشغله ويضل يكررهم بمكانهم ومش مكانهم ما بعني انو صار يفهمم....اطلع من راسي

لكل واحد بغلط باسمي و بحكيلي ايناس او نسرين بس لانه اسمي فيه سين و نون......اطلعو من راسي


الك انت..اه اه انت اللي بتقرا وما بتعليق ....
اطلع من راسي وعلق لو سمحت :)

لخالد السعود.....
شكرا على المتابعه والتعليقات :)

لاسكدنيا....
شكرا لانه عن طريق مدونتك خطرتلي فكره اني افش قلبي بمدونه خاصه فيي



19 التعليقات :

اطلع من راسي

لصاحبتي اللي بتفكرني "بحب" من كل عقلها و مقتنعه بالفكره:)

جد اطلعي من راسي!!

 

اه اه مياسي زكرتيني
لصاحبتي اللي كل ما اشوفها لازم تضل تحكيلي عن الزواج و انه مهم للبنت وبعدين بتحكيلي قصص مقاتلاتها مع زوجها

اطلعي من راسي وسكري الباب كمان

 

اطلعي من راسي هههههههههههههههه

انا بحكي اطلع من راسي لكل الناس الي نازلن ويك واك علي طول اليوم :)

بهنيكي ع موقعك ولك مني كل الدعم ..
عامر

 

askadenia:

طالعه طالعه ما تدفش هههههههههههه
على راسي الشباب الطيبه

 

عنجد يطلعوا من راسي ..
بس بتعرفي لو بدي احكي اطلع من راسي ما بخلص طول اليوم ..
نفسي دايما يكون بالأمكان احكي اطلع من راسي لأنه كثير بكون ضروري ...
اه ويمكن اسمك صعب ولا اطلع من راسك !

 

خالد السعود

لا مش صعب بس همه اللي ما بعرفو يحكو منيح :)

 

وال هادا قلبك مليان على العالم ...قصدي راسك ... احكيلك شغله انتي كمان اطلعي من راسي وسكري الباب كمان ...:D

 

ammar

له له له الله يسامحك
بس برضه محمد القاتل مش طارق P:

 

انا حبيت اطلع من راسك

وعلقت:)

 

اهلا وسهلا فيكي اختي اقصوصه
وشكرا عالتعليق :)

 

هي علقنا خلص اهدي...التعليق صار بالبهدلة كمان.. ومالها القراية والواحد مسكر ثمه..حرام؟!

 

Dreamy Villager

:$ حاسه حالي بصف تاني ب ههههههههه

حلو الواحد يعرف الموضوع اللي كتبه حلو وعجب الناس ويلا تافه وسخيف :)

 

لكل الناس اللي ما بحبهم
اطلعوا من راسي وخصوصي الموظف الجديد اللي عنا هادا(اطلع من راسي ييييييييييييييييييييييييييييييييييييييييييييييييييييييييييييييييييييي)

 

amoon
انت اللي فاهمه هالعالم منيح لانك بتعاني معي :(
اطلعو من راسناااااااااااااا

 

la sa7bit hal modawinih hadi .. aaah haadi .. ummmmmmmm .. wja3teeli raasi :D

 

الك انت..اه اه انت اللي بتقرا وما بتعليق ....اطلع من راسي وعلق لو سمحت :) عجبتني هاي طلعت من التدوينه بس رديت ارجعت اعلق عشان ما افشلك. مش تحكي اني stalker بس عجبتني طريقة سردك للبعض الامور فقررت ابحبش 😊😊😊

 

اهلا وسهلا فيك صديقنا محمد :)
لا تتصور فرحتي لما حد يعلق على شي قديم

شكرا لمرورك و للمتابعه وان شاء الله يكون اللي قرأته بالمدونه عجبك :)

 

عفوا
صراحه الاشياء اللي بتكتبي عنها كثير واقعيه واللي معطمنا بتكون تخظر في باله هاي الاشياء وبتصير معه هاي المواقف وطبعا بلشت من اول اقرا مدونتك واللي شبه صارت تشغلني عن دراستي :) طبعا هاد شجعني انه ادخل عالم التدوين فكره حلوه كتير على بتضل احسن من الفيس اللي قلب مسخره
دمتي طيبه :)))