Things I Like To Whisper About

Would You Hear Me Whispering

Pay peanuts get monkey



بتعرفو شعور بس اكون بموقف و يكون حد قاهرك بكلامه و انت ترد عليه و بس تروح عالبيت تضلك تفكر بالموقف و تفكر ب 100 رد اقوى ب 1000 مره من الرد اللي رديته و يصير القهر يكبر و يكبر جواتك اني لييييييش ما رديت عليه هيك؟؟؟ 
فما بالك بالشعور بس يكون ردك هو الصمت !!! تخيلو انا ...انا اصمت وما ارد على شخص قهرني :( الي 3 ايام حاسة حالي بدي انجلط


هاد يا جماعة الخير وزي ما كلكم بتعرفو انا بشتغل بمؤسسة حكومية خدماتيه, وانا كنت من ضمن مبرمجين احنا اللى عملنا كل البرامج الشغاله بالمؤسسة وعنا قاعدة بيانات محرزة شغاله من 2003 و كتير في تبادل معلومات بينا وبين مؤسسات تانية بالحكومه, وكتير مؤسسات حكومية بتطلب داتا من عنا لانها مفيدة لشغلها.

المهم الاربعاء وصلني كتاب من جهة حكومية طالبه تعاونا معهم بالداتا , اتصلت بالمسؤولين هناك و بعد جهد وصلت للشخص المعني بالمعلومات لاعرف شو اللي بدهم اياه و طبيعه شغلهم و هل تتوافق مع لغة البرمجه اللي بنتعامل معها و اتفقنا انه يجي تاني يوم لاناقش كل هالامور.

اجا الاخ و اللي طلع موظف في شركة خاصة جايبينه الجهة الحكوميه كخبير ليحل مشاكلهم, كنت انا و مجموعه من المبرمجات و مدير المديريه و هو اجا مع  مسؤولة من المؤسسة الحكوميه, الشب مفكر حاله فطحل زمانه و بما انه بتعامل مع جهة حكوميه فاشلة اتوقع انه احنا زيهم, اسلوب اسألته و نوعيتها و تناقضها استفزني و كرهت الشب, وانا اذا كرهت شخص انسى وجهي مستحيل مستحييييييييييل يفرد, المهم بنتقد  شي و بعدين بسألني عن نفس الشي اذا موجود او لأ, وانا احكيله ما انت قبل دقيقه سألتني عنه كيف بتتوقع انه مش موجود, حكاله مديرنا انه احنا اللي عاملين كل شي بالبرنامج من الالف الى الياء و انه احنا اللي متابعين السيرفرات و كل شغل ال DBA, بسألني انتو ماخدين دورات, بعرف الحكومه ما بتعطي دورات يمكن الدوره الوحيده الماخدينها ICDL مع نبرة و نظرة استهزاء, حكيتله هلأ ببتوقع انا عاملين برامج و بنتابع السيرفرات من ال 2003 بدورة ICDL ??? بعدين انت مش جاي عنا علشان تاخد داتا و هالداتا راح توفر عليك فلوس و جهد؟؟ حكالي اه, حكيتله كيف شركه كبيره متلكم بدها تعتمد على داتا بشغلها مشكوك فيها و مشكوك باللي عاملينها وشغالين عليها, المهم حكيت كم من شغله بطريقة قمة العدائية خلته يجلس وخصوصا بس حكالي ايمتا بتجهز الداتا حكيتله الاحد ان شاء الله بما انه صرنا بنص اليوم و الشغل على السيرفر هلأ راح يخلي فيه بطئ , بحكيلي طيب يا ريت تجهزي الداتا الاحد الصبح امر اخده قبل ما اروح عالشغل لاني اذا بوصل الشركه ما بطلع, حكيتله اه ان شاء الله باجي انا من الفجر لاجهز الشغل علشان انت عال 8 تاخده اهم شي انت ما تطلع من شغلك, وسألته " يا ريت تجاوبني بصدق, اي مؤسسه تعاملتو معها و طلبتو منها داتا بعد قديش حكولكم راح يجهزوها؟؟؟" جاوبني " بصراحه اقل مده 3 شهور" واكتفيت بنظره انو شو رأيك اذا تاكل هوا, و كل سؤال ارد عليه فورا بطريقة تسكته و كل مره مديري يصير يبتسم الابتسامه الهبله و يحاول يلطف الجو, مع العلم بان مديري هاد جديد و طبعا كاي مدير في مؤسسة حكوميه ما بعرف بطبيعه و شغل مديريته اللي هو مسؤول عنها وما بعرف برمجه و مش فاهم ولا مقدر شغلنا.

من حديث الى حديث انتقلنا لموضوع انه نسبة قليله من المؤسسات الحكوميه برامجهم همه اللي عاملينها و متجهين بشكل كبير لشراء برامج جاهزه - مثل المؤسسة اللي متعامله معه - و من وجهة نظرة انه طبيعي هيك بما ان راتب موظف الشركات الخاصه بالالاف و راتب موظف الحكومه لا يقارن معه,  و استشهد بمثل "pay peanuts get monkey" انا تلقائيا وبصوت عالي حكيتله "نعم؟؟؟؟" بحكيلي طبعا مع احترامي الشديد, حكيتله لا لا لا انت ما خليت فيها احترام و انا لسا بدي اكله تدخل مديري و صار يأكد على كلامه و انا احاول اقاطع مش عارفه و انتقل الحديث لشي تاني و انا بغلي و ما قدرت ارجع للموضوع و روحو وانا ما حكيت , ومن يوم الخميس لليوم والموضوع بكبر براسي و صار في راسين فوق راسي من كتر الافكار و الردود اللي كان ممكن اعملها و اقلها اني اقوم و ما اكمل الاجتماع, هلأ انا قمة الاخلاص بالشغل و جهز السكريبت و عملتله تشغيل اخر الدوام بالداتا اللي بدهم اياها , بس بدي انتقم بدون ما يكون علي مسؤوليه دينيه, ما بدي اكون بعمل اشي حرام بس ما بدي اعطيهم الداتا, بدي اشوفه و امسح فيه الارض, بدي اخد حقي ومش عارفه كيف, ماما حبيبتي قد ما هي شايفتني مقهورة بتهدي فيي و بتحكيلي اني مش قليله و الا ما الاقي فرصه مناسبة وخصوصا انهم ولمده بسيطه راح يضطرو ياخدو الداتا اسبوعيا لحتى نعمللهم access  على السيرفر عنا, بدي انتقم ومش عارفه كيف :(

7 التعليقات :

حسبي الله ونعم الوكيل ومفيش فايدة
الله يعوض عليكِ
اقلبي الصفحة وانسي
لانه برضو جاي ايام اصعب وعلى كل الاصعدة

 

حسبي الله ونعم الوكيل
جهزت الداتا بس ما بدي احكي معه, حكيت لمديري شو حكا الشب و المدير انصدم طلع مو سامع و حكالي استني بس هو يرجع يحكي :)
ما حقلب الصفحه مش قادرة :$

 

ana bagool

obrosheeh "shway" 7atta law ma jab seereh 3ala alkalam elly 7akah

amma etha 7awal y3eed nafs aw kalam moshabeh fa sa3eetha o bdoon 7atta t3layet soot aw ay shee

e7keelo
ishi zay :

"3ala kollin mo awwal marrah b mor 3alaina nas by7ko hal 7aki o ana sha5siyyan akthar mn marrah ed6arrait at3amal ma3 haik mawaqif b al saneh elly gaddaitha bel emarat,, zameel la eli kan ygool

ma3lish, daymas sa3y l bareed bkoon a3saboh mtwatreh aktar mn elly ga3id bel maktab o bshtaghel shoghloh al7aqeeqi bel barmajeh o haik
"


I CANNOT BLV i AM "SUGGESTING" SUCH A THING BUT IT SEEMS HE ACTUALLY DESERVES TO HEAR SOMETHING ALONG THOSE LINES!

--------

3ala al hamish:

welcome back

+

u reminded me of george costanza from seinfeld's episode when he is looking for a comeback line to get even at someone who remarked a comment at him

"well, the jerk store called and they r running out of you!"

:D

 

@Haitham

انا مش مصدقة انك متعاطف معي و بتعطيني حلول و بتساعدني :$

هاد هنا خانم قضت عليك تماما :)

الشغل قررو يدهنو المكاتب و سبحان الله انشغلنا يومين و بكره مجازه لحالها تأجلت و لحسن الحظ انا اخدت رقم تلفونه وهو ما طلب رقمي فما بقدر يوصلي الا اذا غلب حاله وهو المطلوب :)

هههههه متزكرتها هالحلقة و كريمر كالعاده بعطي الحلول الدمار :)
المسلسل كله تحشيش

 

yeah, I am on a road to becoming a softy!
:@

:{

-----------
painting! hatha fasad!

:P

or maybe it is a sign
lool
----------

u got to introduce me to the one who pressed "boring" I SENSE there is a friendship there :D
----------
kraimer is something else! the funny thing is he is a real character that jerry seinfeld encountered in new york

I cannot think of any1 who did not like that sitcom
:)

 

بعد شهر الي في الأردن بحكي لأصحابي انه بشوف دواب كثير هون بهيئة البشر. فهاد واحد منهم.
طبعا لا تسكتيله لأنه كلامه كان عن شغلك مش عن شغله اجتماعيه. وهاد لازم يتأدب. فبالتالي الحل مش لازم يكون شخصي. يعني ما تحكي معه شخصيا. انا برأي تكتبي فيه كتاب شكوى رسمي موجه لمديرك وللجهه الحكوميه اللي ارسلت هاد الحمار. وتطلبي اعتذار رسمي.
كذلك نصيحه في مجال العمل سواء في الأردن أو بأمريكا دائما أعطي أطول فتره ممكنه لإنهاء عمل معين. لأنه بأي عمل جديد راح يتوقعوا منك تخلصي بنفس الفتره القليله اللي حكيتيلهم عنها. كذلك لما تقوليلهم راح أخلص عمل ما بيومين أو ثلاثه ما بياخدوا الموضوع انك موظفه نشيطه وإنما انه ما عندك شغل كثير ولذلك بتقدري تخلصي العمل بفترة وجيزه.

 

@Haitham
هاد الممل بدي اخصص بوست اله /الها اصلاطن
انتظرو جديدنا :)

كل المسلسل تحشيش لانه بتضحك على الكلام والمواقف اللي بتكون طبيعيه وتلقائيه :)

@مالك

اجا اليوم الاخ و بعد ما اعطيناه الداتا واجا يروح حكيتله لو سمحت تقعد في شي عندي لازم احكيه

النتيجه انه حكالي حقك على راسي من فوق وانا ما بقصد و قله ذوق مني اكون ضيف و احكي حكي غير مناسب و هو مثل بنحكى
حكيتله انتقاء الالفاظ جدا مهم و اللافاظ ما كانت مناسبه
حكالي راح اصير انتبه ومعك حق لو شرحت المثل حكي افضل و بصير احكي بتدفع قليل الخدمه ما بتكون ممتازه
ورجع اعتذر